Nehemia 13:10 - ICIGHAN BIBILO

¹⁰ Shi m nenge er i lu nan Mbalevi kwar ve ga yô, nahan Mbalevi man mbawanatsam, ve mba ve lu eren tom la, ve yevese, hanma or yem hen sule u nan.

Nehemia 13:10 Iomraidhean Croise

2 Kroniku 31:4

Shi a kaa ior mba ve tem ken Yerusalem la er, ve̱ na kwar u upristi man u Mbalevi, sha u vea ver asema a ve sha atindi a TER yô.

Nehemia 10:37

man sé va a mwem asem ma geran ma hem, man iniav yasev mbi nan la, man atam a hanma injakon, man wain man mkurem, hen upristi, ken ayou a koson akaa ker a ken iyou i Aôndo wase; man sé va a môm-ken-upue u ishule yase hen Mbalevi; gadia Mbalevi vea ngohol môm-ken-upue sha agar a se kahan sule cii.

Nehemia 10:39

Gadia Mbaiserael man Mbalevi vea va a iniav mbi alakema man wain man mkurem, hen ayou, henpe ikav mbi icighanjiir, man upristi mba ve eren tom la, man mbakuranhunda kua mbawanatsam ve lu yô; mayange sé kera gbihi iyou i Aôndo wase ga.

Nehemia 12:47

Sha ayange a Serubabel man sha ayange a Nehemia la, Iserael lu nan mbawanatsam man mbakuranhunda kwar sha gbayol ve u hanma iyange je; ve tsegha akaa sha ci u Mbalevi, Mbalevi di kpaa gema tsegha sha ci u ônov mba Aron.

Yesaia 43:23

U vam a iyôngo i nagh ough ku nanden ga, u civir Mo sha nagh ough ku sôngon kpaa ga. Mo M kighir we Mer, va nam nagh ku sha samuyia ga, M za u iyol sha nagh ku nanden ku human doon kpaa ga.

Malaki 3:8

Or nana fatyô u iin Aôndo kwagha? Nahan kpaa ne mba iin Mo kwagh. Kpa ne mba kaan ner: Ka han se ii U kwagha? Ka sha môm-ken-upue la, man sha iniav mbi nan kpaa.

Numeri 35:2

Kaa Mbaiserael ve̱ pande dyako u ve zough a mi la ve̱ na Mbalevi agar a teman ker, shi na nen Mbalevi akôngo a lun a toho sha ci u uile, a a kase agar la kpaa.

Duteronomi 12:19

Kura iyol you, de nengen sha Orlevi dang ga, sha ayange a ou a u tem ken tar wou la cii.