Mika 7:16 - ICIGHAN BIBILO

¹⁶ Akuraior aa nenge aa va ahenge sha agee a ve cii; vea wa ave ijô, ato a ve aa kondo.

Mika 7:16 Iomraidhean Croise

Yobu 21:5

Kenger mo, i̱ kpiligh ne iyol, wa uwegh zwa.

Yobu 40:4

Nenge, m ngu ma kwagh je ga, me kaa U nyi? M wa uwegh zwa.

Upasalmi 126:2

Shighe la zwa wase iv a ahan, man nombor wase a icam i wan; zum la i lu ôron ken akuraior er: TER er ve uzegembaakaav ve.

Anzaakaa 30:32

Aluer wea bume sha u kenden iyol you sha, shin aluer wea hen ifer i eren yô, wa uwegh zwa.

Yesaia 26:11

TERE, shin er uwegh Ough ku kende Sha nahan kpaa, mba nengen ga; kpa vea va nenge man kunya ua kôr ve sha gbashima Wou u sha ior Ou la; usu ua hia mbahendan a We la.

Yesaia 52:15

kape Una cier akuraior iyol kpishi la; utor vea kusu ijô ve sha ci Na, gadia kwagh u i lu a kaa ve ga je, vea nenge, kwagh u ve lu a ungwa ga kpaa, vea kav un.

Yesaia 66:18

Gadia M fa aeren a ve kua mbamhen vev; shighe ngu van u Me kohol akuraior cii kua ijô cii, vea va, vea va nenge icivir Yam.

Esekiel 38:23

Nahan Me tese mhembe Wam man mtsegh wam, Me pase iyol Yam ken igbar sha ashe a akuraior kpishi; nahan man vea fa er Mo M lu TER ye.

Mika 3:7

Mbanengen mbampase vea va ahenge, man mbatsenganôron akaa kpaa, kunya á kôr ve; vea cir mbaakuzwa vev, gadia mrumun kera va sha Aôndo ga.

Mika 5:8

Asande a Yakob a a shi her la, aa lu ken akuraior, ken atô u ior kpishi, er begha a lu ken atô u inyamtoho nahan man er gumbegha ken atô u akum a iyôngo nahan, u zum u ka una nyôr ker yô, a ndyar, a tuse caver caver, man ma oryiman kpaa nan kera lu ga.

Hagai 2:22

Me yôhôl ikônough ki torough ki ityartor, Me tim tahav mbu ityartor i akuraior kera; Me zôhô akekeautya a mbaunden sha mi la; anyinya man mbahendan a, vea haa inya, hanmô sha sanker u anngô u nan.

Sekaria 12:9

Tsô sha iyange la Me ker u timin akuraior a a mough num a Yerusalem cii.

Mbaromanu 3:19

Se fa, hanma kwagh u atindi a lu ôron yô, nga ôron a mba ve lu sha ikev i atindigh la sha u ilyam a̱ tôndo hanma or zwa man tar cii u̱ ya ibo sha ishigh ki Aôndo.

Mpase U Yohane 11:18

Akuraior yuwe kpa iyugh You gema va man shi shighe u á ôr mbakpenev ijir, man shighe u á na mbatomov Ou injar, ka uprofeti man uicighanmbaiorov, man mba ve cie iti You, mbavesen kua mbakiriki la, man shi shighe u á tim mba ve lu vihin tar la kpaa.