Nahum 3:10 - ICIGHAN BIBILO

¹⁰ Nahan kpaa i kura un i yem a na uikangen; i her anikundanev nav avur avur sha hanma gbenda cii; ve er ishol sha ashagbaior a na, i kange mbavesen nav cii sha mshir.

Nahum 3:10 Iomraidhean Croise

2 Utor 8:12

Tsô Hasael kaa er: Ka nyi terem a vaa? A gema a kaa er: ka sha ci u m fa kwagh u bo u ú va er Mbaiserael yô; ú nande ayouautya a ve sha usu, ú wua mbayevikaior vev sha sanker, ú ta mbayev vev mba kiriki inya ú her ve; kasev vev mba lun iyav kpaa, ú pav ve iyav.

Yobu 6:27

Een, nea er ishor sha ancôghol, shi nea gema ikar wen una hingir kwagh u yamen kasua a mi.

Upasalmi 137:8

We, wankwase u Babilon, we u á va tim u kera ne, u nana or iyev sha a we sha akaa a u er se yô, á saan nan iyol.

Upasalmi 137:9

Or u nana kôr mbayev ou mba kiriki, nana ta sha vande yô, á saan nan iyol je. Ka Pasalmi u Davidi

Upasalmi 149:8

sha u kangen utor vev sha mshir, man atiator a ve kpaa sha ahye a iyôô,

Yesaia 13:16

Á hyer anikundanev vev hen inya sha ashe ve, á sar uya vev, á nzughul a kasev vev kpaa.

Yesaia 13:6

Gbidye nen vaa, gadia iyange i TER mgbôghom ve, ngu van er ka mtim u a dugh sha Uhembanagee cii yô.

Yesaia 19:4

Me gema Mbaigipiti Me na ve sha ikev i ter u wan tswam, tor ugen u nyoon ishima una tema tor sha a ve, kape Ter A kaa la, TER u akum a Sha.

Yesaia 20:4

kape tor u Ashiria una yem a mbakwarev mba Igipiti man Mbakushi mba i zende ve ken tar ve kera la, mbayevikaior kua mbatamen, idyelegh a akôv kpaa ga, man asenatôôgh a ve ken won; kape kunya ua kôr Igipiti je la.

Ukwelegh 2:19

Mough, vaa mliam tugh, sha mhii u mbamkor mba utugh, ur ishima you inya er mngerem nahan sha ishigh ki TER; kende ave a ou sha her a Na sha ci u uma u mbayev ou mba ve hum sha ijen sha ityough ki hanma gbenda yô.

Ukwelegh 4:1

Nenge, er zenaria a hingir cing yô, zenaria u mimi gema hingir kposo! I tsenda awen a icighanjiir sha ityough ki hanma gbenda.

Esekiel 29:7

Zum u ve kôr u sha uwe, u sombo kera, man u ande avandeaveegh a ve cii; man zum u ve lian sha a we, u sombo, man u na awenge a ve cii tenger.

Hosea 13:16

Samaria una ya ibo na, gadia a hendan a Aôndo na; á wua ve sha sanker, á ta anikundanev vev inya á her ve, á pav kasev vev mba ve lu iyav la iyav.

Yoel 3:3

Ve er ishor sha ior Av, ve gema wannomso ve musan idyakwase a mi, man ve tee wanyekwase kpaa ve yam wain, ve ma.

Amoshi 1:13

TER ngu kaan nahan er: Sha ci u atindi a peren atar a Mbaamon, een, sha ci u anyiin je yô, Me kera hide a mtsaha ve ijime ga, gadia ve pav kasev mba Gileadi mba ve lu iyav la iyav sha u vea seer tar ve u̱ kehe;

Obadia 1:11

Sha iyange i u tile her sha iyol i palegh, sha iyange i atôatyev va kura inyaregh nagh, man atôatyev nyôr sha ihinda na, ve er ishor sha Yerusalem la, we, u lu er u môm ken a ve nahan.