Mika 5:13 - ICIGHAN BIBILO

¹³ Me tim ieev you mbi gban man mtôm ma awenem ou ken atô wou kera, ú kera gure tomaveegh wou inya ga.

Mika 5:13 Iomraidhean Croise

Yesaia 2:18

Akombo kpaa á kar a mi kera purututu.

Yesaia 2:8

Tar ve mgbough a akombo kpaa; mba gur mba civir tom u ave a ve, kwagh u ahôaveegh a ve, a er la.

Yesaia 27:9

Ka sha kwagh ne je man á kough ifer i Yakob kera ye, mkarkera u kwaghbo na la, ka atam a na ne: Una gema awen a atse a nanden nagh sha mi cii, aa hingir er awen a akpena a i hembe a avur avur yô, Asherim kua atse a nanden kwaghhumandoon sha mi vea kera tile sha je ga.

Esekiel 16:41

Vea nande ayou a ou sha usu, vea ôr u ijir, vea tsaha u sha ishigh ki kasev kpishi; nahan Me na ú de idya, man shi ú kera kimbi inyaregh ki idyakwase kpaa ga.

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Esekiel 37:23

man shi vea kera hôngor ayol a ve sha akombo a ve ga, shin sha akaa a ndôhôrshima a ve kpaa ga, shin sha ma atindi a ve a peren kpaa ga; kpa Me yima ve sha mbamhirjime vev cii mba ve er isholibo sha mi la, man Me wanger ve, nahan vea hingir ior Av, Mo kpaa Me lu Aôndo ve.

Esekiel 6:9

Ve mba ve wer ken a ven la, vea umbur Mo ken akuraior henpe á yem a ve uikangen la, zum u Me vihi ishima ve i idya i i pav a Mo la kera, kua ashe a ve kpaa, a a za idya sha akombo a ve la, nahan ishima ia ndôhôr ve a ayol a ve sha ci u aferakaa a ve er sha akaa ve a ndôhôrshima la cii.

Hosea 10:2

Asema nga ve ahar, hegen yô, vea ya ibo; Una hembe atse a ve a nanden nagh sha mi, Una vihi mtôm vem ma awenem kera.

Hosea 14:3

Ashiria una yima se ga; sé henda anyinya ga; man sé kera yila tom wase u aveegh ser: Aôndo wase, ga; gadia ka her a We ancôgholov ve zough a mhôônom ma zungwen ye.

Hosea 14:8

Eferaim: Ka nyi i shi i gbem a akombo? Ka Mo M ongo un shi M nengen sha a na kpaa; M ngu er kon u fer u lun shough shough nahan; ka her a Mo atam a ou a dugh ye.

Nahum 1:14

TER wa tindi sha kwagh wou er iti you ia kera seer u zan hemen sha won ga; ken iyou i mbaaôndo ou la Me tim ieev mbi gban man mbi haan la kera; Me tim uwar wou, gadia u kera gba kwagh ga.

Sefania 1:4

Me naregh uwegh Agh sha Yuda, man sha mba ve tem ken Yerusalem cii; man Me tim asande a Baal a a shi her la, hen ijiir ne kera, man iti i mba ve civir akombo la, a upristi imôngo,

Sekaria 13:2

Tsô sha iyange la, kape TER u akum a Sha A kaa ne, er: Me ese ati a ieev mbi hen tar ne kera, á kera umbur mbi sha won ga; shi Me kar a uprofeti mba aiev man jijingi u hôngorough ken tar ne kera.

Mpase U Yohane 9:20

Ior mba ve shi her mba i wua ve sha atsan la ga yô, ve kera gema ishima ve undu aeren a sha ave ve la ga, ve de u civir ujijingi mba Satan kpaa ga, shin u civir ieev kpaa ga, mbi sha zenaria man azurfa man dela man iwen man kon, ka mbi mbi fetyô u nengen ga, shin u ungwan ga, shin u zenden kpaa ga yô.

Mbaajiriv 18:17

Tsô ve ior mbautaan mbala, mba ve za sha u za nengen tar mker la, ve kôndo ve nyôr hen ijiir la, ve tôô eev mbu gban a gba man efodi man terafim kua eev mbu keren a ker la; pristi gema tile sha hunda, a ior mba deri ataratar mba ve kange ikav mbi utyav iyol la.