Mika 4:3 - ICIGHAN BIBILO

³ Una ôr ijir hen atô u ior kpishi, Una kure ijir i akuraior a taver a ken ica, aa gema usanker mba a, aa var indyuhar a mi, man awange a ve kpaa aa hingir ahô a sôron ikon a min; ma ikurior ia kera tsuwa sanker a ikur igen ga, man shi aa kera hen ityav kpaa ga.

Mika 4:3 Iomraidhean Croise

Upasalmi 46:10

De nen kera, fa nen, ka Mo M lu Aôndo ye; i kendem sha hen akuraior, i kendem sha shin tar kpaa.

Upasalmi 46:9

A er ityav mbi bee zan zan ar hen ikighir i tar je, A sombo ada, A kever iwange, A nande akekeautya sha usu.

Upasalmi 72:3

Iwo i̱ va ior a bem, kua agungu kpaa, sha perapera.

Upasalmi 72:7

Sha ayange na yô, i̱ kpe orperapera iyol, man bem a̱ ngee zan zan uwer ua kera lu ga.

Upasalmi 82:8

Aôndo, mough sha, ôr tar ijir; akuraior cii, nga sha ikev You. Ka icam. Ka Pasalmi u Asav

Upasalmi 96:13

sha ishigh ki TER, gadia ngu van, ngu van sha u ôron tar ijir; Una ôr tar ijir sha perapera, man akuraior kpaa sha mimi Na.

Upasalmi 98:9

sha ishigh ki TER, gadia ngu van u va ôron tar ijir; Una ôr tar ijir sha perapera, man akuraior kpaa sha mimi.

Yesaia 2:4

Una ôr ijir her atô u akuraior, Una kure kwagh u ior kpishi; nahan vea gema usanker vev, vea var indyuhar a mi, awange a ve kpaa aa hingir ahô a sôron ikon a mi; ikurior igen ia kera tsuwa sanker a ikurior igen ga, vea kera hen ityav mbi nôngon kpaa ga.

Yesaia 25:3

Ka nahan ikurior i taver agee ia civir We, gar u akuraior a cier iyol kpaa una cia U ye.

Yesaia 51:5

Mhembe Wam mgbôghom, myom Wam due ken igbar, ave Am aa ôr akuraior ijir; ityar i hen kpe u zegemnger ia keghem, ia suur sha uwegh Agh.

Yesaia 60:12

Gadia ikurior vea tartor u ua er u tom ga yô, vea saa ishe, akuraior ngara á tim a purututu.

Yesaia 65:25

Gbaseela man waniyôngo vea ya toho imôngo, begha una ya toho er bua nahan, vuulevu ua lu kwaghyan u iyô. Vea kera er kwagh u vihin ga, shin vea tim kwagh sha icighanwo Wam cii mayange kpaa ga, kape TER A kaa la.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Hosea 2:18

Sha iyange la Me ya ikur sha ci ve a inyamtoho man inyon i sha man akaa a kpelan iyav inya; man Me kever ada man sanker, Me bee ityav sha tar, man Me na vea tema bem bem.

Hosea 2:20

Me kange zwa a we sha mimi, nahan ú fa TER.

Yoel 3:2

Me kohol akuraior cii, Me sen a a shin pev u Yehoshafati, Me ôr a ijir shimi, sha kwagh u ior Av man sha kwagh u dyako Wam, Iserael, u ve sambe a mi ken akuraior, man ve gema ve kar kwar sha tar Wam la.

Mika 5:15

Me or iyev sha iyugh man ishima i vihin sha akuraior a a ongo kwagh ga yô.

Sekaria 14:3

Zum la TER Una due, Una nôngo ityav a akuraior la, er ka A nôngo sha iyange i utya nahan.

Sekaria 8:20

TER u akum a Sha ngu kaan nahan er: Akuraior shi aa va kua ior mba teman ken agar kpishi,

Sekaria 9:10

Me tim akekeautya hen Eferaim kera, man anyinya a utya kpaa ken Yerusalem, man á kar a adautya kera kpaa; Una yôô bem hen akuraior cii, Una tema tor á hii hen zegemnger á za ar hen zegemnger man á hii hen Ifi la zan zan á za ar sha akighir a tar.

Aerenakaa A Mbaapostoli 17:31

gadia A ver iyange i Una ôr tar cii ijir sha mimi, sha Or u A ver nan yô; sha kwagh ne yô, A na ior cii ikav i mimi sha mnder u A nder Un shin mbakpenev la.

Mpase U Yohane 19:11

Tsô m nenge Sha lu ivegher, nenge, nyinya u pupuu lu. Un u A tema sha mi la i yilan Un er Jighjigh man Mimi. Un er ijir sha perapera, shi nenge ityav kpaa.

1 Samuel 2:10

Mba ve hendan a TER yô, á her ve, Una dura Sha, sha a ve; TER Una ôr akighir a tar ijir, Una na tor Na agee kpaa, Una kende a korough ku or Na u i shigh un mkurem la, sha.