Mika 5:8 - ICIGHAN BIBILO

⁸ Asande a Yakob a a shi her la, aa lu ken akuraior, ken atô u ior kpishi, er begha a lu ken atô u inyamtoho nahan man er gumbegha ken atô u akum a iyôngo nahan, u zum u ka una nyôr ker yô, a ndyar, a tuse caver caver, man ma oryiman kpaa nan kera lu ga.

Mika 5:8 Iomraidhean Croise

Genese 49:9

Yuda ka gumbegha; u mough hen kwagh u u ker yô, wan wam, u kôndo; a ngurum, a var inya er begha yô, man er ngôbegha nahan; ka an je nana cihi á num unuu?

Upasalmi 104:20

Ka U er ime i wa i hingir tugh, shighe u inyamtoho cii ka i due.

Upasalmi 44:5

Ka sha a We man se gbihi mbaahendanev asev inya ye; man ka sha iti You kpaa se ndyar mba ve mough num a vese ye.

Upasalmi 50:22

Ver nen ishima sha kwagh ne, ne mba Aôndo A hungul ne yô, sha er M̱ de tusen a ven man ma or u yiman nana lu ga ze.

Anzaakaa 30:30

ka begha u a hembe agee ken inyamtoho cii, te ma or gbenda ga;

Yesaia 5:29

kume ve ngu er ngôbegha yô, vea ta kume er agumabegha yô; een, vea kpela iker, vea tsuwe vea kôr inyam, vea kpela i vea yem a mi doo doo kpaa, ma or u yiman i nana lu ga.

Esekiel 39:10

nahan vea kera ker ikon ken toho ga, man shi vea kera gber ikon shin akô kpaa ga, gadia vea keer usu sha ikav mbi tswamev; mba ve ya ve ishar la, ve di kpaa vea ya ve ishar, mba ve kura ve akaa la, ve di kpaa vea kura ve akaa, kape Ter AÔNDO A kaa ne.

Hosea 5:14

Gadia Me hingir Eferaim er begha nahan man ya u Yuda kpaa er gumbegha nahan; Mo, een, Mo je, Me tuse, Me kar kera; Me yem a mi, ma oryiman nana lu ga.

Mika 2:12

Me kohol ne cii kpee je, we ya u Yakob, Me kohol asande a Iserael a a shi her la je, Me zua ve imôngo er iyôngo ken ityôr nahan man er ikumuile ken atô u ijiir ve i yan toho yô; á hura iuu sha mngee u ior.

Mika 4:13

Mough sha, shoghol iyiav, we wankwase u Shion; gadia Me gema korough ough kua hingir iyôgh man apande a ou kpaa aa hingir togula; wea hembe ior kpishi avur avur, wea tsegha mtsera ve sha ci u TER man inyaregh vegh kpaa kia lu sha ci u TER u sha won cii.

Mika 4:7

Mbakeer la, Me de ve vea lu asande a ior her, man mba i yem a ve kera ca la kpaa, vea hingir ikurior i ageegh; man TER Una tema tor sha a ve sha uwo u Shion, hii hegen je zan zan gbem sha won.

Mika 5:3

Nahan yô, Una na ve kera zan zan shighe u un u toghol mar la una mar; nahan asande a anmgbianev Nav a a shi her la aa hide a Mbaiserael imôngo.

Mika 7:18

Ka an nan lu Aôndo er We nahan, u U deen iferkwagh man U deen atindi a peren a asande a dyako Wou a a shi her laa? Ishima i nyoon We gbem ga, sha ci u erdoo doo U.

Sekaria 10:5

Vea hingir er mbaageev mba ve ndyar angahar shin angbiôr a sha akômaigbinda ken utya yô; vea nôngo ityav, gadia TER ngu a ve; mbaanyinyav vea va ahenge.

Sekaria 11:6

Gadia mhôônom maa kera kôrom a mba ve tem ken tar ne ga, kape TER A kaa ne; kpa nenge, Me na ior vea gba hanma or sha ikev i or u wan ndor a nan, man sha ikev i tor u nan, vea vihi tar kera, man Mo kpaa, Me yima môm môm sha ikev ve ga.

Sekaria 12:3

Tsô sha iyange la, Me er Yerusalem una hingir ior cii iwen i yuhwan; mba vea kende i sha cii, vea vihi ayol a ve tsung; akuraior a sha tar cii aa kohol imôngo á ta num sha i.

Sekaria 14:18

Aluer tsombor u Igipiti ua kôndo, ua va ga yô, mba ura u kera nee hen ve ga la, bouange una tser ve, u TER A tsahan akuraior a mi a a kende sha u za eren iniongo i atumbe ga la.

Sekaria 9:15

TER u akum a Sha Una kura ve, vea ya, vea ndyar angahar sha awen a ken mzu; vea ma, vea yôôso er ve ma wain nahan, á iv ve er ka gbande nahan, man er ka azongo a atse a nanden nagh sha mi nahan.

Malaki 4:3

Né ndyar mbaaferev; gadia vea hingir mtwem shin akevangahar a en sha iyange i Me er i yô, kape TER u akum a Sha A kaa ne.

Numeri 24:9

A gure a yav inya er begha nahan, man er ngôbegha nahan; ka an je nana num unu? Hanma or u nan ver u doo doo yô, á ver nan doo doo. Hanma or u nan we u ifan yô, á wa nan di ifan je.

Mateu 10:14

Man aluer ma or nana rumun ne ga, man shi nana ungwa akaaôron a en kpaa ga yô, shighe u nea duen hen ya la shin hen gar la yô, kure nen ihundu i shin angahar a en.

Aerenakaa A Mbaapostoli 18:6

Tsô er ve lu nyiman ngegh, man tuhwan a tuhwa kpaa yô, a nduur akondo na, a kaa a ve er: Awambe a en a̱ hide sha ityough yenegh; mo yô, m ngu a ishô sha kwagh ne; masen yam yemen ken atôatyev je ne.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Mbaheberu 2:3

nahan se sé war nana aluer sé kera wa myom u vesen ne iko ga yôô? Ka Ter A hii u pasen un ye, mba ve ungwa un la kpaa, ve va taver un hen vese.