Nehemia 10:29 - ICIGHAN BIBILO

²⁹ ve var a anmgbianev vev kua mbatamen vev, ve zua zwa ve tseva zwa, shi ve bum er vea zende sha atindiakaa a Aôndo, a i na sha ikev i Mose wanakiriki u Aôndo la, shi vea wa atindi a TER, Ter wase, cii iko, vea er sha mi, kua akaaôron a Na a jirigh man akaawan a Na kpaa;

Nehemia 10:29 Iomraidhean Croise

2 Utor 10:31

Kpa Yehu wa iko u zan sha atindiakaa a TER, Aôndo u Iserael, a ishima na cii ga, a undu asorabo a Yerobiam a a ne Iserael a er a la ga.

2 Utor 23:3

Tor tile hen ityô, a tôndo zwa sha ishigh ki TER, er una dondo TER man una waan atindi a Na iko man mbampase Nav kua akaawan a Na, a ishima na cii kua a uma na cii, una er sha akaaôron a ikuryan a i nger ken ruamabera la vough; ior ci ca cii rumun ikuryan la.

1 Kroniku 9:2

Mba ve vande va teman ken ityar ve ken agar a ve yô, lu Iserael man upristi man Mbalevi kua mbasôrontempel.

2 Kroniku 34:31

Tor tile hen ijiir na, nahan a tôndo zwa sha ishigh ki TER er una dondo TER man una waan atindi a Na iko man mbampase Nav kua akaawan a Na kpaa, a ishima na cii, kua uma na cii kpaa, una er sha akaaôron a ikuryan a i nger ken ruamabera la vough.

2 Kroniku 6:16

Yô TERE, Aôndo u Iserael wa iko sha kwagh u lu U tôndo zwa a wanakiriki Wou terem Davidi la, er U kaa wer: Ú ban a or sha ishigh Yagh, u nana tema sha ikônough ki torough ki Iserael ga, aluer ônov ou vea ver ishima sha gbenda ve, vea zenden sha atindiakaa Am, er we u lu zenden sha ishigh Yagh nahan yô.

Nehemia 13:25

Nahan m zôhô a ve, m wa ve ifan, m gbidye mbagenev, m gbera ve ice, m er ve ve bum Aôndo, m kaa mer: De kera ne nen ônov enev mba kasev ner, ônov vev mba nomso ve̱ er ga, man shi de kera eren nen ônov vev mba kasev sha ci u ônov enev mba nomso ga, shin sha ci wen ayol a en kpaa ga.

Nehemia 7:46

Mbasôrontempel yô: ônov mba Shiha, ônov mba Hasufa, ônov mba Tabaoti,

Nehemia 8:2

Tsô pristi Esera va a atindi sha ishigh ki mkohol u ior, nomso man kasev, kua ior mba ve fatyô u ungwan kaven cii, sha uwer u sha utaankaruhar sha iyange i hiihii la.

Nehemia 8:3

A ôr kimi hen tembe u sha ishigh ki Hundagar u Mnger la, hii pepe je zan zan iyange sha tembe, sha ishigh ki nomso man kasev man mba ve fetyô u ungwan kaven yô; ior cii ver ato sha ruamabera u atindigh la.

Nehemia 9:2

Tsombor u Iserael kem ayol a ve a atôatyev cii, ve tile sha, ve pase asorabo a ve, kua aferakaa a uter vev.

Nehemia 9:38

Nahan se mba yan ikur i mimi, se mba ngeren i je; mbahemenev asev kua upristi asev mba veren ikav sha mi.

Upasalmi 105:45

sha er ve̱ wa iko sha akaawan a Na, man ve̱ ver ishima sha atindi a Na kpaa. Haleluya.

Upasalmi 119:106

M bum, shi me kure un kpaa, me kuran akaaôron a jirigh a Ou a perapera.

Upasalmi 8:1

TERE, Ter wase, iti You ngi a icivir sha won, gande cii, We u U ver iengem You sha Usha.

Upasalmi 8:9

TERE, Ter wase, iti You ngi a icivir sha won, gande cii!

Yesaia 14:1

Gadia TER Una zungwe Yakob mhôônom, Una shi á tsuwa Iserael, Una ver ve er ve̱ tema ken tar ve; ior mba ken nongo ugen kpaa vea nyôr nongo a ve, vea var hen ya u Yakob.

Yeremia 26:4

Kaa a ve wer: TER ngu kaan nahan er: aluer ne venda u veren ato her a Mo, u zenden sha tindi Wam, u M ver ne sha ishi yô,

Yeremia 34:15

Kpa ne yô, ne gema, ne er kwagh u a lu vough sha ashe Am, er ne yee i pase ikpan i toho yô, hanma or a or u wan ndor a nan; shi ne ya ikur sha ishigh Yagh ken iyou i i yer i sha iti Yam;

Esekiel 36:27

Me ver Jijingi Wam ker a ven, M na er né zenden ken akaawan a Am man né waan akaaôron Am a jirigh iko, né eren sha a vough kpaa.

Levitiku 20:26

Lum nen uicighanmbaiorov, gadia Mo TER M ngu icighan je, M pav ne a akuraior, M ver ne kposo, sha u lu nen ior Av yô.

Malaki 4:4

Umbur nen atindiakaa a wanakiriki wam Mose, a M wa Un sha uwo u Horebi sha ci u Mbaiserael cii, ka akaawan man ajiraôron je la.

Numeri 5:21

pristi a̱ er kwase la a̱ bum mbum u wan or ifan, pristi a̱ kaa a kwase la er: TER A̱ er u hingir kwagh u wan ifan a mi man u eren ishor a mi hen ior ou, sha m-er u TER Una er u akooso ou á uma man iyav ou mbua mor la.

YOHANE 1:17

Gadia i na atindiakaa a va sha ikev i Mose, kpa mrumun u sha mhôôn man mimi yô, gema ka ken Yesu Kristu ve va ye.

YOHANE 15:14

Aluer ne eren kwagh u M we ne tindi sha mi yô, ne mba akar Am je.

YOHANE 7:19

Kera ka Mose lu na ne atindi gaa? man mô wen môm nan we atindi la iko ga. Ka nyi ne keren Mo a ku?

Aerenakaa A Mbaapostoli 11:23

Un kpaa, er a za ar man a nenge mrumun u sha mhôôn u Aôndo yô, a ember, a taver ve ishima cii er ve̱ var ken Ter sha gbashima je;

Aerenakaa A Mbaapostoli 17:34

Kpa mbagenev var a na, na jighjigh; ken ve yô, lu Dioneshiu, or u Areopagu, man shi kwase ugen, iti na er Damari, man shi mbagenev a ve imôngo kpaa.

Aerenakaa A Mbaapostoli 23:21

Yô, de rumun kwagh ve la ga, gadia ior vev yer hemba akunduahar je mba keghen un, ve kange zwa sha mbum er vea ya kwagh ga, mme tsô kpaa vea ma kwagh ga, saa vea wua un ve. Hegen yô, ve kohol iyol cii, mba masen keghen imo you tsô.

Mbaromanu 12:9

Dooshima a̱ de lu sha imanger ga, nyagh nen kwagh u a lu u ifer, var nen sha kwagh u dedoo.

Duteronomi 33:4

Mose na se atindiakaa, ka dyako u ior i Yakob je la.

Duteronomi 5:1

Tsô Mose yila Mbaiserael cii, a kaa a ve er: Ne Mbaiserael ungwa nen akaawan man atindi a me ôr ne a sha ato a en nyian ne, sha er ne henen a, man ne waan iko u eren sha mi kpaa yô,

Duteronomi 5:32

Nahan yô, ver nen ishima u eren sha mi er TER, Aôndo wen, A kaa ne yô; de kahan nen ken uwegh ku yanegh shin ken ku imesegh kpaa ga.