Mika 7:9 - ICIGHAN BIBILO

⁹ Me tôô iyugh i TER, gadia m er Un kwaghbo— zan zan Una ôr ishô yam man Una kure ijir yam; Una va a mo ken iwanger, me nenge perapera Na.

Mika 7:9 Iomraidhean Croise

2 Samuel 24:17

Tsô Davidi ôr kwagh a TER zum u a nenge a ortyom u a woo ior la yô, a kaa er: Nenge, m er kwaghbo, m er kwagh u vihin; kpa iyôngo ngin yô, ka nyi i ere? Yô, shi de, uwegh Ough ku̱ lu num a mo kua ya u terem tsô.

Yobu 23:10

Gadia A fa er zende wam u lu yô; aluer Una karem kpaa, me due er zenaria nahan.

Yobu 35:14

Man hire aluer ú kaa wer, u nenge a Na ga, ityôkwagh ngi Un sha ishi; nahan ú kegh Un!

Upasalmi 119:154

Ta ken a mo, ôr kwagh wam, paam, taver uma wam sha mkaanem Ou.

Upasalmi 37:6

Una er perapera wou, una due ken igbar er iwanger yô, mimi wou kpaa una lu er iyange ka ia lu sha tembe nahan yô.

Upasalmi 43:1

Er a mo jighilii, Aôndo, ôr kwagh wam, hendan a ikurior i cian Aôndo ga la; warem sha ikev i orcugh, u a lu a mimi ga la.

Upasalmi 7:6

Mough sha a ishima i vihin You TERE, kegh iyol i num sha iyugh i mbaahendanev av; nder sha ci wam, We, u U kaa wer, i̱ ôr ijir sha mimi!

Upasalmi 94:15

Gadia ijirôron ia hide ken perapera; mba asema a ve a lu jighilii cii, vea za a i ityô.

Yesaia 42:16

Shi Me va a mbaapirashe sha gbenda u ve fe u ga yô; ka sha igbenda i ve fe i ga je, Me kar a ve ye; Me gema ime ia hingir iwanger sha ishiv vev; ajiir a lun gbeen gbe gbeen aa hingir vaanaa. Akaa ne yô, Me er a, Me de a ga.

Yesaia 42:7

sha u bughun mbaapirashe ashe, u dughun mbakwarev agbe, man u dughun mba ken gaadi ken ime kera.

Yesaia 46:13

M ngu kporom a perapera Wam, a gba ca ga, myom Wam kpaa una ngôôr ga, Me na myom ken Shion sha ci u Iserael icivir Yam.

Yesaia 51:22

Teru, TER, Aôndo wou, u A te ikaa ken ior Nav sha kwagh u tseren ve la, ngu kaan nahan er: Nenge, M ngohol iyongo i nan zuzu sha uwegh ough kera, ka kuca u iyugh Yam je la, mayange ú kera kimbir u man u ga;

Yesaia 56:1

TER ngu kaan nahan er: Waan nen ijirôron iko, eren nen perapera; gadia myom Wam mgbôghom u van kua perapera Wam kpaa, sha u á pase un.

Yeremia 10:19

Kpe ahii! sha ci u mvihi u i vihim ne! Ivav yam vihi je; kpa m kaa mer: Mimi je kwagh ne ka ican i tsung je, me wa ishima a i.

Yeremia 14:7

Shin er aferakaa ase a lu pasen se nan se ibo, nahan kpaa, er kwagh sha ci u iti You TERE, gadia mbamhirjime asev ngee; ka We se er U kwaghbo ye.

Yeremia 51:10

TER due a perapera wase ken igbar; va, sé za pase nen tom u TER, Aôndo wase, ken Shion.

Ukwelegh 1:18

TER ka u perapera je, gadia m hendan a imo Na; shi ungwa nen, ne ior cii, nenge nen ican yam; anuunaukase am man ikaior yam, i yem a ve uikangen.

Levitiku 26:41

nahan Mo kpaa M hendan a ve, M va a ve ken tar u mbaihomov vev; aluer shighe la ishima ve i ve tsenge ga la, ia hide ijime, vea rumun mtsaha u sha ifer ve yô,

Malaki 3:18

Tsô né gema né kav mkposo u orperapera a iferor, man u or u civir Aôndo a or u civir Un ga la.

1 Mbakorinte 4:5

Nahan yô, de gbe ôron nen ma ijir er shighe a lu a kuma ga la ga, saa Ter Una va Una due a akaa a myer a ken ime la, Una va a mi ken iwanger, man Una pase mbaawashima mba ken asema a ior kpaa, ka ken shighe la man hanma or nana zua a iwuese i nan hen Aôndo ye.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:8

Mase shin tsar u mhembe u perapera u i verem, u Ter Una nam sha iyange la yô, man ka mo tseegh ga kpa ka mba m-ande Na a doo ve la cii.

Mpase U Yohane 18:20

We Sha, man ne uicighanmbaiorov man mbaapostoli man uprofeti, ember nen sha kwagh na ne, gadia Aôndo kure ijir yen a na ve.

1 Samuel 24:15

Yô, TER A̱ lu orjir, A̱ kure kwagh wam vea we ne; A̱ nenge, A̱ ôr kwagh wam, A̱ yimam sha ikev you.

1 Samuel 25:39

Er Davidi ungwa er Nabal a kpe yô, a kaa er: I̱ wuese TER u A kurum ijir sha ilyahan i Nabal a laham a mi la, man A yange wanye Na u eren ifer kpaa yô; kpa TER hide a ifer i Nabal sha ityough nagh. Nahan Davidi tindi i ôr kwagh a Abigail, er sar un pe eren un.

1 Samuel 26:10

Davidi gema kaa er: Er TER A lu u uma ne, TER Una tsaha un, gayô, iyange i kuugh na ia va, shin una za kpe ken utya.

1 Samuel 3:18

Tsô Samuel ôr un akaa cii yer un ma kwagh ga. Nahan a kaa er: Un ka TER, A̱ er kwagh u a doo Un yô.