Nehemia 13:26 - ICIGHAN BIBILO

²⁶ Kera lu sha akaa ne man Solomon tor u Iserael er kwaghbo gaa? Ken akuraior kpishi ma tor ugen kuma sha a na ga, man un doo Aôndo ishima kpaa, Aôndo kpaa ver un tor sha Iserael cii, nahan kpaa kasev mba akuraior agen na un a er kwaghbo.

Nehemia 13:26 Iomraidhean Croise

1 Utor 21:25

Mimi je or u nan tee iyol i nan u eren ifer sha ishigh ki TER er Ahaba nahan, nan lu ga, gadia kwase na Yesebel tor un ityô.

1 Utor 3:12

nahan M er sha imo you; nenge, M na u ishima i fan kwagh man i kaven kwagh je, ma or vande ngun er we nahan ga, man ma or nana mough ken ijime you nana kuma sha a we kpaa ga.

1 Utor 3:13

M shi M na u kwagh u u sen ga kpaa, ka inyaregh man icivir, zan zan je yô, sha ayange a ou cii, á zua a ma tor ugen u kuman sha a we ga.

1 Utor 4:1

Nahan tor Solomon tema tor sha Iserael cii.

2 Kroniku 1:12

yô, mkav man mfe la i na u ve; shi Me na u inyaregh man mkpeyol man icivir, imba i ma tor ugen u nan vande lun a we nan lu a min ga, man shi ma or môm kpaa nana kera zua a mi ken ijime you nahan ga.

2 Kroniku 9:22

Kape tor Solomon hemba utor mba sha won cii inyaregh kua kwaghfan la.

Anzaakaa 31:3

De vihin agee ou sha ukase ga, de zenden ze hen mba ve timin utor ga.

Orpasenkwagh 7:26

Tsô m gema m zua a kwagh ugen ua hembe yuan a ku yô; ka kwase u ishima i nan i lu ityamberev mbi hônon kua ukper yô, ave a na kpaa a lu mshirim; or u i doo Aôndo a nan yô, nana war un, kpa orsholibo yô, una gema á kôr nan.