Mika 6:8 - ICIGHAN BIBILO

⁸ Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Mika 6:8 Iomraidhean Croise

Genese 18:19

Gadia M tsuwa un sha er a̱ kaa ônov nav man mba ken ya na ken ijime, ve̱ waan gbenda u TER iko, ve̱ eren perapera man kwagh u a lu vough, sha er TER Una kure Aberaham kwagh u A ôr sha a na la yô.

Genese 5:22

Mar Metusela kera yô, Enoki gba zenden vea Aôndo imôngo anyom deri utar; a shi a mar ônov mba nomso man mba kasev.

2 Kroniku 30:11

Nahan kpaa, ior mbagenev ken Asher man ken Manase kua Sebulon ve hide ayol a ve ijime, ve va ken Yerusalem.

2 Kroniku 32:26

Kpa Hesekia hide a iyol na ijime sha mkehe u ishima na la, un a mba ken Yerusalem, nahan iyugh i TER kera sen sha a ve sha ayange a Hesekia la ga.

2 Kroniku 33:19

Msen na u a sôn kpaa man er TER ungwa, rumun un, man asorabo na cii man M-undu u a undu mimi na la, man ajiir a taven sha a a maa a la, man Asherim kua ieev mbi a er, er a lu a hire a iyol na ijime ga la, nenge i nger a ken abaver a Hosai.

2 Kroniku 33:23

Kpa a kera hire a iyol na ijime sha ishigh ki TER, er ter na Manase lu hide a iyol na ijime nahan ga; kpa Amon ne yô, lu seer a seer ifer.

2 Kroniku 34:27

er u lu a ishima i legh legh, u hire a iyol you ijime sha ishigh ki Aôndo, zum u u ongo kwaghôron Na u sha ijiir ne kua sha mba ve tem ken i kpaa, man u hire a iyol you ijime sha ishigh Yagh, u ande akondo a ou, u vaa sha ishigh Yagh kpaa yô, nahan Mo kpaa M ungwa u, kape TER A kaa la.

Nehemia 9:13

Shi U sen sha uwo u Senai, U ôr kwagh a ve Sha, U na ve akaaôron a jirigh a jighilii, man atindiakaa a mimi man akaawan a dedoo kua atindi;

Upasalmi 101:1

Me wa icam me ter erdoo kua ijirôron i mimi kpaa; me wa atsam a wuese We, TERE.

Upasalmi 112:4

Iwanger due kôndo sha ken ime sha ci u mba ve lu a mimi yô, a mrumun u sha mhôôn man mhôônom ma zungwen man perapera kpaa.

Upasalmi 112:9

nan sar, nan na mbaibanave; perapera u nan una lu gbem sha won je; á kende korough ku nan sha, sha icivir.

Upasalmi 37:26

iyange jimin cii nan eren kwagh sha mhôônom ma zungwen, nan pwaren kwagh, tsombor u nan kpaa ua lu a iveren.

Upasalmi 73:28

Kpa mo yô, doom u mgbôghom a Aôndo; m gema Ter AÔNDO hingir mo ijiir yam i yeren ker, sha er me ôr kwagh u aeren a Ou cii yô. Ka ityesen i Asav

Anzaakaa 21:3

U eren perapera kua mimi, hemba doon TER a nagh ku nan.

Orpasenkwagh 12:13

Ngun ka mkur u kwagh, u i vande ungwan la cii: Cia Aôndo, waan atindi Na iko; gadia ngun ka kwagh u ior cii ma ve er je ne.

Yesaia 56:1

TER ngu kaan nahan er: Waan nen ijirôron iko, eren nen perapera; gadia myom Wam mgbôghom u van kua perapera Wam kpaa, sha u á pase un.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 66:2

Gadia akaa angan cii ka uwegh Agh ku er a ye, ka nahan man akaa angan cii a va lu ye, kape TER A kaa la; imbaor i Me ver ishima sha a nan yô, ka u nan hide a iyol i nan ijime man nan lu a jijingi u vaan afanyô, shi nan gbidye ikarikase iyol sha kwaghôron Wam yô.

Yeremia 22:16

A wa iko sha ijir i mbaatsanev kua mbaibanave, nahan tar doo. Kera ka u fan Mo je la gaa? Kape TER A kaa ne.

Yeremia 22:3

TER ngu kaan nahan er: Ôron nen ijir sha mimi man perapera, yiman mba i nzughul a ve sha ikev i ipilaor; de kera eren orvannya shin ancôghol shin kwasecôghol kwagh u bo shin kwagh u iperagh ga, man shi de kera haan awambe a orishôôgh inya hen ijiir ne ga.

Yeremia 9:23

TER ngu kaan nahan er: Orfankwagh a̱ de te ihagh sha kwaghfan u nan ga, orageegh kpaa a̱ de te ihagh sha agee a nan ga, ornyar kpaa a̱ de te ihagh sha inyaregh ki nan ga;

Ukwelegh 3:26

Doo u or nana ver ishima nana kegh myom u TER ving.

Esekiel 16:63

sha u u̱ umbur man u̱ va ahenge, man u̱ kera seer u bughun zwa wou ga, sha ci u kunya wou, zum u M de u akaa a ou a u er cii yô, kape Ter AÔNDO A kaa ne.

Esekiel 33:14

Man shi zum u Me kaa a iferor Mer: Ú kpe keng; aluer nana gema nana undu isholibo i nan, man nana er kwagh u sha tindi man u a lu vough yô—

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Hosea 12:6

Nahan we yô, hire hen Aôndo wou, lu a dooshima man perapera, ver ishima kegh Aôndo wou gbem.

Hosea 6:6

Gadia ka dooshima a sarem ye, ka nagh ga; man mfe u fan Aôndo kpaa hembam doon a iniav mbi nanden.

Levitiku 26:41

nahan Mo kpaa M hendan a ve, M va a ve ken tar u mbaihomov vev; aluer shighe la ishima ve i ve tsenge ga la, ia hide ijime, vea rumun mtsaha u sha ifer ve yô,

Amoshi 5:24

Kpa ijirôron i mimi i̱ kuwa er ka mngerem nahan, man perapera kpaa er ka uwagh u tôndon ga nahan.

Mika 6:9

Imo i TER ngi yilan gar, u cian iti You ka mfe u mimi; wa nen gbidiv iko kua Un u A ver mbu la.

Sefania 2:3

Ker nen TER, ne mbaasemaleghlegh mba sha tar cii, ne mba ne we atindi a Na iko; ker nen perapera, ker nen ishima i legh legh, tsô alaghga á yer ne sha iyange i iyugh i TER la.

Sekaria 7:9

TER u akum a Sha ngu kaan nahan er: Ôr ijir sha mimi, tese erdoo man mhôônom ma zungwen, hanma or a anngô u nan,

Mateu 5:3

Saan mba ve lu mbaibanave ken jijingi la iyol, gadia tartor u Sha ka u ve je.

Mateu 5:7

Saan mba ve zungu mhôônom la iyol, gadia á zungwe ve mhôônom.

Luka 10:42

Kpa kwagh u kwagh a gbe sha mi yô, ngu môm tseegh; Maria yô, tsuwa ci u dedoo u mayange á kera tsuwe un her a na kera ga yô.

Luka 11:42

Kpa kwagh á tser ne! Ne Mbafarishi, gadia ne mba tsough môm-ken-upue u kunguraku man rue man hanma ihuugh, kpa ne kera wa ijir man dooshima u Aôndo iko ga. Er i lu u ma ne eren akaa angan keng yô, shi ma ne de u eren angara kpaa ga.

Luka 12:14

Kpa A kaa a na er: Nomsoor! Ka an nan verem orjir shin or u karen ne kwara?

Luka 6:36

Yô, zungwen nen mhôônom er Ter wen kpaa A zungu mhôônom yô.

Mbaromanu 7:16

Aluer ka kwagh u a sarem ga la je m eren yô, m ngu rumun er tindi a lu kwagh u doon yô.

Mbaromanu 9:20

We or, u ngu di nyi ve u hendan kwagh a Aôndo, kwagh u i er un a er la una fatyô u kaan a u a er un la er: Ka nyi u erem nahan, kpa?

1 Mbakorinte 7:16

Gadia we kwase, u fa nana, alaghga ú va yima nomu shinii? Man we nom kpaa, u fa nana, alaghga ú va yima kwase wou shinii?

Mbaefese 4:32

Kpa lu nen sar sar ayol a en, zungwen nen mhôônom, de nen ayol a en kwaghbo, er Aôndo kpaa A de ne ken Kristu nahan.

Duteronomi 27:10

Yô, ungwa imo i TER, Aôndo wou, er sha atindi a Na man akaawan a Na a m we u nyian ne.

Duteronomi 30:15

Nenge, m ver u uma man mkpeyol, ku man shi kwaghbo sha ishi nyian,

Mbakolose 3:12

Nahan yô, haa nen mhôônom ma kôron tsung iyol, man shi ieren i dedoo man iyol i gengese ga, man ishima i legh legh man ishima i wan er uicuwan mba Aôndo mba ve lu uicighanmbaiorov mba doon ishima nahan.

2 Timoteu 2:16

Ter wase Yesu Kristu iyol Na man Ter wase Aôndo u se doo Un ishima man A ne se msurshima u tsôron man shi ishimaverenkeghen i dedoo sha mrumun u sha mhôôn la,

Yakobu 2:20

We orlanenkwagh ne, sar u ka fan er jighjigh u nan u lun a aeren ga la a lu kpenegh kpa?

Yosua 24:14

Nahan yô, cia nen TER, er nen Un tom sha ishima i môm man sha mimi kpaa; de nen mbaaôndo mba uter enev lu civir ve Ifi yande la kua ken Igipiti la, civir nen TER.

1 Peteru 3:8

Ken masetyô yô, ne cii lu nen ishima i môm, shi lu nen mbazungwen mhôônom; doo nen ayol a en er ka anmgbianev nahan, lu nen mba mhôônom ma ker ve; shi hide nen a ayol a en ijime kpaa.

1 Samuel 12:23

Kpa mo yô, mayange me er TER kwaghbo ga, sha u den u eren msen sha ci wen la; kpa me zer tesen ne gbenda u dedoo kua u mimi gbem.

1 Samuel 15:22

Tsô Samuel kaa er: Iniav mbi nanden kua mbi sôngon, doo TER ishima er iko i wan sha imo i TER nahan kpa? Yô, nenge, iko i wan hemba nagh ku sôngon, man u veren ato kpaa hemba ahôm a anomaiyôngo.