Nehemia 10:34 - ICIGHAN BIBILO

³⁴ Man se, upristi man Mbalevi kua ior mbagenev sé er ishor sha u fan mba vea naan ikon i van a mi ken iyou i Aôndo wase yô, sha uya mba uter asev, sha ashighe a i ver sha anyom anyom la, sha u nanden sha atse a nanden nagh sha mi a TER, Aôndo wase, er i nger ken atindiakaa nahan.

Nehemia 10:34 Iomraidhean Croise

1 Kroniku 24:5

Kape i kar ve sha ishor i eren la, ngun man ngula; gadia mbavesen sha tom u icighanjiir man mbavesen sha tom u Aôndo lu ken ônov mba Eleasar kua ken ônov mba Itamar kpaa.

1 Kroniku 24:7

Kwar u hiihii gba sha Yehoyaribi, u sha uhar gba sha Yedaia,

2 Kroniku 2:3

Shi Solomon tindi loho hen Huram tor u Tiru, a kaa er: Er lu u er a terem Davidi, u tindi un a ikon i sedar sha u i̱ maan un iyou i tsan ker la, yô, mo kpaa er a mo nahan.

Esera 3:5

ken masejime la yô, lu nagh ku i nanden ku gbem, bunden ga la, man iniav mbi sha iwer i he, man mbi sha uiniongo mba TER mba i ver ve, i tsegh ve la cii, man ku hanma or u nan ne TER nagh sha ishima i dedoo yô.

Nehemia 11:1

Atiator a ior tema ken Yerusalem; ior mbagenev yô, ve er ishor sha u tsuwan or môm ken mbapuev er nana̱ va tema ken Yerusalem, icighangar la, mba utaankarunyiin yô, ve̱ tema ken agar agen.

Nehemia 13:31

man shi u van a ikon sha ashighe ashighe, kua iyiav mbi tsutswav kpaa. Umbur mo Aôndo wam, verem, doo doo.

Anzaakaa 18:18

Ishor i eren ka i kure anyimanaikaa, man i pav mbaageev kpaa.

Yesaia 40:16

Lebanon kpaa kuma u keer usu a mi ga, ishôso i sha mi kpaa kuma u nan nagh ku nanden a mi ga.

Levitiku 24:5

Tôô mwem ma kengese, kaa umasa a mi pue kar uhar, masa môm a̱ kuma uikaren uhar-ken-upue.

Levitiku 24:6

Ver ve iniongo ihiar môôr, môôr, hanma nongo ve̱ lu ataratar, sha tebul u wang la, sha ishigh ki TER.

Numeri 28:2

Kaa ônov mba Iserael wer: Ver nen asema, nam nen nagh Agh, kwaghyan Wam, sha ci u iniav Yav mbi usuv mbi humandoon la, sha ashighe a i ver yô.

Aerenakaa A Mbaapostoli 1:26

Tsô ve er ishor, ishor gba sha Matia; i maa i ver un a mbaapostoli mba pue kar môm mbala imôngo.

Yosua 9:27

Sha iyange la je Yosua gema ve, ve hingir ior mba gberen ikon man mba kesen mngerem sha ci u mkohol u ior man sha ci u atse a TER a nanden nagh sha mi kpaa, hen ijiir i Una tsuwa yô, zan zan nyian.