Nehemia 10:31 - ICIGHAN BIBILO

³¹ man aluer ior mba ken tar ne vea va a ikav mbi teen shin hanma injakwaghyan sha iyange i memen sha u teen yô, sé yam a ve sha iyange i memen ga, shin sha ma icighaniyange kpaa ga; man hanma inyom i sha utaankaruhar la sé tsôr sule, shi sé kera yar ma injô kpaa ga.

Nehemia 10:31 Iomraidhean Croise

2 Kroniku 36:21

sha u kwaghôron u TER u Yeremia lu ôr la, a̱ kure sha mi vough, zan zan tar la zua a mmem sha ayange a memen a u, gadia shighe u u hingir ice la yô, u mem zan zan anyom akunduatargber kar ivin.

Nehemia 13:23

Sha ayange la kpaa, shi m nenge Mbayuda mba ve er kasev ken Ashedodi man ken Amon kua ken Moabi;

Nehemia 13:27

Nahan er se ungwa ser ne er zegekwaghbo ne cii, ne per tindi u Aôndo wase, ne er kasev mba akur agen, doo je kpa?

Ekesodu 12:16

Sha iyange i hiihii la, né er icighanmkohol, man sha iyange i sha utaankaruhar la kpaa, shi á lu icighanmkohol; á kera er ma tom sha a je ga, saa di kwagh u hanma or nana ya tsô, ka kwagh la tseegh né er ye.

Ekesodu 20:10

kpa iyange i ataankarahar la, ka iyange i memen i TER, Aôndo wou, je la; sha iyange ngila de ker ma tom ave ga, we, man shi wan wou u nomso, man shi wan wou u kwase, man shi or u shiren we tom, man shi kwase u eren we tom, man shi uzendenya ou, man shi shiror u nan nyer u a nyôr;

Ekesodu 34:16

shi ú er ônov vev mba kasev ú na ônov ou mba nomso kpaa; nahan ônov vev mba kasev mbala zum u vea eren idya sha u dondon mbaaôndo vev yô, vea na ônov ou mba nomso kpaa vea er idya sha u dondon mbaaôndo vev mbala.

Yesaia 58:6

Kwaghyan u hôron u M tsough yô, kera ka u né sagh ikangenev mbi iferkwagh kera, man né poso igbur, né na mba i kighir ve la ian u yemen, man shi né kever hanma igbur gaa?

Levitiku 16:29

I̱ hingir ne tindi u gbem sha won je; uwer u sha utaankaruhar sha ayange a u pue la, ule nen, hanma injatom kpaa de eren nen ga, shin a lu or u tar la jim, shin shiror u nan lu shir her a ven kpaa;

Levitiku 23:21

Sha iyange la je, i̱ yôô i̱ lu ne icighanmkohol, de eren nen ma tom u ican ga; ngun ka tindi u gbem sha ajiir a ne tem cii sha ikov ikov.

Levitiku 23:3

I̱ eren tom ayange ataratar, kpa iyange i ataankarahar la, ka iyange i memen i kôron ma tom ave ga, ka icighanmkohol; de eren nen ma tom ga; ka iyange i memen i TER ken ajiir a en a ne tem cii.

Mateu 6:12

man de se anzô ase di er se kpaa se deen mba ve gbe anzô hen vese la nahan;

Mbakolose 2:16

Nahan yô, ma or nana̱ de kera ôron ne ijir sha kwagh u kwaghyan man kwaghman shin sha kwagh u iniongo shin uwer u he shin iyange i memen kpaa ga.

Yakobu 2:13

Gadia or u nan zungu mhôônom ga yô, ijir kpaa ia zungwe nan mhôônom ga, gadia mhôônom ma zungwen ma hemba ijir agee.