Nahum 2:13 - ICIGHAN BIBILO

¹³ Nenge, M ngu num a we, kape TER u akum a Sha A kaa ne, Me nande akeke a ou a utya a̱ hingir mnyim, sanker kpaa una ya agumaubegha a ou; Me tim ishar you shin tar kera, á kera seer ungwan imo i mbatyomov ou ga.

Nahum 2:13 Iomraidhean Croise

2 Utor 18:17

Tsô tor u Ashiria tindi Tartan man Rabesarishi kua Rabeshake er ve̱ mough hen Lakishi ve̱ za hen Hesekia hen Yerusalem a ikumutya i ngeen. Nahan ve mough ve va hen Yerusalem. Zum u ve ar yô, ve va tile hen akpa u ityungumnger u sha, u a lu sha kômgbenda u zan hen ijiir i kungun akondo la.

2 Utor 18:19

Tsô Rabeshake kaa a ve er: Kaa nen Hesekia ahegen je, zegetor, tor u Ashiria a kaa er: Ka nyi agee u suur sha mi nahana?

2 Utor 19:23

Ka sha mbatyomov ou mbala, u laha TER ye, u kaa wer: Sha ikpila-akeke yam m unde sha ityouv mbi iwoogh zan zan ken atô u Lebanon, m gber ugôgômbausedar nav kua uicighanmbaikonov mba fer nav; m nyôr zan zan m za ar hen zuer na henpe ikô i hembe wan la.

2 Utor 19:9

Tsô er a ungwa er i lu ôron kwagh u Tirhaka tor u Etiopia er: Nenge, a due sha u nôngon ityav a we; nahan a shi a tindi mbatyomov hen Hesekia, a kaa er:

2 Kroniku 32:19

Man shi ve ter Aôndo u Yerusalem er ka mbaaôndo mba ior mba shin tar nahan, mba ve lu tomaveegh u ior yô.

Upasalmi 46:9

A er ityav mbi bee zan zan ar hen ikighir i tar je, A sombo ada, A kever iwange, A nande akekeautya sha usu.

Yeremia 21:13

Nenge, M ngu num a we, we u u tem shin pev, we vande u shin pev la, kape TER A kaa ne; ne mba ne kaa ner: Ka an je nana va ta num sha a vese? Man shi ka anti nana fatyô u nyôron shin ajiir a ase a temana?

Yeremia 46:14

Pase nen kwagh ne ken Igipiti, yôô nen un ken Migedol. Een, yôô nen un ken Nofe man ken Tahapanheshi, kaa nen ner: Mough tile sha, wa ago iyol, gadia sanker wua ningir we tser.

Yeremia 50:31

Nenge, M ngu ihom a we, we u u moron iyol ne, kape Ter, TER u akum a Sha A kaa ne; gadia iyange you i va ve, ka shighe u Me tsaha u je ne.

Yeremia 51:25

Nenge, M ngu ihom a we, we uwo u timin akaa kera ne, kape TER A kaa ne, we u u timin tar cii kera ne; Me naregh uwegh sha a we, Me menger we sha avande kera, Me gema u ú hingir uwo u hian;

Esekiel 13:8

Nahan yô, Ter AÔNDO ngu kaan nahan er: Er ne ôr kwagh u icughugh man ne nenge mpase u aiegh, sha ci u nahan yô, nenge, M ngu ihom a ven, kape Ter AÔNDO A kaa ne.

Esekiel 21:3

kaa a tar u Iserael wer: TER ngu kaan nahan er: Nenge, M ngu ihom a we, Me tsuwe sanker Wam ken var na, man Me wua mbaperapera kua mbaaferev cii ken a we kera.

Esekiel 26:3

nahan yô, Ter AÔNDO ngu kaan nahan er: Nenge, M ngu iyongo a we, we Tiru, Me na akuraior kpishi aa mough ityav a we, er zegemnger ngu a na agôndo na a moughon nahan.

Esekiel 28:22

kaa wer: Ter AÔNDO ngu kaan nahan er: Nenge, M ngu num a we, we Shidon; Me pase icivir Yam hen atô wou; man vea fa er Mo M lu TER ye, zum u Me ôr un ijir Me tsaha un, man Me pase mtsegh Wam ker a na kpaa la.

Esekiel 29:10

Nahan yô, nenge, M ngu num a we, man a uifi ou kpaa; Me er tar u Igipiti ua hingir tihialôgh man ice dedoo, hii hen Mikedol zan zan za ar hen Shiene man ikighirtar i Etiopia.

Esekiel 29:3

ôr kwagh, kaa wer: Ter AÔNDO ngu kaan nahan er: Nenge, M ngu num a we, we, Farao tor u Igipiti, zegedarakon u a yaven shin atô u iwagh ne, u a kaa er: Ifi wam ka u wam iyol yam je, m er un sha ci u wam iyol yam.

Esekiel 35:3

kaa a u wer: Ter AÔNDO ngu kaan nahan er: Nenge, M ngu num a we, we uwo u Seir, Me naregh uwegh sha a we, Me gema u ú hingir ice, man kwagh u kpilighyol.

Esekiel 38:3

ôr kwaghôron u profeti sha a na, kaa wer: Ter AÔNDO ngu kaan nahan er: Nenge, M ngu num a we, we Gogi tor u Roshi man Mesheki man Tubal;

Esekiel 39:1

We wan u or, ôr kwaghôron u profeti sha Gogi, kaa wer: Ter AÔNDO ngu kaan nahan er: Nenge, M ngu num a we, we Gogi tor u Roshi man Mesheki man Tubal;

Esekiel 5:8

nahan yô, Ter AÔNDO ngu kaan er: Nenge, Mo je kpaa, M ngu num a we, Me ôr ijir ker atô wou sha ishigh ki akuraior.

Nahum 2:12

Begha ande avur avur kuma sha ci ônov nav, man a sende ishôso ave iker sha ci u ungômbaubegha, a iv ubar nav sha ishar, man avugh a na sha agunduainyam.

Nahum 3:1

Kwagh á tser gar u awambe ne, iv a mbaaie man ipila cii— ye ishar je ikighir i lu ga!

Nahum 3:12

Ayou a taver a ou cii nga er ikon i tur a atam a tsutswa nahan; aluer i ndoor a yô, a haa ken zwa u oryan.

Nahum 3:15

Usu ua hia u heregh; sanker una tim u kera, una ya u er agumaikomon nahan. Seer nen ngeen er agumaikomon nahan; seer nen ngeen er ikomon nahan.

Nahum 3:5

Nenge, M ngu num a we, kape TER u akum a Sha A kaa ne, Me kura a ikondo sha, i̱ cir u sha ishi, Me na akuraior aa nenge idyelegh wou, man ityartor kpaa ia nenge kunya wou.

Yosua 11:6

Tsô TER kaa a Yosua er: De cie ve ga, gadia kper er hegen nahan Me na ve cii sha ikev i Iserael kpenegh, ú tôndo anyinya ve igbela i shin akishiangahar, ú nande akeke ve a kpelan sha usu.

Yosua 11:9

Yosua er a ve er TER kaa un nahan; a tôndo anyinya ve igbela i akishiangahar, a nande akeke ve sha usu.