Mika 7:18 - ICIGHAN BIBILO

¹⁸ Ka an nan lu Aôndo er We nahan, u U deen iferkwagh man U deen atindi a peren a asande a dyako Wou a a shi her laa? Ishima i nyoon We gbem ga, sha ci u erdoo doo U.

Mika 7:18 Iomraidhean Croise

Genese 4:7

Aluer wea er sha mi yô, ma u saan ki sha gaa? Man aluer wea er sha mi ga yô, nenge, isholibo kegh sha hunda je; ka sha a we je isharen i i, i lu ye, kpa ka we man ú hemba i ye.

1 Utor 8:23

a kaa er: TERE, Aôndo u Iserael, ma Aôndo ugen ngu er We nahan ga, Sha kpaa ga, shin tar kpaa ga, We, u U we iko sha ikuryan man U ver ishima sha erdoo a mbayev Ou, mba ve zenden sha ishigh You a ishima i môm yô;

2 Kroniku 30:9

Gadia aluer shi nea gema hen TER yô, anmgbianev enev kua ônov enev vea zua a mhôônom ma zungwen hen mba ve yem a ve uikangen la, shi vea hide hen tar ne je, gadia TER, Aôndo wen, ngu a erdoo, man shi zungu mhôônom kpaa, man Una gema ishigh Nagh her a ven kera ga, aluer né gema ishima né hire her a Na yô.

2 Kroniku 6:21

man shi ver ato ungwa zamber u wanakiriki Wou, man u ior Ou Iserael, zum u vea eren msen vea veren ishigh hen ijiir ne yô; een, ungwa Sha, sha ijiir You i teman la, man zum u Ú ungwa yô, de se asorabo ase.

Nehemia 9:17

ve venda u ungwa kwagh, ve umbur akaa a kpilighyol a Ou a U er hen ve la ga, kpa ve nômbo ikôr; sha mhendan ve la je, ve ver orhemen ugen sha u vea hide vea za lu ikpan her. Kpa U ngu Aôndo u den asorabo, U mgbough a mrumun u sha mhôôn man mhôônom ma zungwen man ishima i wan kua erdoo wuee, U gbihi ve kera ga.

Upasalmi 103:13

er mhôônom ka ma kôr ter a ônov nahan, kape TER kpaa mhôônom ma ker Un a mba ve cie Un la.

Upasalmi 130:4

Kpa We U ngu a mde u asorabo, sha er á cia U yô.

Upasalmi 35:10

Akuhe am cii aa kaa er: TERE, ka an nan lu er We? We u U yem icanor sha ikev i or u nan hembe un agee yô, icanor kua oribanave kpaa sha ikev i or u nan ngohol nan akaa sha apera la.

Upasalmi 65:3

Aferakaa hembam agee, akaabo ase yô, ka We U ese a kera ye.

Upasalmi 65:4

I saan or u U tsough nan la iyol, Wer nana̱ kporom er nana tema ken ityembe i iyou You la. Mdoom ma ya Wou maa kuma se, ka icighantempel Wou je la.

Upasalmi 71:19

Perapera Wou ar Sha je, Aôndo; We u U er akaa a vesen, Aôndo, ka an nan lu er We?

Upasalmi 86:15

Kpa We yô, Tere, U ngu Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je.

Upasalmi 86:5

Gadia We, Tere, U doo, U kegh iyol u den kwaghbo, erdoo Wou ngee a mba ve yer sha iti You cii.

Upasalmi 89:6

Gadia ka an nan lu Sha je, u á kar nan a TERE? man ken mbaaôndo yô, ka an nan lu er TERE?

Upasalmi 89:8

TERE, Aôndo u akum a Sha, ka an nan lu a agee er We TERE, jighjigh Wou u mimi kpaa kase U.

Ekesodu 15:11

Ka an nan lu er We nahan ken mbaaôndo? Ka an nan lu er We, a icighanmlu u icivirigh man aeren a a kom iwuese a cieryol kua a kpilighyoloo?

Ekesodu 34:9

A kaa er: TERE, aluer doo U a mo yô, TER ma A ze a vese imôngo, gadia ka ior i taver ityough yum; de se ifer yase man isholibo yase kpaa, ngohol se, se̱ lu dyako Wou.

Yesaia 1:18

Va nen ase, sé hen nen kwagh imôngo, kape TER A kaa ne; shin er asorabo a en a nyian bong, nahan kpaa aa kungu er awombo nahan; shin er a nyian er kpagh nahan kpaa aa kungu er mou nahan.

Yesaia 33:24

Ma or u nan tem ker kpaa nana kera kaa er: Kwagh nyoon mo, ga; ior mba ve tem heregh kpaa, á de ve asorabo a ve.

Yesaia 38:17

Nenge, bocan wam ne, gema nam mkpeyol, gadia uma wam doo U ishima je, U dugh un shin ihungwa i mtim kera, U gema asorabo am cii U gbihi ken ijime You.

Yesaia 40:18

Tsô né kar Aôndo sha ana? Man ka hanma mluyol a kom u karen sha a Naa?

Yesaia 40:25

Tsô ne karem sha an, u Me lu vough a nana? Kape u A lu Icighan la A pin la.

Yesaia 43:25

Ka Mo je M ese atindi a ou a peren kera sha ci Wam iyol Yam; Me kera umbur asorabo a ou kpaa ga.

Yesaia 44:22

M ese atindi a ou a peren kera er irkpiigh nahan, man asorabo a ou kpaa, er ibeenegh yô; hide her a Mo, gadia M paa u.

Yesaia 55:7

Iferor nana̱ undu gbenda u nan; u nan lu perapera ga kpaa, nana̱ gbihi mbamhen mba nan kera, nana̱ hide hen TER, tsô Una zungwe nan mhôônom, man hen Aôndo wase, gadia Un deen kwaghbo wuee.

Yesaia 57:10

U vôr a zende wou u caa la; nahan kpaa mayange u shi kaa wer, ka iyolnyoon gbilin ga; hide shi taver we iyol, ka nahan man iyol i kera kpe u ga ye.

Yesaia 57:16

Gadia Me kera zôhô zan zan ga, man shi Me kera yuwe gbem kpaa, ga; gayô jijingi una ule sha ishigh Yagh, kua uuma mba M er la.

Yesaia 62:5

Gadia er wanyekwaor ka nan er iniunkwase nahan, kape ônov ou vea ngohol we la, man er orkwasehe ka nan ember kwasehe nahan, kape Aôndo wou kpaa Una ember we la.

Yesaia 64:9

De yugh tsung ga, TERE, man de umbur ifer kwagh zan zan gbem ga; shi nenge er se cii se lu ior Ou yô.

Yesaia 65:19

Me ember Yerusalem, man á saan Mo iyol a ior Av kpaa; á kera ungwa imo i mlia ken a na ga,

Yeremia 3:12

Za, za yôô akaaôron ne vegher u hen imbusutarimese, kaa wer: Hide, we Iserael u u undu mimi wou la, kape TER A kaa ne; Me kera kenger we a iyugh ga, gadia Mo M ngu u zungwen mhôônom je, kape TER A kaa ne; ishima ia vihim zan zan gbem ga.

Yeremia 3:5

Una zer yuwen zan zan gbemee? Ishima ia nyoon Un zan zan mkur jee? Nenge, kape u ôr la, kpa u er aferakaa, sha ishima you je.

Yeremia 31:20

Eferaim ka wan u ishima ishima udoon mo ishima kpen kpen gaa? Gadia hanma shighe u ka Mea teren un sha ishimavihin yô, M gba umbur un di sha gbashima je, nahan yô, a sar ishima Yam tsung, mimi je, Me zungwe un mhôônom, kape TER A kaa ne.

Yeremia 31:34

Nahan hanmô ve nana kera tese or u wan ndor a nan, shin anmgbian u nan er: Fa TER ga; gadia ve cii vea fam, á hii sha u kiriki ve zan zan ar sha u vesen, kape TER A kaa ne; gadia Me de ve ifer ve, asorabo a ve kpaa Me kera seer u umbur a ga.

Yeremia 32:41

Een, Me ember ve, Me eren a ve dedoo, Me môôr ve ken tar ne kpee sha ishima Yam cii man sha uma Wam cii kpaa.

Yeremia 33:8

Me wanger ve sha ifer ve cii, i ve erem yô; Me de ve aferakaa ve cii, a ve erem la, man mper u ve per atindi a Am kpaa yô.

Yeremia 38:8

nahan Ebedi-meleki due hen ya u tor, a gba ôron kwagh a tor kaan er:

Yeremia 50:20

Sha ayange la man sha shighe la, kape TER A kaa ne, á ker iferkwagh i Iserael, kpa ia kera lu ga; man asorabo a Yuda kpaa á zua a mi ga; gadia me de asande a Me shi a her la, kwaghbo ve.

Yeremia 9:24

kpa u i sar nan ka tan ihagh yô, nana̱ ta ihagh sha kwagh ne, er nan kav man shi nan fam, er Mo M lu TER u eren dedoo, u ôron ijir sha mimi man u eren perapera sha tar, gadia ka akaa ne a doom ye, kape TER A kaa ne.

Esekiel 18:23

Ku u iferor doomoo? Kape Ter AÔNDO A kaa ne; kera sarem er ma nan gem ishima ma nan undu gbenda u nan, ma nan zough a uma gaa?

Esekiel 33:11

Kaa a ve wer: Er M lu u uma ne, Ter AÔNDO ngu kaan nahan er: Ku u iferor doom ga; sarem pe iferor nana̱ gema, nana̱ undu gbenda u nan, nana̱ lu uma; gema nen, gema nen, undu nen igbenda yen i bo la; gadia ka sha ci u nyi né gba kpen nahana, we ya u Iseraele?

Esekiel 33:16

Ma isholibo i môm i nan er kpaa, á kera umbur nan i ga; nan er sha tindi vough; nana lu uma kpee je.

Daniel 9:9

Ka hen TER, Aôndo wase, mhôônom ma zungwen man mde u asorabo ve lu ye; gadia se hendan a Na;

Hosea 14:2

Tôô nen akaaôron ne, za nen a mi; hide nen hen TER; kaa nen a Na ner: De ifer ci ca cii, rumun kwagh u a lu u doon yô, nahan sé gema ityumbujôôv yase sé na nagh sha mi, sha ityough ki anomabua.

Hosea 14:5

Me hingir hen Iserael er avure nahan; una mondo er ityombo nahan, una ta amise a na er Lebanon nahan.

Yoel 2:32

Nahan yô, á hingir u hanma or u nan yer sha iti i TER yô, nana war; gadia sha uwo u Shion man ken Yerusalem á zua a mbawaren, er TER lu kaa yô; ka ken mbawaren mbala á zua a mba TER Una yila ve ye.

Amoshi 1:11

TER ngu kaan nahan er: Sha ci u atindi a peren atar a Edom, een, sha ci u anyiin je yô, Me kera hide a mtsaha na ijime ga, gadia a cir anngô na ityô a sanker uwe, man shi a ta mhôônom ma zungwen kera cii, ishima na i nyoon pever ga, lu a iyugh gbem;

Amoshi 7:8

TER shi kaa a mo er: Amoshi, ka nyi u nenge a mini? M kaa mer: Ka kor u sôron kwagh a mi. Nahan Ter kaa er: Nenge, veren Yam kor u sôron kwagh a mi ken atô u ior Av, Iserael; kera den Yam ve je ga;

Amoshi 8:2

Tsô A kaa er: Amoshi, ka nyi u nenge a mi? M kaa mer: Ka ikese i atamaikon a inyom. Tsô TER shi kaa a mo er: Mkur va sha ior Av Iserael; kera den Yam ve je ga.

Yona 4:2

Tsô A sôn TER, a kaa er: TERE, ka kwagh u iyange m vande kaan, je er m lu ken tar wam la gaa? Ka nahan man iyange m gba yevese yemen Tarshishi ye; gadia m fa er U lu Aôndo u mhôônom ma ker U man u zungu mhôônom, U wan ishima, man U ngee a erdoo, man U deen ifer kpaa.

Mika 2:12

Me kohol ne cii kpee je, we ya u Yakob, Me kohol asande a Iserael a a shi her la je, Me zua ve imôngo er iyôngo ken ityôr nahan man er ikumuile ken atô u ijiir ve i yan toho yô; á hura iuu sha mngee u ior.

Mika 4:7

Mbakeer la, Me de ve vea lu asande a ior her, man mba i yem a ve kera ca la kpaa, vea hingir ikurior i ageegh; man TER Una tema tor sha a ve sha uwo u Shion, hii hegen je zan zan gbem sha won.

Mika 5:3

Nahan yô, Una na ve kera zan zan shighe u un u toghol mar la una mar; nahan asande a anmgbianev Nav a a shi her la aa hide a Mbaiserael imôngo.

Mika 7:14

Kura ior Ou sha gbough Ough, ikumuile i dyako Wou, mba ve tem tseke ve, ken ikô ker atô u Karmel; de, ve̱ yaan toho ken Bashan man Gileadi er sha ayange a tsuaa la nahan.

Sefania 3:17

TER, Aôndo wou, ngu ken atô wou, Orutaha u Una yima yô; Una ember we a iember, Una mem ken dooshima Na, Una ember we a icam i wan.

Numeri 23:21

I nenge a ifer ken Yakob ga, shi i nenge a injughul ken Iserael kpaa ga; TER, Aôndo na, ngu a na imôngo, awer a gbiren a ember tor nga her a ve.

Luka 15:32

Kpa ka u i̱ saan se iyol keng, se̱ ember, gadia anngôu ne lu kpe, a shi a hingir uma; a saa, i shi i zua a na kpaa.

Luka 24:47

man shi ka ken iti Na man á ôr kwagh u mgemshima man mde u asorabo ken akuraior cii á hii ken Yerusalem je.

Mbaromanu 11:4

Kpa Aôndo gema kaa er nana? A kaa er: Ior shi mbam her dubu utaankaruhar mba ve gur anu inya hen Bala ga yô.

Duteronomi 33:26

Mô môm ngu er Aôndo ga, we Yeshurun, A zenden sha Usha, sha u wasen we, man sha kwavaôndo kpaa sha mhembe Na.

Yakobu 2:13

Gadia or u nan zungu mhôônom ga yô, ijir kpaa ia zungwe nan mhôônom ga, gadia mhôônom ma zungwen ma hemba ijir agee.

Mbaajiriv 10:16

Tsô ve dugh mbaaôndo mbagenev ken a ve kera, ve gema ve civir TER; nahan ishima vihi Un sha ci u ican i Iserael.