Nahum 1:7 - ICIGHAN BIBILO

⁷ TER doo je, ka ijiir i waren sha iyange i ican; man A fa mba ve suur sha a Na yô.

Nahum 1:7 Iomraidhean Croise

1 Kroniku 16:34

Wuese nen TER gadia A doo; gadia erdoo Na ka u tsôron gbem sha won je.

1 Kroniku 5:20

Ve zua a iwasen sha u nôngon ityav a ve, Mbahager hingir sha ikev ve, kua mba ve lu a ve imôngo la cii; gadia ve vaa a Aôndo ken utya, Un kpaa A ungwa zamber ve, er ve suur sha a Na yô.

2 Kroniku 13:18

Nahan Mbaiserael var inya hen shighe la, kpa Mbayuda seer taver a taver, gadia ve suur sha TER, Aôndo u uter vev.

2 Kroniku 32:11

Ka icugh Hesekia a tsughun ne, sha er ne̱ kpe ijen man imura, gaa? er a kaa er: TER, Aôndo wase, Una war se sha ikev i tor u Ashiria yô.

2 Kroniku 32:21

Nahan TER tindi ortyom, va tim anomaior a ageegh man mbahemenev mba ukurmbautyav ken afo a tor u Ashiria. Tsô a hide hen ya na a kunya. Zum u a nyôr ken iyou i aôndo na yô, mba a mar ve iyol na je, ve wua un ker, sha sanker.

2 Kroniku 32:8

her a na yô, ka agee a iyolough tsô, kpa her a vese yô, TER, Aôndo wase, ngu, u Una wase se, Una nôngo ityav sha ci wase. Tsô ior suur sha kwaghôron u Hesekia tor u Yuda la.

Esera 3:11

Ve nderan atsam, mbagenev rumun; ve wuese TER, ve sughun Un ve kaan er: Gadia A doo, gadia erdoo Na sha Iserael ngu gbem sha won. Ior cii ger akenge genger genger, er ve lu wuese TER la, sha ci u i tim imagh ki iyou i TER yô.

Upasalmi 1:6

gadia TER fa gbenda u mbaperapera, kpa gbenda u mbaaferev yô, ua saa ishe.

Upasalmi 100:5

Gadia TER doo, erdoo Na ngu gbem je, jighjigh Na kpaa ngu sha ikov ikov. Ka Pasalmi u Davidi

Upasalmi 20:1

TER A̱ ungwa u sha iyange i ican, iti i Aôndo u Yakob i̱ kende a we sha;

Upasalmi 25:8

TER ka u doon man u mimi kpaa, ka nahan man Una tese mbaasorabo gbenda ye.

Upasalmi 27:5

Gadia Una yerem ken ityumbe Na sha iyange i bo la, Una yerem ken iuv i tenti Na, Una kendem sha sha vande je.

Upasalmi 37:39

Kpa myom u mbaperapera yô, due hen TER je, ka Un A lu garutya ve sha iyange i mzeyol ye.

Upasalmi 37:40

TER wese ve, shi wer ve, wer ve sha ikev i mbaaferev, yem ve, gadia mba yeren her a Na. Ka Pasalmi u Davidi sha nagh ku m-umbur

Upasalmi 46:2

Ka nahan man se cie ga ye, shin tar ua tenger kpaa, shin iwo ia môgh, ia za gba shin atô u zegemnger kpaa;

Upasalmi 50:15

yilam sha iyange i ican, Me yima u, ú gema ú civir Mo.

Upasalmi 59:16

Kpa mo yô, me wa icam i teren agee a Ou; een, pepe me wa icam me ember erdoo Wou, gadia ka We, U lum gôgôyou ye, ijiir yam i yeren sha iyange i ican i tserem la.

Upasalmi 71:3

lum vande u teman ker, henpe me zer nyôron gbem yô; ka We U kaa Wer, m̱ war ye, gadia ka We U lu barwo wam man garutya wam kpaa ye.

Upasalmi 86:7

Sha iyange i ican i tserem yô, me yila U, gadia Ú ungwam.

Upasalmi 9:10

Mba ve fe iti You yô, vea suur sha a We, gadia TERE, We, U kende mbakeren We la, dang mayange ga.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Anzaakaa 18:10

Iti i TER ka gôgôyou u taven u taver, orperapera ka nan yevese nan ta kimi, nan war.

Yesaia 25:4

Gadia U hingir ijiir i waren i mbaatsanev, ijiir i waren i oribanave ken ican i nan, ijiir i yeren uraahumbe man mure u yeren oo, gadia kumetan u uipirambaiorov ngu er uraahumbe u tan sha kpekpe yô.

Yesaia 32:2

Man hanmô ve kpaa nana hingir er ijiir i yeren ahumbe nahan, man er ijiir i yeren uraahumbe yô, er uikuwanmbamngerev hen ikpoghonya nahan yô, er mure u zegevande u ken tar u vôron kpishi yô.

Yesaia 50:10

Ka anti wen nan lu u cian TER, nan we iko sha imo i Wanakiriki Naa? Zum u nan zenden ken ime man nan lu a iwanger kpaa ga yô, nana̱ suur sha iti i TER, nana̱ lian ken Aôndo u nan kpaa.

Yeremia 16:19

TERE, agee am man garutya wam man ijiir yam i yeren ker sha iyange i ican, ka her a We akuraior aa due ken akighir a tar aa va ye, aa kaa er: Ka aie tseegh a lu dyako u uter asev ve ye ye; ka agbilinakaa, kwagh môm u lun a inja ngu ker ga.

Yeremia 17:17

De hingir mo kwagh u cieryol; ga; U ngu ijiir yam i yeren je sha iyange i kwaghbo.

Yeremia 24:5

TER, Aôndo u Iserael, ngu kaan nahan er: Er atam a tur a dedoo a lu nahan, kape Me wa Mbayuda mba i yem a ve uikangen la iko, mba M tindi ve, ve mough hen ijiir ne, ve yem ken tar u Mbakaldi la, sha u eren a ve dedoo.

Yeremia 33:11

imo i iember ker, man imo i sar sar, man imo i orkwasehe man imo i kwasehe man imo i mba ve kaan er: Wuese nen TER ka u akum a Sha, gadia TER ka u doon je, gadia erdoo Na ngu zan zan gbem sha won. Ka imo i mba ve ve a iniav mbi ishughun ken iyou i TER je la. Gadia Me gema mlu u tar la, ua hingir er tsuaa nahan, kape TER A kaa ne.

Ukwelegh 3:25

TER eren dedoo a mba ve veren ishima sha a Na, a uma u a keren Un la.

Daniel 3:28

Nebukadinesar ôr kwagh, kaa er: I̱ wuese Aôndo u Saderaki man Meshaki man Abedi-nego, u A tindi ortyom Na, a va yem mbayev Nav, mba ve suur sha a Na, ve we tindi u tor iko ga, ve na ayol a ve sha u civir ma aôndo ugen sughun un ga, saa Aôndo ve tseegh yô.

Daniel 6:23

Nahan tor ember tsung, a kaa er, i̱ dugh Daniel shin ihungwa kera. Nahan i dugh Daniel shin ihungwa, ve zua un a iyolvihin mape je ga, sha ci u a suur sha Aôndo na yô.

Yoel 3:16

TER ngu tan kume ken Shion, ngu taver imo ken Yerusalem je; Usha man tar tenger kpa TER Una hingir ijiir i yeren i ior Nav, man garutya u Mbaiserael.

Sefania 3:12

Kpa Me undu atereghaior man atsanaior ken atô wou, vea suur sha iti i TER.

Mateu 27:43

A lu suur sha Aôndo; yô, A̱ yima Un hegen, aluer a doo Un a Na yô, gadia kaan er, Un ngu Wan u Aôndo je.

Mateu 7:23

Tsô Me kaa a ve Mer: Mayange je M ngu a fa ne ga, yem nen heen kera, ne mbavendan atindi mban.

YOHANE 10:14

Mo M ngu Orkuranilev u dedoo; M fa mbi Yav, mbi Yav kpaa fam,

YOHANE 10:27

Iyôngo Yam ngi ongo imo Yam, Mo kpaa M fa i, ngi dondon sha a Mo kpaa.

Mbaromanu 11:22

Nahan nenge mhôônom ma zungwen man shi ipila i Aôndo. Mba ve gbe yô, ka ipila, kpa we yô, ka mhôônom ma zungwen ma Aôndo aluer wea tile sha mhôônom ma zungwen yô. Gayô, we kpaa á tôndo u kera.

Mbagalatia 4:9

Kpa hegen er ne va fe Aôndo yô, shin guda er ne va lu mba Aôndo A fe ne yô, hii nan man shi ne lu hiden hen ujijingi mba ikoogh ga mbagban kera tsung la, shi i lu saren ne u shi hiden sha ikev ve er ka ikpan nahana?

WASHIKA U SHA UHAR U PAULU APOSTOLI TINDI HEN TIMOTEU - 2TI 2:19

Kpa imagh ki Aôndo ki ki tenger ga la yô, ki tile her, ki a ikav ne: Ter fa mba Nav, man shi, hanma or u nan teren iti i Ter yô, nana̱ pav a ifer.