Nahum 1:6 - ICIGHAN BIBILO

⁶ Ka an nana fatyô u hendan ishigh a iyugh Na? Ka an nana fatyô u teman hen mtsee u ishimavihin Na? Iyugh Na ngi haan er ka usu yô, avande nga paven sha ishigh Nagh.

Nahum 1:6 Iomraidhean Croise

1 Utor 19:11

Tsô A kaa a na er: Due, tile sha uwo ne sha ishigh ki TER. Tsô nenge, TER va kar, zegeahumbe u taver za va, a pav uwo, hembe avande sha ishigh ki TER; kpa TER lu ken ahumbe ga; ahumbe la nga kar kera yô, tar tenger; kpa TER lu ken tartenger la ga;

Yobu 26:11

Ityôv mbi Shaav tenger, kondo mbi iyol gbong sha mzehe Na.

Yobu 40:11

Haa iyugh you er mngerem ma ma sar avenge yô; kenger hanma or u nan gengese iyol yô, hee nan.

Yobu 9:5

Wen u A karen a iwo kera, kpa i fe ga, zum u A yôhôl i sha iyugh Na yô;

Upasalmi 130:3

TERE, aluer Wea we aferakaa iko yô, ka an ma nan til sha, Tere?

Upasalmi 2:12

Suse nen Wan zwa, sha er A̱ de yugh man né saa ishe sha gbenda ga yô; gadia ka Un ican u yuwen ga. Mba ve suur sha a Na cii saan ve iyol!

Upasalmi 76:7

Ka We, U kom u á cia U ye; ka an je nana tile U sha ishi zum u U yuwen laa?

Upasalmi 76:8

Ka Sha je, ijirôron You i dugh ye, tar cii, huan ving,

Upasalmi 90:11

Ka an nan fe agee a ishimanyoon Youwe? kua iyugh You i sha inja i mciem ma ma kom u á cia U laa?

Yesaia 10:16

Ka nahan man Ter, TER u akum a Sha, Una tindi ikande hen mbakehen nav; man shi shin atô a icivir na, mhie una hia er mhie u usu nahan.

Yesaia 13:13

Ka sha ci u nahan Me er Usha vea tenger, tar kpaa ua tenger ua kar hen ijiir i u la kera, sha iyugh i TER u akum a Sha, sha iyange i iyugh Na i yeghen tsung la.

Yesaia 27:4

M yugh je ga; usagher kua usaa ma ve lu ase ihom a Mo! Yô, ma M te sha a ve, ma M nande ve ci ca

Yesaia 33:14

Mbaeren asorabo ken Shion mba cian; mba ve we Aôndo iko ga la, akarkase gbidye ve iyol. Ka anti wase nana fatyô u teman a usu u hian imôngo? Ka anti wase nana fatyô u teman a icôronmhie imôngoo?

Yesaia 66:15

Gadia, nenge, TER Una va ken usu, man akekeautya a Na aa lu er ka hiar nahan je, Una pase ishima i nyoon Na sha iyugh, man mzehe Na sha igyamusu.

Yeremia 10:10

Kpa TER yô, ka Aôndo u mimi je; Un ka Aôndo u uma je man shi ka Tor u tsôron gbem sha won; sha iyugh Na yô, tar tenger, man akuraior fatyô u kundun ishima sha ishimavihin Na la ga.

Yeremia 21:12

We, ya u Davidi, TER ngu kaan nahan er: Ôron ijir sha mimi pepe, yiman mba i nzughul a ve sha ikev i ipilaor la, sha er iyugh Yam i̱ de dugh er usu nahan u̱ hia zan zan ma or nana̱ fatyô u pirin u ga ze, sha ci u iferkwagh i aeren a en la.

Ukwelegh 2:3

Sha iyugh Na i tsung, A gber hanma korough ku Iserael; A hide a uwegh Nagh ku yanegh ijime sha ishigh ki orihom; A yegh ken Yakob er nomborusu u hian akaa a a kase u cii yô;

Ukwelegh 2:4

A henda ada Na er ka orihom nahan, A tile A kende uwegh Nagh ku yanegh sha er ka orahendanegh nahan; man A wua mba ve doo u kenger sha ashe cii; ken tenti u wankwase u Shion la, A haa iyugh Na er usu nahan.

Ukwelegh 4:11

TER kure ishima i vihin Na la cii, A haa iyugh Na i tsung la; A keer usu ken Shion, u u hie amagh a na.

Esekiel 21:31

Me haa u iyugh Yam, Me fehe u usu u ishimanyoon Yam; Me na u sha ikev i ior mba vihin kwagh tsung, mba fan u timin kwagh.

Esekiel 30:16

Me haa usu ken Igipiti; Shin una ya ican tsung; á hembe No kera; Nofe una zua a mbaahendanev atetan.

Esekiel 39:6

Me haa usu sha Magogi man sha mba ve tem bem bem hen ityar i shin kpe u zegemnger; ka nahan man vea fa er Mo M lu TER ye.

Esekiel 7:8

Ahegen yô, kera shi vese ga tsô, Me haa ishimavihin Yam sha a we, Me kure ishimavihin Yam sha a we, Me ôr u ijir sha aeren a ou; man Me tsaha u sha akaa ou a ndôhôrshima la cii.

Nahum 1:2

TER Aôndo ka u iwuhegh je, man oron iyev; TER ka u oron iyev man A mgbough a iyugh; TER ka u oron iyev sha mbaahendanev Nav, man ishima vihin Un a mbaihomov Nav.

Sefania 2:2

je er i lu a pase awashima la ga yô— iyange ngi karen er imough nahan— je er iyugh i TER i tsung la i lu a va sha a ven ga ne, man er iyange i iyugh i TER i lu a va sha a ven ga ne.

Malaki 3:2

Kpa ka anti nana hendan ishigh a iyange i mve Na laa? Man ka anti kpaa nana tile sha zum u Una ande laa? Gadia ngu er ka usu u orsoughon iyôgh nahan, man er icahul i or u ôôn akondo yô;

Malaki 4:1

Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.

Mpase U Yohane 16:1

M shi m ungwa zegeimo due ken tempel, i kaa a mbatyomov mba Shaav mba utaankaruhar mbala er: Za nen za haa nen agbande a ataankarahar a iyugh i Aôndo i lu shimi la shin tar.

Mpase U Yohane 16:8

Ortyom u Sha u sha unyiin la haa gbande na sha iyange maa i na iyange ian sha u i̱ hia ior sha usu yô.

Mpase U Yohane 6:17

gadia zegeiyange u iyugh Na kuma ve, ka an je nana fatyô u tilen sha?