Nahum 3:18 - ICIGHAN BIBILO

¹⁸ Mbakuran ou mba yaven, we tor u Ashiria; ashagba a ou nga memen; ior ou sambe sha iwo, ma or u kohol ve ngu ga.

Nahum 3:18 Iomraidhean Croise

1 Utor 22:17

Nahan a kaa er: M nenge Iserael cii hingir kughukuku sha iwo er iyôngo i i lu a orkuran ga yô; TER kaa er: Mban mba a ter ga; nahan hanmô ve, nana̱ hide hen ya u nan bem bem.

Ekesodu 15:16

Iwondo man mciem haa ve iyol; sha mtaver u uwegh Ough, ve huan ving, er iwen yô, shighe u ior Ou lu karen la TERE, shighe u ior mba U yam la ve lu karen yô,

Yesaia 13:14

Tsô er ashim u i zende un ijime man er iyôngo i i lu a or u kumban i ga yô, kape hanma or kpaa, nana gema á yem hen ityô i nan la, man hanma or kpaa, nana yevese nana yem hen tar u nan.

Yesaia 47:1

Hungwa, tema shin vuulevu, we, iniunkwase i Babilon; shar inya, de tem sha ikônough ki torough ga, we, wankwase u Mbakaldi; gadia á kera yila u er u ngu kwase u lun iyol vel vel, u nan fe ican ga, ga.

Yeremia 50:18

Nahan yô, TER u akum a Sha, Aôndo u Iserael, ngu kaan nahan er: Nenge, Me tsaha tor u Babilon kua tar na, er M vande tsahan tor u Ashiria nahan.

Yeremia 51:39

Zum u isharen ve ia yegh yô, Me er ve iniongo, man Me er, vea hunde; sha er ve̱ hume ve̱ gba mnyam, ve̱ yav gbem sha won, ve̱ de kera nderen ga yô, kape TER A kaa ne.

Yeremia 51:57

Me na atiator a na á hunde kua mbafankwagh nav, man ugomna nav, man mbahemenev nav, man mbautyav nav kpaa; vea gba mnyam vea saa yaven gbem sha won, vea nder ga, kape Tor A kaa ne, TER u akum a Sha ka iti Na je la.

Mpase U Yohane 6:15

Utor mba sha won kua ashagbaior man utormbautyav mba tamen man mbanyarev man mbaageev man hanma or cii, shin kpan shin wan kpaa, ve yer ken ubar man ken awen a sha iwo.