Mika 7:1 - ICIGHAN BIBILO

¹ Kpe ahii! Gadia m hingir er shighe u i vande kohol atam a ikon a fam kera, er twar u yaren sha atam a ikon i wain nahan; sumegh ku atam a wain ku yan, kera ku ga, shin ityamegh ki tur ki tsutswa ki ki sarem yum la kpaa ki ga.

Mika 7:1 Iomraidhean Croise

Upasalmi 120:5

Kwagh tserem ve, er m lu shiror ken Meseki, er m tem ken utenti mba Kedar yô!

Anzaakaa 20:6

Ior kpishi mba pasen erdoo ve ken igbar; kpa or u jighjigh yô, ka an nana zua a mini?

Yesaia 17:6

Nahan kpaa á undu twar her, er ka i ndoor kon u olev, atam ahar shin atar a shi sha agbaa a sha man anyiin shin ataan sha agbaa a umen atam la, kape TER, Aôndo u Iserael A kaa la.

Yesaia 24:13

Gadia kape á va lu shin tar hen akuraior je la, er mndoor u kon u olev nahan man er twaryaren u atam a ikon i wain zum u i bee sunda kera yô.

Yesaia 24:16

Hii shin ikighir i tar je, se ungwa atsam er: I̱ wuese orperapera. Kpa mo m kaa mer: M ngu saan, kwagh tserem ve! Mbaatsereghev mba eren kwagh sha atseregh, een ka sha atseregh mbaatsereghev ve eren kwagh ye.

Yesaia 28:4

man imondon u usen kera u mdooashe na u tsung la, u a lu sha ityough ki pev u doon sule la, una hingir er ka ityamegh ki tur ki ki vie fefa er shighe lu a kuma ga yô; or nana nenge a ki, tsô er ki lu nan sha uwe la, maa nana ya ki je.

Yesaia 6:5

Tsô m kaa mer: Kwagh tserem ve, m saa ve! gadia mo m ngu or u zwa wam u hôngor yô, man m tem her atô u ior mba ijô ve i hôngor kpaa yô; gadia ashe am nenge a Tor, TER u akum a Sha.

Yeremia 15:10

Kpe ahii, ngôm! er u marem, m lu or u num man or u ayongo hen tar ne yô! M na or injô ga, ve kpaa ve nam injô ga; nahan kpaa, ve cii mba tuhwan mo.

Yeremia 24:2

Ikese i môm lu a atam a tur a dedoo je, er ka atam a tur a ka a vande vian nahan; man ikese igen la yô, lu a atam a tur a vihin tsung je, vihi je gande u yan a.

Yeremia 4:31

Gadia m ungwa mliam er ka kwase u nan toghor mar yô, ican er i kwase u nan mar wan u nan u iunda la nahan, mliam ma wankwase u Shion; ngu shirin ishima, naregh ave, kaan er: Kwagh tserem ve! Uma wam vôr sha ishigh ki mbawuanior.

Yeremia 45:3

U kaa wer: Aye! Kwagh tserem ve! Gadia TER seer ijungwen sha ican yam; m vôr a mkin wam, man m zough a mmem ga!

Yeremia 5:1

Zende nen wue sha igbenda i Yerusalem, shi nenge, pine man ker nen sha ityembe na, shin nea fatyô u zuan a oro, shin or môm ngu u nan eren jighilii nan keren mimi; nahan Me de un kwaghbo na.

Hosea 9:10

M tser a Iserael er atam a kon u wain ken desereti nahan; M nenge a uter enev er atam a tsutswa a vian sha kon u tur sha m-um na u hiihii la yô; kpa ve va hen Baal-peor ve tsegha ayol a ve sha ci u kwagh u kunya la, nahan ve hingir kwagh ndôhôrshima vough er kwagh u a doo ve ishima la nahan.

Numeri 18:13

Hanma iyiav mbi tsutswav, mbi ken tar ve cii, mbi ve ve TER a mi, mbia hingir mbi you; hanma or u hen ya wou u nan lu wang yô, nana̱ ya mbi.