Mika 6:9 - ICIGHAN BIBILO

⁹ Imo i TER ngi yilan gar, u cian iti You ka mfe u mimi; wa nen gbidiv iko kua Un u A ver mbu la.

Mika 6:9 Iomraidhean Croise

2 Samuel 21:1

Sha ayange a Davidi la, ijen gba anyom atar, sha adondo adondo; nahan Davidi ker ishigh ki TER. TER kaa a na er: Ka sha ci u ike i awambe ngi sha Saulu kua ya na sha ci u a wua Mbagibeon.

Yobu 10:2

Me kaa a Aôndo mer: De nem ibo ga, kpa tesem kwagh u a er man U lu num a mo la.

Yobu 23:14

Gadia Una er kwagh u i verem la; ambaakaa ne nahan nga Un ken ishima kpishi.

Yobu 5:17

Nenge, saan or u Aôndo A kôôm nan la iyol; yô, de kera lahan mtsaha u Uhembanagee la ga.

Upasalmi 107:43

Or u nan lu a kwaghfan yô, nana̱ ver ishima sha akaa ne, ve̱ ver ishima sha uerdoo mba TER kpaa. Ka icam. Ka Pasalmi u Davidi

Upasalmi 48:10

Er iti You i lu nahan Aôndo, kape iwuese You kpaa i nyer ken akighir a tar je la; uwegh Ough ku yanegh iv a perapera.

Upasalmi 83:18

sha er ve̱ fa er We, u i yer iti You er TER la, i lu We tseegh U lu Uhembansha sha tar cii yô. Ngun ka sha ci u orhemen u mbawanatsam; i ver un sha Gititi. Ka Pasalmi u ônov mba Kora

Upasalmi 9:16

TER gema pase iyol Na: A ôr ijir ve! Ka sha tom u ave na iyol na la, i ker iferor ye. Higayon. Sela.

Anzaakaa 22:3

Orfankwagh ka nan nenge a kwaghbo, nan yer, kpa mbalanenkwagh yô, ka ve kar, ve za ya ican.

Yesaia 26:11

TERE, shin er uwegh Ough ku kende Sha nahan kpaa, mba nengen ga; kpa vea va nenge man kunya ua kôr ve sha gbashima Wou u sha ior Ou la; usu ua hia mbahendan a We la.

Yesaia 27:10

Gadia gar u lun a gir hingir gbilin, ka ijiir i teman i i mough her kera, i undu i er desereti nahan, wanbua una ya toho heregh je, ka her kpaa una yav ye, man una ya agbaa a na.

Yesaia 30:27

Nenge, ka ken ica, iti i TER i dugh ye, iyugh Na ngi hian, mnyim ma kôrkôr ma kôndon sha; ityumbuzwaagh Na mgbough a iyugh, man nombor Na ngu er usu u hian nahan;

Yesaia 66:6

Ikenge i ayôôso due ken gar, imo i ken tempel, imo i TER i oron mbaihomov Nav iyev yô.

Yesaia 9:13

Nahan kpaa ior gema her a Na, u A tsaha ve la, ga; shi ve ker TER u akum a Sha kpaa ga.

Yeremia 26:18

Mika Ormoresheti ôr kwaghôron u profeti sha ayange a Hisekia tor u Yuda, a ôr kwagh a ior i Yuda cii, a kaa er: TER u akum a Sha ngu kaan nahan er: Shion ne, á tsôghol un er sule nahan, man Yerusalem ne, una hingir atihi a alôgh, man uwo u tempel ne ua hingir er agungu a a lu ken ikô nahan.

Yeremia 26:6

nahan Me gema iyou ne ia hingir er Shilo nahan, man Me gema gar ne una hingir akuraior a sha won cii kwagh u lun a ifan iyol.

Yeremia 47:7

Á er nan man una huan ving, er i lu TER je A kaa er a̱ er iyongo a Ashekelon man a kpe u zegemngere? Ka keela A ver un ye.

Esekiel 7:9

Ishe Yam ia tange ga, man shi Me zungwe mhôônom kpaa ga; Me tsaha u sha inja i aeren a ou cii, akaa a ou a ndôhôrshima a a lu ker atô wou la, man né fa er i lu Mo TER M lu tsahan ne ye.

Hosea 13:16

Samaria una ya ibo na, gadia a hendan a Aôndo na; á wua ve sha sanker, á ta anikundanev vev inya á her ve, á pav kasev vev mba ve lu iyav la iyav.

Hosea 14:9

Or u nan lu a kwaghfan yô, nana̱ ver ase ikav sha akaa ne; u nan lu a mfe yô, nana̱ fa a, gadia igbenda i TER ngi jighilii je, mbaperapera mba zenden sha i; kpa mbaperenatindi yô, mba nenge gbev sha i.

Amoshi 2:5

nahan Me haa usu sha Yuda, ua hia ayouator a Yerusalem.

Amoshi 6:1

Kwagh á tser ve mba ve tem ken Shion ve hee iyol inya, man mba ve tem sha uwo u Samaria bem bem, ashagbaior a ken nongo u hemban ken akuraior cii, ka ve mba ya u Iserael a ve her a ve la!

Mika 3:12

Nahan yô, á tsôghol Shion sha ci wen er sule nahan; Yerusalem una hingir atihi a alôgh, man uwo u ya u Aôndo ua hingir er agungu shin ikô nahan.

Mika 6:10

Inyaregh ki iferegh shi ki ken iyou i mbaaferev kua ikaren u yinan u a lu a ifan iyol la kpaa gaa?

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Sefania 3:2

Ongo kwagh ga, rumun mkôôm ga, suur sha TER ga, man kporom ikua ikua a Aôndo na kpaa ga.

Mpase U Yohane 3:19

Mo yô, mba ve doom cii ka M tsaha ve shi M kôôm ve kpaa, nahan yô, ver ishima, gema ishima.