Nehemia 1:2 - ICIGHAN BIBILO

² anngôm ugen Hanania, za va, un a ior mbagenev mba ken Yuda; tsô, m pine ve kwagh u Mbayuda mba ve dugh ken kwar la, kua kwagh u Yerusalem kpaa.

Nehemia 1:2 Iomraidhean Croise

Genese 14:10

Kpa pev u Sidim la mgbough a ahungwa a inya i tiher. Utor mba Sodom man Gomora mba ngur yevese yô, ve za gba shimi; mba ve shi her yô, mase yevese unden sha iwo.

2 Utor 24:14

A kura Yerusalem cii, kua mbatamen cii, man ashagbaior cii; mbakwarev lu dubu pue, kua mbafan tomaveegh, man mbavareniwa kpaa, a yem a ve; mô shi ga, saa mbaatsanev mba hen tar la tsô.

2 Utor 25:12

Mbaatsanev mbagenev mba ken tar la yô, orhemen u mbakurantor la undu ve er ve̱ lu mbanengen sha ishule i ikon i wain man i uyia.

Esera 9:14

nahan shi sé vihi atindi a Ou, sé zua ivese a ior mba ve eren akaahôngorough angan nahana? Nahan Ú kera yuwe a vese je, Ú tim se, man asande á kera shi ga, shin mô u waren kpaa nana kera lu ga gaa?

Nehemia 7:2

m ver anngôm Hanani, kua Hanania, orvesen u nengen sha iyou i utya, mer, ve̱ nengen sha Yerusalem; gadia a lu or u jighjigh, shi a cian Aôndo, a hemba ior mbagenev kpishi.

Yeremia 44:14

nahan ma or u ken asande a Yuda, a a ze ken tar u Igipiti sha u za teman shir ker, nana war ga, shin nana shi her, sha u hiden ken tar u Yuda, henpe i sar ve u hiden man u teman ker la kpaa ga; gadia vea hide ga, saa mbayevese môm môm la.

Esekiel 6:9

Ve mba ve wer ken a ven la, vea umbur Mo ken akuraior henpe á yem a ve uikangen la, zum u Me vihi ishima ve i idya i i pav a Mo la kera, kua ashe a ve kpaa, a a za idya sha akombo a ve la, nahan ishima ia ndôhôr ve a ayol a ve sha ci u aferakaa a ve er sha akaa ve a ndôhôrshima la cii.

Esekiel 7:16

Shin er mbagenev vea war kpaa, vea lu sha iwo er mbaatii mba shin upev nahan, ve cii vea gber kwelegh, hanma or sha iferkwagh i nan.