Nahum 2:11 - ICIGHAN BIBILO

¹¹ Ivugh i ubegha ngi hana, ijiir i yan kwagh i agumaubegha la? Henpe begha man ngôbegha ve zenden a wanbegha yô, man ma or ta ve mciem iyol ga la.

Nahum 2:11 Iomraidhean Croise

Genese 49:9

Yuda ka gumbegha; u mough hen kwagh u u ker yô, wan wam, u kôndo; a ngurum, a var inya er begha yô, man er ngôbegha nahan; ka an je nana cihi á num unuu?

Yesaia 13:7

Ka nahan man ave cii á shir livaa, ishima i hanma or kpaa ia sough;

Yesaia 31:4

Gadia TER kaam nahan er: Er begha man gumbegha ka a ta kume sha inyam na i a woo nahan, shin á yila ikpela i mbakuranilev sha u va tan num sha a na je kpaa, una wa imo ve iko ga man una cia ayôôso a ve kpaa ga; kape TER u akum a Sha kpaa Una sen sha u va nôngon ityav a uwo u Shion kua a igungu na kpaa la.

Yesaia 5:29

kume ve ngu er ngôbegha yô, vea ta kume er agumabegha yô; een, vea kpela iker, vea tsuwe vea kôr inyam, vea kpela i vea yem a mi doo doo kpaa, ma or u yiman i nana lu ga.

Yeremia 2:15

Agumabegha ve ta un kume, ve taver imo; ve gema tar na hingir ice; i nande agar a na sha usu, or kera tema ker ga.

Yeremia 4:7

Begha due ken ikô na, man ortimin u akuraior, mough, a due hen ijiir na, sha u una gema tar wou u̱ hingir toho dang yô; á tim agar a ou kera, or á kera tema ker ga.

Yeremia 50:17

Iserael ka iyôngo i i num i kera yô, ubegha zenda i; hiihii tor u Ashiria ya un, ken masetyô Nebukadinesar tor u Babilon mase hemben akuhe a na.

Yeremia 50:44

Nenge, nana kôndo er begha u a dugh ken gborikô u Yordan nahan, nana va ta num sha ijiir i ilev mbi ye toho her gbem yô, gadia Me na, vea yevese heregh kera fese; man wen u i tsough un la, Me ver un sha i; gadia ka an nan lu er Mo? Man ka anti je nana verem iyange? Man ka an nana lu orkuranilev u nana tile sha ishigh Yagha?

Esekiel 32:2

Wan u or, dugh kwelegh, ter Farao tor u Igipiti, kaa a na wer: Gumbegha u ken akuraior, u saa ve! U lu er darakon ken uzegembamngerev nahan; u duen ken uifi ou, u buusu mngerem sha angahar a ou, u hundu uifi vev.

Yoel 2:6

Sha mve ve akuraior cii gbidye akarkase iyol; ishiv cii hingir peng.

Mika 5:6

Vea kuran tar u Ashiria sha sanker kua tar u Nimrodi kpaa sha ajiir a nyôron ken u la; Una yima se sha ikev i Ashiria, zum u una va ken tar wase man una ndyar angahar ken tar wase la.

Nahum 2:12

Begha ande avur avur kuma sha ci ônov nav, man a sende ishôso ave iker sha ci u ungômbaubegha, a iv ubar nav sha ishar, man avugh a na sha agunduainyam.

Nahum 3:1

Kwagh á tser gar u awambe ne, iv a mbaaie man ipila cii— ye ishar je ikighir i lu ga!

Sefania 3:3

Mbatarev mba ker atô na ka ubegha mba tan kume; mbaajiriv nav ka ugbaseela mba aikighe mba ve shin ma kwagh her sha ci u pepe ga yô.

Numeri 23:24

Nenge, ikurior ne ngi moughon er ngôbegha nahan, man ngi moughon tilen tswang er begha nahan; una yav inya ga, saa una ya kwagh u a tusu a min, man una ma awambe a mba a woo ve yô.