Mika 7:17 - ICIGHAN BIBILO

¹⁷ Vea ndiar vuulevu er iyô yô; vea due ken ajiir a ve a taver la a akarkase iyol, er akaa a kpelan inya nahan; vea va a mciem iyol hen TER, Aôndo wase, vea cia U kpaa.

Mika 7:17 Iomraidhean Croise

2 Samuel 22:46

Atôatyev use, ve due hen ajiir a ve a ken iuv la, a akarkase iyol.

2 Kroniku 17:10

Tsô mcieryol u TER haa sha ityar i i ningir Yuda la cii, nahan ve kera nôngo ityav a Yehoshafati ga.

Upasalmi 18:45

Atôatyev use, a due ken ajiir a a, a ken iuv la, a akarkase iyol.

Upasalmi 72:11

Utor cii vea gure un inya; akuraior cii aa er un tom.

Upasalmi 72:9

Mba ve tem ken taaikôngo ve̱ gure un inya, mbaihomov nav ve̱ ndiar vuulevu.

Upasalmi 9:20

Ta ve mciem iyol, TERE, atôatyev a̱ fa er a lu ior tsô yô. Sela.

Yesaia 25:3

Ka nahan ikurior i taver agee ia civir We, gar u akuraior a cier iyol kpaa una cia U ye.

Yesaia 49:23

Utor vea lu uter ou mba kuran we, man ashagba a ukase a ve vea lu ungô mba koson we; vea gule u sha ishi, vea kuma ishiv vev inya, vea ndiar ihundu i shin angahar a ou; tsô ú fa er M lu TER, mba ve veren ashe Mo vea va ahenge ga ye.

Yesaia 59:19

Nahan vea cia iti i TER, á hii shin ityôtar je, man iengem Na kpaa hii sha iyangeiduen je; gadia Una va er iwuhamnger i tiaver, i humbe u TER a mgbegh i yô.

Yesaia 60:14

Ônov mba ior mba ve er u ican yô, vea va her a we agurenu; man mba ve laha u cii, vea shalegh inya hen akevangahar a ou; vea yila u er: Gar u TER, Shion u Icighan u Iserael.

Yesaia 64:2

er usu ka u hia ayegheraikon, man er usu ka u na mngerem ma pagher nahan; sha u á pase mbahendan a We iti You, sha er akuraior a̱ gbidye akarkase iyol sha ishigh You yô,

Yesaia 65:25

Gbaseela man waniyôngo vea ya toho imôngo, begha una ya toho er bua nahan, vuulevu ua lu kwaghyan u iyô. Vea kera er kwagh u vihin ga, shin vea tim kwagh sha icighanwo Wam cii mayange kpaa ga, kape TER A kaa la.

Yesaia 7:19

Ia va, i cii, ia mem ken apev a iwoogh man ken ubarmbaawenev man sha usaa cii kua sha ajiir a adegh a toho a lu la.

Yeremia 16:16

Nenge, Me tindi, á yila mbakôronishu kpishi, kape TER A kaa ne, vea va kôr ve; ken masetyô Me tindi, á yila mbayarenikôr kpishi, vea num ve sha hanma uwo man sha hanma igungu man ken ikwe i avande kpaa.

Yeremia 33:9

Tsô gar ne una hingir Mo iti i iember, man kwagh u iwuese man u icivirigh, sha ishigh ki akuraior a sha won cii, a aa ungwa akaadoon a M eren a ve la cii; man aa cia, aa gbidye akarkase iyol sha ci u akaadoon cii man mkpeyol cii mba M ne un la.

Ukwelegh 3:29

Nana̱ wa zwa u nan shin vuulevu; alaghga ishimaverenkeghen ia lu!

Sekaria 14:5

Nea yevese nea kar shin pev u iwo Yam; gadia pev u iwo la una ar hen Asel je; nea yevese er lu ne yevese mtenger u tar sha ayange a Ushia tor u Yuda la nahan; tsô TER Aôndo Wam Una va a uicighan Nav cii.

Duteronomi 32:24

Vea vôr ijen man vea saa ishe, sha angev mbu tseeyol, man angev mbu bov kpaa; Me tindi anyi a inyamikume sha ve, man megh ku akaa a a kper a kpela inya.

Yosua 9:24

Ve gema ve kaa a Yosua er: I ôr ikpan you er TER, Aôndo wou, kaa a wanakiriki Na Mose er a̱ na ne tar ne cii kpee, né tim mba ve tem ken tar ne cii sha ishigh yenegh kera, nahan yô, se cia ne tsung sha ci u uuma asev, kape i lu man se er nahan ne.

Mpase U Yohane 3:9

Nenge, Me na, mba ken shinagoge u Satan mba ve yer ayol a ve er Mbayuda kpa i lu nahan ga i lu aie tsô ve eren la, Me na, vea va gure inya hen angahar a ou, vea va rumun er u doom ishima yô.

1 Samuel 14:11

Tsô ve uhar ve va ande hen afo a Mbafiliti; nahan Mbafiliti kaa er: Nenge, Mbaheberu mban gba duen shin ahungwa a ve yer la ve.