Nehemia 1:3 - ICIGHAN BIBILO

³ Ve kaam er: Asande a a shi her a a dugh ken kwar a a lu ken ipaventar la nga ken zegecan kua ilyahan kpishi kpaa; gilgar u Yerusalem yôhôl, ucivir nav kpaa usu hia ve.

Nehemia 1:3 Iomraidhean Croise

1 Utor 9:7

Me dugh Iserael ken tar u M ne ve ne kera, man iyou i M tsegh sha ci u iti Yam ne, Me kar a i sha ishigh Yagh kera; Iserael una hingir kwagh u wan ishenge a min ken akuraior cii;

2 Utor 25:10

Mbautyav mba Mbakaldi mba ve lu a orhemen u mbakurantor la, ve hembe ugil mba Yerusalem cii ve ningir ve tser.

2 Kroniku 36:19

Tsô ve nande iyou i Aôndo sha usu, ve yôhôl gilgar u Yerusalem, ve nande ayou a tor a ker cii sha usu, ikav mbi doon cii, ve vihi mbi kera.

Esera 2:1

Mban ka ônov mba hen ipaventar la, mba ve mough ve due ken kwar ken mba i kura ve i yem a mi uikangen la, mba Nebukadinesar tor u Babilon kura yem a mi ken Babilon la, mba ve hide ken Yerusalem man Yuda, hanmô hen gar u nan;

Esera 5:8

Doo u tor a̱ fa, se za ken tar u Yuda, hen iyou i Aôndo u vesen, mba maan i sha uzegembaawenev, man mba wan ikpande ken ukpekpe, tom la ngu zan hemen sha gbashima, man ngu zan dedoo sha ave ve.

Nehemia 11:3

Mban ka mbahemenev mba hen ipaventar la, mba ve za tema ken Yerusalem la; kpa ken agar a Yuda yô, hanma or nan tema ken ya u nan ken agar a ve: Iserael man upristi man Mbalevi man mbasôrontempel kua ônov mba mbatomov mba Solomon.

Nehemia 2:13

Tsô m due tugh, m kar hen Hundagar u Pev, m za hen Ijôr i Iyô man hen Hundagar u Ihôgh la, m gba kenger ukpekpe mba Yerusalem mba ve tsehe la, man ihinda na i usu u hie i la kpaa.

Nehemia 2:17

Tsô m kaa a ve mer: Ne nenge imbacan i se lu ken i ne, er Yerusalem a hingir ice man ihinda na kpaa usu hia i kera; yô, va, sé maa nen gilgar u Yerusalem sha er sé kera lu kwagh u lahan ga yô.

Nehemia 2:3

M kaa a tor mer: Tor a̱ tsa sha won gbem; á er nan man ishigh yagh kia vihi sha ga, er gar u iwar i uter av i lu ker la, a gem a hingir ice, ihinda na kpaa i hie kera nahana?

Nehemia 7:6

Mban ka ônov mba ken tar la, mba ve mough ve due ken kwar, mba iyange i kura ve i yem a mi uikangen la, mba Nebukadinesar tor u Babilon lu kura la, mba ve hide ken Yerusalem kua Yuda, hanma or hen gar u nan;

Eseter 1:1

Tsô sha ayange a Ahasueru (ka Ahasueru shon u a tema tor hii hen India je, zan zan ar hen Etiopia la, sha uipaven deri man ikundu kar utaankaruhar);

Upasalmi 79:4

Se hingir kwagh u aheenegh hen mba ve we ndor a vese, man kwagh u nahan tar man u ahan hen mba ve kase se yô.

Anzaakaa 25:28

Er gar u i hembe un man a lu a gir ga nahan, kape or u nan ker iyol i nan tsaha ga nan lu la.

Yesaia 43:28

Nahan M hôngor mbavesen mba icighanjiir, M gema Yakob M na i tim un purututu, Iserael kpaa hingir kwagh u aheenegh.

Yesaia 5:5

Hegen yô, Me pase ne kwagh u Me er a sule Wam u wain la: Me sough igyar i u kera, á ya u; Me hembe kpekpe u u kera, á ndyar u shin angahar;

Yeremia 24:9

Me gema ve vea hingir ityartor i sha won cii kwagh u tumbul a min ave, man u timin kera, sha u eren ve kwagh u bo; vea hingir kwagh u iheenegh man u ôron injakwagh a mi, man ilyahan man kwagh u lun a ifan iyol ken ajiir a Me zenda ve vea yem ker la cii.

Yeremia 29:18

Me zenda ve ityô a sanker, man ijen kua bouange, Me na ve sha u i̱ tumbul a ve ken ityartor i sha won cii, ve̱ hingir kwagh u lun a ifan iyol man kwagh u cieryol man kwagh u gbiren iwer a mi, man kwagh u aheenegh, ken akuraior cii a M zende ve ve yem ker la;

Yeremia 39:8

Ya u tor kua uya mba ior mbagenev kpaa, Mbakaldi nande sha usu, man ve yôhôl gilgar u Yerusalem kpaa.

Yeremia 42:18

Gadia TER u akum a Sha, Aôndo u Iserael, ngu kaan nahan er: Er i hee ishima Yam i vihin man iyugh Yam sha mba ve tem ken Yerusalem nahan, kape á haa iyugh yam sha a ven je la, zum u nea nyôr ken Igipiti yô; nea hingir kwagh u i we un ifan, man kwagh u cieryol, man ityuhwanev, man kwagh u aheenegh; man nea kera nenge ijiir ne mayange ga.

Yeremia 5:10

Unde nen sha ukpekpe nav, tim kera; kpa de kera been nen cica ga; paa agbaa a na, gadia ka a TER ga.

Yeremia 52:14

Mbautyav mba Mbakaldi cii mba ve lu a orhemen u mbakurantor la, ve hembe ugir mba Yerusalem cii, ve ningir ve tser.

Ukwelegh 1:7

Sha ayange a atsan a na man ijende na i wue wue la Yerusalem umbur akaa a na a dedoo a a lu a mi sha ayange a tsuaa la; zum u ior nav gba sha ikev i orhendan, man ma or u wasen un lu ga la, mbaahendanev kenger un, ve nahan un tar sha mkur na u vihin la.

Ukwelegh 2:9

Ihinda na sen mire shin inya; A vihi uishindan nav, A kever ve kera. Tor na man atiator a na mba ken akuraior ape i tesen atindi ga la; uprofeti nav kpaa zua a mpase u sha mnenge hen TER ga.

Ukwelegh 3:61

U ungwa iheen ve, TERE, man mbaawashima vev mba ve we sha a mo cii,

Ukwelegh 5:1

TERE, umbur kwagh u a tser se ne; gema ashe, nenge iheen yase.

Levitiku 26:31

Me gema agar a en á hingir atse, Me vihi uicighanmbaajiiriv enev kera; Me ungwa ihuma i kwaghhumandoon wen la ga.

Levitiku 26:33

Me sambe ne ken akuraior, Me tsuwa sanker Me tôv ne ijime, tar wen ua hingir ikôngough gbilin, agar a en kpaa aa hingir atse.