Nehemia 12:43 - ICIGHAN BIBILO

⁴³ Ve na iniav kpishi sha iyange la, ve ember; gadia Aôndo na ve ve ember zegeiember; kasev kua mbayev kpaa ve lu ember; nahan i ungwa iember i Yerusalem ca je.

Nehemia 12:43 Iomraidhean Croise

2 Kroniku 20:13

Tsô Mbayuda cii tile sha ishigh ki TER, mbayev vev mba kiriki man kasev vev kua ônov vev kpaa.

2 Kroniku 20:27

Tsô ior i Yuda kua i Yerusalem cii gba hiden, Yehoshafati lu ve sha hemen; ve gba hiden ken Yerusalem a iember, gadia TER na ve iember ken asema sha mbaihomov vev.

2 Kroniku 7:10

Sha iyange i sha ikundu kar atar sha uwer u sha utaankaruhar la, a na ior gbenda er ve̱ yem hen utenti vev; ve gba ember saan saan sha ci u aeren a dedoo a TER A er a Davidi man Solomon kua ior Nav Iserael, yô.

Esera 3:13

nahan ior kera fatyô u fan mkposo u imo a iember man imo a mliam ma iorom ga; gadia ior ger akenge genger genger, i ungwa ayôôso ca je.

Nehemia 12:27

Tsô sha shighe u mtsegh u gilgar u Yerusalem la yô, ve ker Mbalevi sha ajiir a ve cii, sha u van a ve ken Yerusalem sha u va ember mtsegh la, a iember man sha ishughun kua atsam a wan man sha ukwen man mbaadiguve kua umolo.

Nehemia 12:42

man Maaseia man Shemaia man Eleasar man Ushi man Yehohanan man Malkiya man Elam man Eser. Mbawanatsam genger imo, a Yeserahia orhemen ve.

Yobu 34:29

Aluer Wen Una huan yô, ka anti je nana na ibo? man aluer Una yer ishigh Nagh yô, ka anti nana nenge a Na— shin a lu ikurior, shin a lu or môm kpaa, ve imôngo cii—

Upasalmi 27:6

Hegen kpaa, kendem ityough sha, sha mbaihomov av mba ve kasem yô; man me na nagh a iember ken tenti Na, me wa icam, een, me wa atsam a wuese TER.

Upasalmi 28:7

TER ka agee am je, man perutya wam kpaa, ishima yam suur sha a Na, m zough a iwasen, nahan yô, ishima yam ngi ember tsung; ka sha icam yam kpaa me wuese Un ye.

Upasalmi 9:2

Me ember, me ember tsung ken a We, me wa icam i civir iti You, We Uhembansha,

Upasalmi 92:4

Gadia U erem saan mo iyol sha tom Wou, TERE; me ember sha ityom i ave Ou.

Yesaia 61:3

Shi M̱ ver mba ve zungu ken Shion la, tsar u hweegh sha ityough ki mtwe, mkurem ma msaanyol sha ityough ki mzungu; ikondo i cirin i iwuese sha ityough ki ishima i zunguluu; sha u á yila ve er, ikon i ouki i perapera, ka mmôôr u TER, sha er i̱ civir Un yô.

Yeremia 31:13

Hen shighe la iniunkwase ia ember ia vinen amar, kua ikaior man mbatamen imôngo kpaa; gadia Me gema ijungwen ve ia hingir iember, Me sur ve ishima man Me na vea ember er ishimavihin ve i bee yô.

Yeremia 33:11

imo i iember ker, man imo i sar sar, man imo i orkwasehe man imo i kwasehe man imo i mba ve kaan er: Wuese nen TER ka u akum a Sha, gadia TER ka u doon je, gadia erdoo Na ngu zan zan gbem sha won. Ka imo i mba ve ve a iniav mbi ishughun ken iyou i TER je la. Gadia Me gema mlu u tar la, ua hingir er tsuaa nahan, kape TER A kaa ne.

Numeri 10:10

Sha ayange a en a ember kpaa, man sha ayange a uiniongo enev, man mdugh u iweregh kpaa, tôngon nen ukakaki sha iniav yenev mbi nanden kua iniav yenev mbi sôngon mbi bem kpaa, vea na á umbur ne sha ishigh ki Aôndo wen; ka Mo TER M lu Aôndo wen ye.

Mateu 21:15

Kpa zum u upristi mba tamen man mbangeren ve nenge ityom Na i kpiligh iyol i A er, man mbayev kpaa mba ve lu genger amo ken tempel kaan er: Hosana Wan u Davidi, yô, asema vihi ve.

Mateu 21:9

Ikpelaior i zan Un sha hemen man i dondon Un ken ijime, ve gba genger amo, kaan er: Hosana Wan u Davidi, i̱ wuese Un u A ve ken iti i Ter la; Hosana sha Usha mba hemban gban ica la.

YOHANE 16:22

Nahan ne kpaa, asema nga vihin ne hegen, kpa Me shi Me nenge a ven, nahan asema a en kpaa aa ember, ma or kpaa nana bunde ne iember yen ga.

Mbaefese 5:19

Ôron nen kwagh ayol a en sha upasalami man atsam man amo a gberen a ken jijingi, man dugh nen amo, waan nen Ter atsam ken asema a en.

Yakobu 5:13

Ican i tser ma orgen ken a vene? Yô, nana̱ er msen. Orgen nan ngu saan saana? Yô, nana̱ wa icam i iember.

1 Samuel 4:5

Zum u areki u ikuryan u TER va nyôr hen afo yô, Iserael cii ger je, inya tenger.