Nahum 1:9 - ICIGHAN BIBILO

⁹ Ka nyi kwaghbo ne henen sha TERE? Una tim kera cii, ican ia va kwa har ga.

Nahum 1:9 Iomraidhean Croise

2 Samuel 20:10

Kpa Amasa ver ishima sha sanker u Yoabi lu a mi sha uwe la ga; nahan a kuma un sha uya, myam nam haa inya, a kera seer kuman un ga; tsô a kpe. Tsô Yoabi kar vea anngô na Abishai, ve zenda Sheba wan u Bikeri ityô.

Upasalmi 21:11

Gadia ve wa ifer ishima a We; ve hen ken ishima sha u hônon kwagh u vea fatyô u eren ga yô.

Upasalmi 33:10

TER bundu kwaghhenen u akuraior, ka A gema mbamhen mba iorov ve hingir gbilinkwagh.

Anzaakaa 21:30

Ma mfe shin mkav shin mhen u hendan a TER, ngu je ga.

Yesaia 28:22

Nahan yô, de hingir nen mbanahantar ga, sha u i̱ de kera nyôôso ikangenev yenev ga yô; gadia m ungwa hen Ter, TER u akum a Sha, kwagh u mtim u i we ishima u eren sha tar cii.

Yeremia 51:64

shi kaa wer: Kape Babilon una mire ne, mayange una kera due sha ga, sha ci u kwagh u bo u Me va a mi sha a na la. Ka mkur u akaaôron a Yeremia je ne.

Esekiel 21:5

Nahan uuma cii vea fa er Mo TER M tsough sanker ken var na yô, una kera hide á nyôr ker ga.

Esekiel 7:5

Ter AÔNDO ngu kaan nahan er: Kwagh u bo, ka kwagh u bo tseegh, nenge, ngu van;

Hosea 7:15

Shin er M tese ve man shi M taver ve akaseaveegh nahan kpaa, mba henen akaabo sha a Mo.

Nahum 1:11

Orgen due ken a we, u nan hen kwaghbo sha TER yô, nan hen mbamhen mba dang.

2 Mbakorinte 10:5

man sha ci u vihin mbamhen kera man shi hanma kwagh u taven u i kende a mi sha, sha u yisan kwaghfan u Aôndo; se mba haan hanma mhen abata sha u a̱ wa Kristu iko.

1 Samuel 26:8

Tsô Abishai kaa a Davidi er: Aôndo na u orihom wou sha ikev nyian ve; yô, hegen shi de m̱ tume un iwange kwa môm, i̱ kar i̱ kôr shin inya, me tume un kwa har je ga.

1 Samuel 3:12

Sha ayange la, Me kure kwagh a Eli u M er sha kwagh u ya na la cii, á hii sha mhii je zan zan mkur.