Nehemia 13:15 - ICIGHAN BIBILO

¹⁵ Sha ayange la je, m nenge ior mbagenev ken Yuda mba ve lu shoghol atam a wain ken ahungwa sha iyange i memen, shi ve lu nyôron a aile a alakema ve penda a sha ujaki, kua wain man atam a wain man a tur man hanma injauika kpaa, ve va a mi ken Yerusalem sha iyange i memen; nahan m pase ve ibo ve sha iyange i ve lu teen kwaghyan la.

Nehemia 13:15 Iomraidhean Croise

2 Kroniku 24:19

Nahan kpaa, A tindi uprofeti hen a ve er ve̱ hide a ve hen TER; ve wa ve kwagh, kpa ve ver ato ga.

Nehemia 10:31

man aluer ior mba ken tar ne vea va a ikav mbi teen shin hanma injakwaghyan sha iyange i memen sha u teen yô, sé yam a ve sha iyange i memen ga, shin sha ma icighaniyange kpaa ga; man hanma inyom i sha utaankaruhar la sé tsôr sule, shi sé kera yar ma injô kpaa ga.

Nehemia 10:32

Shi se zua zwa ayol a ase, sé na vegher môm u ken avegher atar a shekel hanma inyom sha ci u tom u iyou i Aôndo wase;

Nehemia 13:16

Ior mba Tiru mbagenev kpaa mba ve tema ker, ve va a ishu kua hanma injauika i kasua, ve lu va teen sha iyange i memen hen Mbayuda ken Yerusalem je.

Nehemia 13:21

Tsô m yange ve, m kaa a ve mer, ka nyi ne tse hen kpe u gilgara? Aluer né shi né er nahan yô, me de ne ga. Hii hen shighe la je zan zan ve kera seer van sha iyange i memen ga.

Nehemia 9:29

shi U pase ve ibo ve, sha u hiden a ve hen atindi a Ou; nahan kpaa ve er kwagh sha ityough ki kehen, ve ver ato sha atindi a Ou ga, kpa ve er kwaghbo, ve laha ajiraôron a Ou, a or nana wa a iko yô, nana lu uma sha a la, ve yoghol akende, ve nômbo ikôr, ve venda u ungwa.

Yobu 39:12

Ú na i jighjigh wer, ia va u a iyiagh ken ya, ia kohol ki sha vande u gbiren iyiava?

Upasalmi 50:7

Ver nen ato, ne ior Av, Me ôr kwagh, we Iserael, Me ta kwagh ken a we ga; Mo M ngu Aôndo, Aôndo wou je.

Ekesodu 31:12

TER shi ôr kwagh a Mose, kaa er:

Ekesodu 31:16

Mbaiserael ve̱ waan iyange i memen iko, ve̱ memen sha i sha ikov ikov, i̱ hingir ve ikuryan i tsôron.

Ekesodu 34:21

Er tom ayange ataratar, kpa sha iyange i ataankarahar la yô, ú mem; sha shighe u kahan sule man shighe u sundan la kpaa, ú mem.

Ekesodu 35:2

I̱ eren tom ayange ataratar, kpa iyange i ataankarahar la yô, i̱ lu ne icighanyange i memen i civir TER; hanma or u nana er nyityôtom sha i yô, i̱ wua nan.

Anzaakaa 28:4

Mba ve undu tindi yô, ka ve civir mbaaferev, kpa mba ve we tindi iko yô, ka ve ta num sha a ve.

Yesaia 58:13

Aluer wea hide a nguhar wou ijime sha iyange i memen, wea kera er tom wou sha icighanyange Yam ga, aluer wea yila iyange i memen wer: Ka kwagh u saren mo, man ka icighanyange i TER, kwagh u icivirigh je, man ú civir i, er ú kera za sha igbenda you ga, shin ú ker ian sha ci u tom wou ga, shi ú kera ôr akaa a ou kpaa ga yô,

Yeremia 17:24

Tsô, aluer nea ungwam mimi mimi, kape TER A kaa ne, man nea kera nyôron a ikav sha ihinda i gar ne sha iyange i memen ga, kpa nea tsegha iyange i memen, sha u eren ma tom sha i ga yô;

Yeremia 17:27

Kpa aluer nea ungwam ga, nea rumun u tseghan iyange i memen ga, man u den ikav mbi tôôn nyôron a mi hen ihinda i Yerusalem sha iyange i memen ga, nahan Me keer usu hen ihinda na, ua hia ayou a utor a Yerusalem, á kera pir u kpaa ga.

Yeremia 42:19

TER ôr kwagh a ven ve, ne asande a Yuda a a shi her ne: De ze nen ken Igipiti ga; fa nen doo doo, m wa ne kwagh nyian ve,

Esekiel 20:13

Kpa ya u Iserael hendan a Mo ken desereti, ve zende sha akaawan a Am ga man ve venda akaaôron a Am a jirigh a or nana̱ er sha mi man nana lu uma yô; ve vihi ayange a memen a Am tsung je, nahan M kaa Mer, Me haa ishima Yam i vihin sha a ve ken desereti, sha u timin ve.

Amoshi 8:5

ne kaan ner: Ka hanma shighe uwer u he ne ua bee sha er sé tee samuyiaa? Man iyange i memen kpaa sha er sé tee kasua u alakema? sha u sé hide a efa ijime man geman kehen shekel a kehe, man sha u nyighen ior sha ikaren i icughugh;

Mika 6:3

Ior Av, ka nyi M er ne? M za ne iyol sha nyi? Kaam nen.

Aerenakaa A Mbaapostoli 2:40

Shi a seer ôron ve akaa agen, lu pasen ve kwagh gbar gbar, lu taver ve ishima, kaan a ve er: I̱ yima ne sha kov u lun kpe ne.

Aerenakaa A Mbaapostoli 20:21

m lu pasen Mbayuda man Mbagrika kwagh u ishima i geman hen Aôndo man kwagh u jighjigh u nan Ter wase Yesu Kristu la.

Mbagalatia 5:3

M ngu kimbir u eren hanma or u nana va tsôngo shiada mer, atindi ci ca cii kpaa ka u nana̱ kura keng.

Mbaefese 4:17

M ngu ôron kwagh ne ken Ter m ngu eren shiada mer, mayange de kera zenden nen er atôatyev a zenden sha mhen ve u gbilinigh la nahan ga.

Duteronomi 8:19

Tsô aluer TER, Aôndo wou, á hungul we, wea gema wea dondo mbaaôndo mbagenev, wea eren ve tom, wea guren, wea civir ve yô, m pase ne nyian ne, né tim kpee.

1 Mbatesalonika 4:6

Ma or môm nana̱ de kera tsughun anmgbian u nan sha kwagh ne, nana̱ eren nan kwagh u vihin ga, gadia Ter ka u oron iyev sha akaa ne cii er se vande kaan ne shi se pase ne nahan kpaa.