Mika 5:1 - ICIGHAN BIBILO

¹ Hegen yô, kohol akum akum, we wankwase u akumautya; i kase se sha utya; vea gbidye ortaregh u Iserael gbough sha henge.

Mika 5:1 Iomraidhean Croise

Genese 35:19

Rahel maa kpe, i ii un hen gbenda u zan Eferata, ka Betelehem je la.

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

1 Utor 22:24

Tsô Sedekia wan u Kenaana kporom, ta Mikaia sambe sha henge, kaa er: Ka sha hanma gbenda man jijingi u TER A dugh her a mo kera, A za er kwagh a wee?

2 Utor 24:2

Tsô TER tindi akumautya a Mbakaldi man akum a Mbashiria man akum a Mbamoabi man akum a Mbaamon hen a na. A tindi a er a̱ za nôngo ityav a Yuda a̱ tim un sha imo i TER i mbayev Nav uprofeti ôr i sha zwa Na yô.

Yobu 16:10

Ve aver zwa ve sha a mo; ve; tam sambe sha henge sha ilyahan; ve kohol sha a mo a ishima i môm.

Anzaakaa 8:23

I verem m lu sha uichôronmbaashighev mba ngise la, ka sha mhii u akaa er i lu a gba tar ga la je.

Yesaia 10:6

Me tindi un er a̱ za ta num sha ikurior i eren dang yum la, man sha ior mba M yugh a ve; Me kaa un Mer, a̱ ya ishar, a̱ sar akaa, a̱ ndyar ve er angbiôr a sha igbenda nahan.

Yesaia 33:22

Gadia TER ka Orjir wase, TER ka Orwan se atindi, TER ka Tor wase; ka Un je Una yima se ye.

Yesaia 8:9

Ger nen ayôôso ne ior, i̱ kondo ne iyol; ver nen ato, ne mba ken ityar i icaa cii, ta nen akondo uya, i̱ kondo ne iyol, ta nen ikondo uya, i̱ kondo ne iyol.

Yesaia 9:5

Gadia hanma ikôvough ki nguhar ki orutya ki ki lu karen a m-ov, man ikondo i haan iyol, i i gem i i shigh i awambe la yô, á nande kera, á hingir kwagh u keer usu a mi.

Yeremia 25:9

nenge, Me tindi i̱ za kura icombor i ken imbusutarimese cii, kape TER A kaa ne, kua Nebukadinesar, tor u Babilon, wanakiriki Wam, Me va a ve, vea ta num sha tar ne, kua mba ve tem sha u kpaa, man sha akuraior a a kase ve ne cii; Me tim ve purututu, Me gema ve vea hingir kwagh u cieryol man kwagh u gbiren iwer a min man atse a aa lu gbem sha won.

Yeremia 4:7

Begha due ken ikô na, man ortimin u akuraior, mough, a due hen ijiir na, sha u una gema tar wou u̱ hingir toho dang yô; á tim agar a ou kera, or á kera tema ker ga.

Ukwelegh 3:30

Nana̱ gema uasegh hen or u gbidyen nan; nana̱ ide sha aheen.

Esekiel 21:32

Ú hingir kwagh u keer usu a mi; awambe a ou aa lu ken atô u tar, á kera umbur we sha won ga; gadia ka Mo TER M kaa nahan ye.

Esekiel 24:2

wan u or, nger iti i iyange ne, iyange i nyian ne je; tor u Babilon ta sha Yerusalem, sha iyange i nyian ne je.

Daniel 9:25

Nahan yô, fa man kav kpaa, hii sha mdugh u tindi sha u sôron man u maan Yerusalem zan zan ar hen u i shigh Un mkurem, ka Tor je la, á lu ulahadi utaankaruhar; man ulahadi akunduatar kar uhar, á maa un a ityembe man ukpekpe, kpa a lu sha shighe u ican je.

Yoel 3:9

Yôô nen kwagh ne hen akuraior: Kohol nen iyol i utya; nder nen anomaior, ve̱ mough sha; mbautyav cii ve̱ kporom, ve̱ va.

Amoshi 2:3

Me gber orjir ken atô na kera, Me wua mbatarev nav a na imôngo cii, kape TER A kaa la.

Habaku 1:6

Gadia nenge, Me mough a Mbakaldi, ikurior i nyoon ishima tsung, man i tsogh tso tsogh, i i zende sha igbanger i tar, sha u ngohol ajiir a teman a a lu a i ga yô.

Habaku 3:16

M ungwa, nahan ikav yav mbi ken atô zômon; sha ci u imo la, ityumbuzwaagh yam kunde; mhee nyôr ken akuhe am je, ikarikase gbidyem iyol hen pe m til la; nahan kpaa me lu ving me kegh iyange i ican sha u i̱ va sha ior mba ve nenge ityav a vese a akumautya la.

Mateu 26:67

Tsô ve ta Un azer sha ishi, shi ve ta Un azu kpaa; mbagenev ta Un sambe.

Mateu 27:30

Ve ta Un azer, ve ngohol aga la, ve gbidye Un sha ityou.

Mateu 5:39

kpa Mo yô, M kaan ne Mer: De hendan nen a or u ifer ga; kpa hanma or u nana ta u sambe sha hengegh ku yanegh yô, gema nan kugenegh kpaa.

YOHANE 18:22

Kaan akaa ne nahan yô, dugwer ugen u a tile her la, ta Yesu sambe, kaa er: Kape U er kwagh a zegepristi nee?

YOHANE 19:3

ve va her a Na, ve kaa er: Se sugh U, Tor u Mbayuda. Shi ve gba tan Un ishambe.

Aerenakaa A Mbaapostoli 23:2

Anania, zegepristi, kaa er, mba ve til a na ikua la, ve̱ ta un sambe sha zwa.

2 Mbakorinte 11:20

Gayô ne mba wan ishima aluer or nana kôr ne ne lu ikpan, shin aluer or nana ya ne akaa, shin aluer or nana bume ne, shin aluer or nana gengese iyol, shin aluer or nana gbidye ne sha ishi yô.

Duteronomi 28:49

TER Una va a ikurior igen ken ica, ia kôr u ihom, ia due ken ikighir i tar, er iguve ka i purugh nahan; ikurior i ú ungwa zwa u i ga je;

Duteronomi 33:27

Aôndo u tsôron ka ijiir you i teman, vegher u shin yô, ave a tsôron nga. A zenda orihom sha ishigh you kera, A kaa er: Tim.

Mbaajiriv 17:7

Yô, wanyekwaor ugen lu ken Betelehem u ken Yuda ken tsombor u Yuda, un lu Orlevi, gema lu shir heregh.