Nehemia 13:25 - ICIGHAN BIBILO

²⁵ Nahan m zôhô a ve, m wa ve ifan, m gbidye mbagenev, m gbera ve ice, m er ve ve bum Aôndo, m kaa mer: De kera ne nen ônov enev mba kasev ner, ônov vev mba nomso ve̱ er ga, man shi de kera eren nen ônov vev mba kasev sha ci u ônov enev mba nomso ga, shin sha ci wen ayol a en kpaa ga.

Nehemia 13:25 Iomraidhean Croise

2 Utor 2:24

Tsô a gema ashe a kenger ve a wa ve ifan ken iti i TER. Nahan ungômbadwem uhar due shin ikô va kôr anmbayev nomso mbagenev akunduahar kar uhar ken ve, ande.

Esera 10:5

Tsô Esera mough, na upristi mba tamen man Mbalevi kua Iserael cii ve bum er vea er sha mkaanem man. Tsô ve bum.

Esera 7:26

Hanma or u nana venda u eren sha tindi u Aôndo wou, man tindi u tor yô, i̱ ôr nan ijir fese je, shin a lu i kuugh, shin i zendan nan, shin i yan nan zwajirigh, shin i wan nan gaadi kpaa.

Nehemia 13:11

Nahan m zôhô a mbatarev, m kaa mer: Ka nyi i gbihi iyou i Aôndo nahana? Tsô m kohol ve imôngo m hide a ve sha tom ve.

Nehemia 13:17

Nahan m zôhô a mbatamen mba Yuda, m kaa a ve mer, ka nyi kwaghbo ne eren ne, ne hôngor iyange i memen nahana?

Nehemia 13:24

ônov vev mbagenev lu lamen zwa u Ashedodi, ve fatyô u ôron zwa u Mbayuda ga, saa di zwa u ma ikur igen la tsô.

Nehemia 5:13

Shi m nduur riga wam, m kaa mer: Kape hanma or u nan er sha ityendezwa ne ga yô, Aôndo Una nduur nan ken ya u nan kua tom u nan kera ne; kape á nduur nan nana hingir aveve la. Tsô, ior cii kaa er: Amen! Shi ve wuese TER. Nahan ior er sha ityendezwa ne.

Nehemia 5:6

Nahan ishima vihim kpishi zum u m ungwa mliam vem kua akaaôron ne kpaa yô.

Upasalmi 119:53

Ishima vihim tsung, sha ci u mbaaferev mba ve undu atindiakaa a Ou la.

Upasalmi 15:4

sha mnenge u nan yô, dangor ka nan kwagh u lahan je; kpa nan ngu civir mba ve cie TER. Ka nana bum yô, shin a hingir u kwagh á va tser nan kpaa, nan gema kposo ga;

Ekesodu 34:16

shi ú er ônov vev mba kasev ú na ônov ou mba nomso kpaa; nahan ônov vev mba kasev mbala zum u vea eren idya sha u dondon mbaaôndo vev yô, vea na ônov ou mba nomso kpaa vea er idya sha u dondon mbaaôndo vev mbala.

Anzaakaa 28:4

Mba ve undu tindi yô, ka ve civir mbaaferev, kpa mba ve we tindi iko yô, ka ve ta num sha a ve.

Yesaia 50:6

M gema ijime Yam M na mbagbidyen, ahenge Am kpaa M na mbagbelanice; M yer ishigh Yagh kera sha u cian kunya kua azer a haan ga.

Duteronomi 6:13

Ka TER, Aôndo wou, cian Un ye, shi ka Un kpaa eren Un tom, ka iti Na kpaa bumun nen ye.

Duteronomi 7:3

De eren kasev ken a ga; de tee wan wou u kwase ne or u ken a ga, man de eren wan u a, va ne wan wou ga.

Yosua 23:12

Gadia aluer nea kaha nea zua a akuraior a a shi her ken a ven ne, nea er kasev ken a ve, vea nungwa a ven yô,