Nahum 1:10 - ICIGHAN BIBILO

¹⁰ Gadia shin er ve lu er adagher a usaa nahan, man ve heen ayol er ka sha kwaghman ve la kpaa, á nande ve kera er ayia a ombor nahan.

Nahum 1:10 Iomraidhean Croise

2 Samuel 13:28

Tsô Abesalom kaa a mbatomov nav er: Ver nen ishima, shighe u Amnon una va hingir saan saan sha wain yô, mea kaa a ven mer, wua nen Amnon yô, wua nen un je, de cie nen ga; ka mo m ne ne zwa ye gaa? Taver nen ishima lu nen icihi.

Upasalmi 118:12

A kasem er iyough i ken toho yô; i pir a er usu u sha ayegher a ikon nahan.

Upasalmi 68:2

Er ahumbe ka a kar a mnyim kera nahan, kape U kar a ve kera la; man er tsur ka u sough sha usu nahan, kape mbaaferev ve saa ishe sha ishigh ki Aôndo la.

Ekesodu 15:7

Sha ivesen i icivir You yô, U gbihi mba ve hendan a We mbala inya; U tindi iyugh You va nande ve kera er adenga a alakema nahan.

Ekesodu 5:12

Nahan ior samber ken tar u Igipiti cii u vea kura adenga a alakema a̱ hingir ve hici.

Yesaia 27:4

M yugh je ga; usagher kua usaa ma ve lu ase ihom a Mo! Yô, ma M te sha a ve, ma M nande ve ci ca

Yesaia 47:14

Nenge, ve hingir er atighir a toho nahan; usu hia ve kera; ve fatyô u waren ayol a ve sha agee a usu ga; ka akausu a ôson ga, shin usu u á tema hen u kpaa ga.

Yesaia 5:24

Nahan yô, er nomborusu ka u hia atôayia man er toho u uman kpaa ka u haa inya sha usu, kape mise ve ua vôngo la, imondon ve kpaa una mough er ihundu yô, gadia ve venda ityesen i TER u akum a Sha, ve laha kwaghôron u Icighan u Iserael la.

Yesaia 56:12

Va nen (kape ve kaa la) me za va a wain, sé ma msôrom ma yuwan sé ide nen; kper kpaa á lu er nyian nahan, á lu iyange i vesen je, á gande.

Yesaia 9:18

Gadia ifer hie er usu nahan, i nande ukôrakondo kua usaa kera; mimi je, ngu hie ikô i i we mgbigh mgbigh yô, zan zan i kôndo sha er mnyim ma ma vingir ma yem sha nahan.

Yeremia 51:39

Zum u isharen ve ia yegh yô, Me er ve iniongo, man Me er, vea hunde; sha er ve̱ hume ve̱ gba mnyam, ve̱ yav gbem sha won, ve̱ de kera nderen ga yô, kape TER A kaa ne.

Yeremia 51:57

Me na atiator a na á hunde kua mbafankwagh nav, man ugomna nav, man mbahemenev nav, man mbautyav nav kpaa; vea gba mnyam vea saa yaven gbem sha won, vea nder ga, kape Tor A kaa ne, TER u akum a Sha ka iti Na je la.

Mika 7:4

U hemban doon ken a ve la ngu er ka saa yô; u hemban perapera hen a ve la, hemba vihin a igyar i sha usaa; iyange i mbakuran ou, i mtsaha wou la, i va ve; hegen yô, kwagh á tser ve.

Nahum 3:11

We kpaa, ú hunde, ú hume; we kpaa ú ker iyou i tiaver sha ci u yeren orihom.

Malaki 4:1

Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.

1 Samuel 25:36

Er Abigail hide hen Nabal yô, Nabal lu eren iniongo hen ya na er ka iniongo i tor yô; yô, Nabal kpaa ishima lu un saan saan, gadia lu hunden tsung; nahan a ôr un ma kwagh je ga, zan zan sev av.