Mika 4:4 - ICIGHAN BIBILO

⁴ Kpa hanmô ve nana tema shin itine i kon u wain u nan, man shin itine i kon u tur u nan, ma or nana kera ta ve mciem iyol ga; gadia ka zwa u TER u akum a Sha je, u kaa nahan ye.

Mika 4:4 Iomraidhean Croise

1 Utor 4:25

Nahan Yuda man Iserael ve tema doo doo, hanma or hen itine i wain i nan, man hen itine i tur i nan, hii hen Dan zan zan za ar hen Bersheba, sha ayange a Solomon la cii.

1 Utor 5:5

Man nenge, m ver ishima u maan iyou sha ci u iti i TER, Aôndo wam, er TER lu ôr kwagh la a terem Davidi yô, A kaa er: Ka wan wou u Me ver un sha ikônough you ki torough sha ityough you la, ka un je una maa iyou sha ci u iti Yam ye.

Yobu 11:19

Wea yav inya kpaa, ma or nana ta u mciem iyol ga; een, ior kpishi vea ker iwasen her a we.

Upasalmi 72:3

Iwo i̱ va ior a bem, kua agungu kpaa, sha perapera.

Anzaakaa 3:25

De cie kwagh u cieryol u á va bur a bur la ga, kua mtim u mbaaferev shighe u una va yô,

Yesaia 1:20

kpa aluer nea venda, nea hendan kpaa yô, á wua ne sha sanker; gadia kape zwa u TER u kaa la.

Yesaia 17:2

I undu agar a Aroer, hingir ice, aa hingir ajiir a akumauile yaven inya memen her, ma or kpaa nana num a ga.

Yesaia 22:25

Sha iyange la, kape TER u akum a Sha A kaa la, kusa u i mande un hen ijiir i tiaver la una tsuwa, á gber un kera, una gba, ikav mbi i har sha mi cii á saa ishe; gadia TER kaa nahan.

Yesaia 26:16

TERE, ken ican yô, ve ker U, shighe u mtsaha Wou lu sha a ve la, ve gba eren msen.

Yesaia 32:17

Tom u perapera ua lu bem je; man atam a perapera ka mtem u bem bem man jighjigh u nan gbem sha won.

Yesaia 36:16

De ongo nen kwaghôron u Hesekia ga, gadia tor u Ashiria ngu kaan nahan er: Lu nen bem a mo, due, va nen her a mo, hanmô wen nana ya atam a kon u wain u nan, man hanmô wen kpaa nana ya tur u nan, hanmô wen nana ma mngerem ma shin ijôr i nan kpaa;

Yesaia 40:5

iengem i TER ia ande ken igbar, uumace cii vea nenge a i imôngo, gadia ka zwa u TER u kaa nahan ye.

Yesaia 54:14

Ka sha perapera ú tile taveraa ye; fa er u gbe ica a mkighir u sha ican yô, gadia gba u ú cia ga; man u gbe ica a kwagh u tan mciem iyol kpaa, gadia una sosom a we ga.

Yesaia 58:14

nahan ú ember ken TER kpishi, Mo kpaa Me na er ú unde sha ajiir a taven sha, a shin tar, Me koso u sha dyako u teru Yakob kpaa; gadia kape zwa u TER je u kaa ne.

Yeremia 23:4

Me shi Me ver mbakuranilev sha i, mba vea sôôso i yô; ia kera cia kwagh ga, shin kwagh á cier i iyol kpaa ga, hanmôgh kia kera ban ken i ga, kape TER A kaa ne.

Yeremia 30:10

Nahan yô, de cie ga, we Yakob wanakiriki Wam, kape TER A kaa ne, man ishima i̱ de nyian we ga, we Iserael; gadia, nenge, Me yima u ken ica je man vor wou kpaa ken tar u u lu uikangen ker la; Yakob una hide, ishima ia yôhôl un, una mem kpaa; ma or nana kera ta un mciem iyol ga.

Esekiel 34:25

Me ya ikur i bem a ve, Me er inyamtoho i vihin kwagh ia due hen tar la kera, man vea tema bem bem ken taaikôngo, man vea yav shin ikô kpaa.

Esekiel 34:28

Vea kera lu ishar i akuraior ga, man inyamtoho kpaa ia kera ya ve ga, kpa vea tema bem bem, ma or nana kera ta ve mciem iyol ga.

Esekiel 38:11

ú kaa wer: Me kôndo hen tar u agar a u, a lu a ugir ga la, me za ta sha mba ve tem bem bem a mkpeyol la, ve cii ve tema mba a ugir ga, shi mba a uishindan man ihinda kpaa ga,

Esekiel 39:26

Vea hungul kunya ve, man mimiga u ve er a Mo sha mimi ga la, zum u vea tema bem bem ken tar ve, ma or nana ta ve mciem iyol ga la.

Levitiku 26:6

Me na bem ken tar la, né yav je, ma or u tan ne mciem iyol nana lu ga; Me er inyamikume ia bee ken tar wen, sanker kpaa una kar hen atô u tar wen ga.

Mika 5:3

Nahan yô, Una na ve kera zan zan shighe u un u toghol mar la una mar; nahan asande a anmgbianev Nav a a shi her la aa hide a Mbaiserael imôngo.

Sefania 3:13

Asande a Iserael a a shi her aa kera er ifer ga, man shi aa kera er aie kpaa ga; á kera zua a ma nombor u icughugh ken zwa ve kpaa ga; gadia vea ya kwagh, vea yav inya, ma or u tan ve mciem nana kera lu ga.

Sekaria 3:10

Sha iyange la, kape TER u akum a Sha A kaa ne, hanmô wen nana lôhô or u wan ndor a nan sha u nana̱ va hen nan shin itinekon i wain i nan man shin itine i tur i nan kpaa.