Nehemia 13:22 - ICIGHAN BIBILO

²² Shi m kaa a Mbalevi mer, ve̱ wanger ayol a ve, ve̱ va, ve̱ va kura ihindagar, sha u tseghan iyange i memen. Umbur mo Aôndo wam sha kwagh ne kpaa, man shi tsegham sha erdoo Wou u U lu a mi yum la.

Nehemia 13:22 Iomraidhean Croise

2 Utor 20:3

TERE, shi umbur er m zende sha ishigh You sha mimi a ishima i jighilii, shi m er akaa a dedoo sha ashe a Ou kpaa yô. Nahan Hesekia gba vaan tsung.

2 Utor 23:4

Tsô Tor kaa zegepristi Hilkia man upristi mba gbiren sha a na, man mbakuranhunda er, ve̱ due a ikav ken tempel u TER cii, mbi i er sha ci u Baal man sha ci u Ashera man shi sha ci u akum a Sha la; a nande mbi ken akôngo a Yerusalem ken mkôngom ma Kideron, a kura mtwem ma mbi, a za a mi hen Betel.

2 Kroniku 29:24

tsô upristi sôngo ve, ve na nagh ku isholibo sha awambe a ve sha atse, sha u wamen sha ci u Iserael cii; gadia tor kaa er, i̱ na nagh ku nanden man nagh ku isholibo sha ci u Iserael cii.

2 Kroniku 29:27

Nahan Hesekia na zwa er i̱ na nagh ku nanden sha atse. Mba ngur nan nagh ku nanden yô, i hii icam i wuese TER kua ikor i tôngon kpaa, a ityogholov mbi Davidi tor u Iserael la imôngo.

2 Kroniku 29:30

Tsô tor Hesekia kua atiator, ve kaa Mbalevi er, ve̱ wa icam i wuese TER, sha kwaghôron u Davidi man u Asav ornengenakaa. Nahan ve wa icam, i wuese a iember, ve gure ve wa ityough inya.

Nehemia 12:10

Yeshua mar Yoyakim, Yoyakim gema mar Eliashibi, Eliashibi gema mar Yoyada,

Nehemia 12:30

Upristi kua Mbalevi wanger ayol a ve; shi ve wanger ior man ihindagar kua gilgar kpaa.

Nehemia 13:14

Umbur mo Aôndo wam sha kwagh ne, de esen aeren a am a dedoo a m er sha ci u iyou i Aôndo wam kua sha ci u ityom i i la kpaa kera ga.

Nehemia 13:31

man shi u van a ikon sha ashighe ashighe, kua iyiav mbi tsutswav kpaa. Umbur mo Aôndo wam, verem, doo doo.

Nehemia 5:19

Umbur mo sha kwagh u dedoo, Aôndo wam, sha akaa a m er sha ci u ior mban cii.

Upasalmi 130:7

We, Iserael, ver ishima kegh TER, gadia ka hen TER erdoo a lu ye, man hen a Na mpaa ngu wuee.

Upasalmi 5:7

Kpa mo yô, sha mngee u erdoo Wou, me nyôr ken iyou You; me gure me ver ishigh sha icighantempel Wou, a mciem sha ishigh You.

Upasalmi 51:1

Zungwem mhôônom Aôndo, sha erdoo Wou; sha mhôônom Ou ma kôron yum la, esem akaabo am kera.

Yesaia 38:3

a kaa er: TERE, shi umbur er m zende sha ishigh You sha mimi a ishima i jighilii, shi m er akaa a dedoo sha ashe Ou kpaa yô. Nahan Hesekia gba vaan tsung.

Yesaia 49:23

Utor vea lu uter ou mba kuran we, man ashagba a ukase a ve vea lu ungô mba koson we; vea gule u sha ishi, vea kuma ishiv vev inya, vea ndiar ihundu i shin angahar a ou; tsô ú fa er M lu TER, mba ve veren ashe Mo vea va ahenge ga ye.

Yesaia 55:7

Iferor nana̱ undu gbenda u nan; u nan lu perapera ga kpaa, nana̱ gbihi mbamhen mba nan kera, nana̱ hide hen TER, tsô Una zungwe nan mhôônom, man hen Aôndo wase, gadia Un deen kwaghbo wuee.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

Duteronomi 5:12

Waan iyange i memen iko sha er u tseghan i yô, er TER, Aôndo wou, A kaa u nahan.