Nehemia 13:3 - ICIGHAN BIBILO

³ Tsô zum u ve ungwa atindi yô, ve sange ior mba ve lu nungwa nungwa mbala cii ken Iserael kera.

Nehemia 13:3 Iomraidhean Croise

Esera 10:11

Hegen yô, pase nen ase TER, Aôndo u uter enev, kwaghbo wen, er nen ishima Na; kem nen iyol a atôatyev a tar ne kua kasev mba atôatyev kpaa.

Esera 9:2

Gadia ve er ônov vev mba kasev sha ci ve ayol a ve man sha ci u ônov vev kpaa; nahan icighantsombor nungwa a atôatyev a hen ityar ne; ka atiator man mbatarev je, ve hemen sha kwaghbo ne ye.

Nehemia 10:28

Man ior mbagenev, upristi man Mbalevi man mbakuranihinda man mbawanatsam man mbasôrontempel kua mba ve kem ayol a ve a ior mba ken ityar la sha u kuran atindi a Aôndo yô, kasev vev man ônov vev mba nomso man mba kasev, hanmô u nan kom u ungwan kwagh kaven yô,

Nehemia 9:2

Tsombor u Iserael kem ayol a ve a atôatyev cii, ve tile sha, ve pase asorabo a ve, kua aferakaa a uter vev.

Upasalmi 119:11

M kusu mkaanem Ou ken ishima yam, sha er me er U isholibo ga yô.

Upasalmi 119:9

Ka sha nyi man wanyekwaor una wanger gbenda na? Ka sha u wan mkaanem Ou iko.

Ekesodu 12:38

Ikpelaior igen i i lu nungwa nungwa la kpaa, gba yemen a ve imôngo, man ivo kua abua kpaa, ilev ngee je zua ga.

Anzaakaa 6:23

Gadia tindi ka imenger je, ityesen kpaa ka iwanger, myange u sha mtsaha ka gbenda u uma je;

Numeri 11:4

Tsô agbilinaior a a lu a ve ityô la, akor kôr ve, nahan Mbaiserael shi gba vaan, kaan er: Ka an nana shi na se inyam se̱ ya?

Mbaromanu 3:20

Nahan sha aeren a sha atindi yô, a na ma or u umace ishô sha ishigh Nagh ga, gadia ka sha atindi man i fe asorabo ye.

Yakobu 1:27

Mcieaôndo u wang u a lu a acôghol iyol sha ishigh ki Aôndo ga yô, ka un ne: ka u za sôron ancôgholov kua kasev mba côgholov ken ican ve, man shi u kuran iyol you wang sha kwagh u taregh.