Nehemia 13:5 - ICIGHAN BIBILO

⁵ a sôr un zegekpar henpe ngise ve koson iniav mbi sha samuyia man kwaghhumandoon man ikav man môm-ken-upue u alakema man wain man mkurem, akaa a i na Mbalevi man mbawanatsam man mbakuranhunda sha tindi, kua iniav mbi kenden sha sha ci u upristi la.

Nehemia 13:5 Iomraidhean Croise

2 Kroniku 31:11

Tsô Hesekia kaa er, i̱ sôr ayou a ken iyou i TER; tsô i sôr a je.

2 Kroniku 34:11

ka mbagbanakaa man mbamaankwagh, ve na ve ki ye, sha u ve̱ yam awen a kuan man ikon sha ci u uinderan man sha u eren ihange i ayou, a utor mba Yuda yan vihi kera la.

Nehemia 10:36

man shi ônov asev mba iundav mba nomso kua mba uzendenya asev er i nger ken atindiakaa nahan, man ônov mba iundav mba abua a ase, man mba iyôngo yase, sé va a mi hen you i Aôndo wase, hen upristi mba ve eren tom ken iyou i Aôndo wase;

Nehemia 10:37

man sé va a mwem asem ma geran ma hem, man iniav yasev mbi nan la, man atam a hanma injakon, man wain man mkurem, hen upristi, ken ayou a koson akaa ker a ken iyou i Aôndo wase; man sé va a môm-ken-upue u ishule yase hen Mbalevi; gadia Mbalevi vea ngohol môm-ken-upue sha agar a se kahan sule cii.

Nehemia 10:38

Pristi wan u Aron una lu a Mbalevi imôngo, zum u Mbalevi vea ngohol môm-ken-upue yô, shi Mbalevi vea tsuwa môm-ken-upue u umôm-ken-upue mba akaav la, vea va a mi hen iyou i Aôndo wase, ken ukpar mba ken iyou i koson akaa ker la.

Nehemia 12:44

Sha iyange la i ver ior sha u nengen sha ayou a koson akaa ker, ka iniav mbi kenden sha, man iyiav mbi tsutswav, man môm-ken-upue mba akaav, man sha u ve̱ kohol akaa ker a i tsough a ken ishule i agar sha ci u upristi kua Mbalevi sha tindi la, gadia Yuda ember sha ci u upristi kua Mbalevi mba ve til sha tom la.

Nehemia 13:7

tsô m va hen Yerusalem. Nahan m va kav kwaghbo u Eliashibi er la, er a sôr iyou hen kungur u iyou i Aôndo sha ci u Tobia yô.

Esekiel 40:38

Iyou igen lu a hunda u i, u nyôr ken puadwer u hunda, ka heregh i ôôn nagh ku nanden ye.