Mika 6:12 - ICIGHAN BIBILO

¹² Gadia mbanyarev mba ve lu keregh la ve mgbough a ipila, man mba ve tem ker kpaa ve er mbaaie, nombor u ken zwa ve iv a icugh.

Mika 6:12 Iomraidhean Croise

Upasalmi 120:2

Yima uma wam sha zwa u aiegh, TERE, man sha nombor u icughugh kpaa.

Upasalmi 35:20

Gadia, mba er kwagh u bem ga; mba henen akaaôron a icughugh sha mba ve tem gil gil sha tar.

Upasalmi 78:36

Kpa ve bume Un sha zwa, ve tsugh Un sha nombor ve.

Yesaia 1:23

Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yesaia 3:8

Gadia Yerusalem nôngo gbev, Yuda kpaa gba; gadia nombor ve kua aeren a ve nga ihom a TER, sha u bamen ashe a Na a icivirigh.

Yesaia 5:7

Gayô, sule u wain u TER u akum a Sha ne, ka ya u Iserael je, ior mba Yuda kpaa ka mende u sha ishima Na je; A ver ishima sha ijirôron i mimi, kpa nenge, gema ka awambe a haan inya, man shi sha perapera, kpa nenge gema ka mliam.

Yeremia 9:8

Nombor ve ka ivaan je, i van a ku, ngu er icugh, or ka nan ôr kwagh u bem sha zwa a or u nan wa ndor a nan, kpa ken ishima i nan yô, nan lu dughun nev.

Hosea 7:1

Zum u M ver ishima u wanger Iserael yô, nahan ifer i Eferaim gema due ken igbar kua aeren a bo a Samaria kpaa, gadia ve eren kwagh sha aie; ormbaiv ngu nyôron, man ikum i mbanumungbenda ngi numun ken won.

Hosea 7:13

Kwagh á tser ve! Ve yevese ve undum! I̱ tim ve kera, gadia ve hendan a Mo; ma M paa ve, nahan kpaa ve wam aie iyol.

Amoshi 2:4

TER ngu kaan nahan er: Sha ci u atindi a peren atar a Yuda, een, sha ci u anyiin je yô, Me kera hide a mtsaha na ijime ga, gadia ve venda atindiakaa a TER, ve wa akaawan a Na iko ga, mbaaie vev na ve mtsum, mba uter vev lu zenden sha mi la;

Amoshi 6:4

Mba ve yaven sha ugambe mba sha anyianor, man ve naregh ayol a ve sha ugambe; mba ve ye agumabua a ken ikumuile man agumabua a ken ityôr;

Sefania 1:9

Man sha iyange la, Me tsaha mba ve tsugh ve aver igburhunda, mba ve ivin ya u ter ve a ipila man icugh la.

Sefania 3:3

Mbatarev mba ker atô na ka ubegha mba tan kume; mbaajiriv nav ka ugbaseela mba aikighe mba ve shin ma kwagh her sha ci u pepe ga yô.

Aerenakaa A Mbaapostoli 24:9

Mbayuda kpaa zua zwa sha ijir yilan la ve lu rumun er, akaa ne kape a lu je la.

Mbaromanu 3:13

Gôngor ve ka uwar u lun ivegher je, ka sha iniombor ve ve lu tsughun ior ye, megh ku iyô i bo ku ve sha ityumbujôôgh.