Mika 6:5 - ICIGHAN BIBILO

⁵ Ne ior Av, umbur nen ase kwagh u Balaki tor u Moabi ngise hen la, man kwagh u Balaam wan u Beor gema kaa a na la; shi kwagh u a er hii hen Shitim zan zan ar hen Gilgal la, sha u ne̱ fa aeren a perapera a TER yô.

Mika 6:5 Iomraidhean Croise

Upasalmi 111:4

A er ityom Na i kpilighyol er á umbur i yô; TER ngu a mrumun u sha mhôôn man mhôônom ma zungwen kpaa.

Upasalmi 143:11

Taver uma wam, TERE, sha ci u iti You; sha perapera Wou la, dugh uma wam ken ican sha.

Upasalmi 36:10

Zer eren erdoo Wou a mba ve fe U yô, man perapera Wou kpaa a mba ve lu a asema a jighilii yô.

Upasalmi 71:19

Perapera Wou ar Sha je, Aôndo; We u U er akaa a vesen, Aôndo, ka an nan lu er We?

Yesaia 1:27

Á yima Shion sha ijirôron i mimi, kua mba ve gem ishima ken a na kpaa, á yima ve sha perapera.

Numeri 22:41

Tsô sev mbu aven yô, Balaki mough vea Balaam za a na sha ajiir a taven sha a Baal, pe a fatyô u nengen a kpeafogh u ior la yô.

Numeri 23:27

Balaki kaa a Balaam er: Va, m̱ za a we hen ijiir igen; alaghga á za lu Aôndo pe ú wam ve ifan her.

Numeri 25:1

Zum u Iserael lu hen Shitim la, ior hii u eren idya a ônkasev mba Moabi;

Numeri 25:2

ve ve lôhô ior iniav mbi mbaaôndo vev. Nahan ior ve ya, shi ve gure ve civir mbaaôndo vev kpaa.

Numeri 31:16

Nenge, ka mban lu ve na Mbaiserael ve er TER kwaghbo sha kwaghwan u Balaam, sha kwagh u Peor la, ka nahan man bouange nyôr hen ior mba TER ye.

Numeri 31:8

Ve wua utor mba Midian a mba ve wua la imôngo, ka Evi man Rekem man Sur man Hur kua Reba, utor mba Midian utaan; shi ve wua Balaam wan u Beor la kpaa, sha sanker.

Numeri 33:49

Ve haa hen Yordan hii hen Bete-yeshimoti zan zan ar hen Abel-shitim hen ukpuunkpuun mba Moabi.

Mbaefese 2:11

Nahan yô, umbur nen er ngise ne lu atôatyev ken iyol; mba i yer ve iti sha icôngo i ka i er ken iyol sha ave la yô, ve gema ve yilan ne er mbaipusuv.

Duteronomi 16:3

De kera ye bredi u i we kwa sha mi a na imôngo ga; ayange ataankarahar la cii, yaan bredi u i we kwa sha mi ga yô, a na imôngo, ka bredi u ican je la; gadia iyange u due ken tar u Igipiti fele fe fele; sha er u̱ umbur iyange i u due ken tar u Igipiti la sha ayange a uma wou cii yô.

Duteronomi 23:6

De keren bem shin mkpeyol sha ci ve ga sha ayange a ou cii.

Duteronomi 8:18

Kpa umbur TER, Aôndo wou, ka Un A ne u tahav mbu zuan a inyaregh ye, sha er Una er sha ikuryan Na i A bum a uter ou, er i lu nyian nahan.

Duteronomi 8:2

Man shi umbur gbenda la cii, u TER, Aôndo wou, hemen we anyom akunduahar ken desereti sha u hiren a iyol you ijime, man u karen we, sha u fan kwagh u a lu u ken ishima, shin ú waan atindi Na ikoou, shin ú waan a iko gaou.

Duteronomi 9:7

Yô, umbur, i̱ de hungul we er yan u bam TER, Aôndo wou, ken desereti la ga; hii sha iyange i u due ken tar u Igipiti la je zan zan shighe u ne ve hen ijiir ne, ne lu hendan kwagh a TER je.

Yosua 2:1

Tsô Yosua wan u Nun tindi mbamkerev ior ihiar myer, ve mough hen Shitim, a kaa a ve er: Za za nenge nen tar la kua Yeriko. Tsô ve za nyôr hen ya u idyakwase, iti na er Rahabi, ve tsa her.

Yosua 3:1

Tsô Yosua nder pepe pepe, nahan un man ônov mba Iserael cii, ve mough hen Shitim ve va haa hen Yordan; ve hire ve tsa her man ve per ye.

Yosua 4:19

Ior due shin Yordan sha uwer u hiihii ayange a u pue la, ve za haa afo hen Gilgal sha ikighir i Yeriko, vegher u sha ityoughkitaregh la.

2 Peteru 2:15

Ve undu gbenda u mimi ve tsume, ve za sha gbenda u Balaam wan u Beor u injar i ifer i eren i doo un ishima yum la.

1 Yohane 1:9

Aluer se pase asorabo ase yô, Un ngu jighjigh man u perapera Una de se asorabo man Una wanger se aferakaa kera cii.

Yuda 1:11

Kwagh á tser ve, gadia mba zenden sha gbenda u Kain, imeen i injar i Balaam la i hemba ve, ve tim sha mhendan u Koraki la.

Mpase U Yohane 2:14

Kpa akaa shim a we kpeghee, ka er u lu a mbagenev hen a we mba ve kusu ityesen i Balaam u a tese Balaki er a̱ gbihi kwaghhônon sha ishigh ki ônov mba Iserael la; ka u yan inyamakombo man shi u eren idya je la.

Mbaajiriv 11:25

Nahan u hemba Balaki wan u Shipor, tor u Moabi je kpa? A hendan kwagh a Mbaiserael, shin a nôngo ityav a ve mayange kpa?

Mbaajiriv 5:11

Ca a ayôôso a mbakerenavaan, hen ajiir a kesen mngerem la; keela je, vea kimbir u ôron aeren a perapera a TER, ka aeren a Na a perapera a sha tom Na u tor ken Iserael la; zum la ior i TER sen hen ihinda.

1 Samuel 12:7

Hegen yô, tile nen ase sha u me ôr ne kwagh sha ishigh ki TER sha aeren a perapera a TER cii, a A er ne kua uter enev kpaa yô.