Nehemia 13:23 - ICIGHAN BIBILO

²³ Sha ayange la kpaa, shi m nenge Mbayuda mba ve er kasev ken Ashedodi man ken Amon kua ken Moabi;

Nehemia 13:23 Iomraidhean Croise

1 Utor 11:1

Kasev mba ken akuraior agen kpishi doo tor Solomon ishima, lu wan u tor Farao kua kasev mba Mbamoabi man Mbaamon man Mbaedom man Mbashidon kua Mbahiti;

Esera 10:10

Tsô pristi Esera mough tile sha, kaa a ve er: Ne er kwaghbo, ne er kasev ken atôatyev, sha u ne seer Iserael ibo.

Esera 10:44

Mban cii ve er kasev ken atôatyev; kasev mbagenev ken ve mar ônov je.

Nehemia 10:30

mayange sé kera na ônov asev mba kasev hen ior mba ken tar ne ga, man shi mayange sé er ônov vev mba kasev sha ci u ônov asev mba nomso ga;

Nehemia 10:31

man aluer ior mba ken tar ne vea va a ikav mbi teen shin hanma injakwaghyan sha iyange i memen sha u teen yô, sé yam a ve sha iyange i memen ga, shin sha ma icighaniyange kpaa ga; man hanma inyom i sha utaankaruhar la sé tsôr sule, shi sé kera yar ma injô kpaa ga.

Nehemia 13:1

Tsô sha iyange la, ve ôr ken ruamabera u Mose sha ato a ior; i nger kimi er, or u Amon man or u Moabi nana̱ de nyer ken mkohol u ior mba Aôndo mayange je ga;

Nehemia 13:24

ônov vev mbagenev lu lamen zwa u Ashedodi, ve fatyô u ôron zwa u Mbayuda ga, saa di zwa u ma ikur igen la tsô.

Nehemia 13:27

Nahan er se ungwa ser ne er zegekwaghbo ne cii, ne per tindi u Aôndo wase, ne er kasev mba akur agen, doo je kpa?

Nehemia 4:7

Kpa zum u Sanbalati man Tobia man Mbaarabia man Mbaamon kua Mbaashedodi ve ungwa er mser u gilgar u Yerusalem la lu zan hemen, man i hii u kondon a-an a i pev un la yô, asema vihi ve tsung;

Ekesodu 34:11

Ver ishima sha kwagh u M we u nyian ne; nenge, M zenda Mbaamor sha ishigh you kera kua Mbakanaan man Mbahiti man Mbaperishi man Mbahivi man Mbayebushi kpaa.

2 Mbakorinte 6:14

I̱ de zough ne ken mzough u kpeegh sha igbur i môm a or u nan ne jighjigh ga, imôngo ga. Gadia perapera zua vea ifer sha nyi? Shin ka nyi mzough i lu hen iwanger a ime?

Duteronomi 7:1

Zum u TER, Aôndo wou, Una nyôr a we ken tar u u ze sha u za ngohol u la yô, man Una zenda akuraior kpishi sha ishigh you kera, ka Mbahiti man Mbagirgashi man Mbaamor man Mbakanaan man Mbaperishi man Mbahivi man Mbayebushi, akuraior ataankarahar a a hembe u iyenge man agee kpaa yô,

Rutu 1:4

Nahan ve er kasev ken Mbamoabi; iti i u môm er Orpa, iti i ugen la er Rutu; ve tema her er anyom pue nahan.

1 Samuel 5:1

Tsô Mbafiliti ngohol areki u Aôndo hen Ebeneser, ve yem a mi hen Ashedodi.