Mika 4:2 - ICIGHAN BIBILO

² akuraior kpishi aa za aa kaa er: Va nen, sé za nen sha uwo u TER, hen ya u Aôndo u Yakob, sha u Una tese se igbenda Na man sha u sea zenden sha igbenda Na kpaa; gadia ka ken Shion tindi una due ye, kua kwaghôron u TER kpaa, ken Yerusalem.

Mika 4:2 Iomraidhean Croise

Upasalmi 110:2

TER Una naregh tôgh ku ageegh Ough ken Shion, Una kaa er: Tema tor hen atô u mbaihomov Ou!

Upasalmi 119:1

Mba i saan ve iyol yô, ka mba gbenda ve u lu vough, ve zenden sha tindi u TER la.

Upasalmi 119:171

Zwa wam ua wuese nduuluu, gadia U tesen mo akaawan a Ou.

Upasalmi 122:1

M ember zum u i kaa a mo er: Sé za nen hen iyou i TER yô.

Upasalmi 25:12

Ka anti nan cie TERE? Una tese nan gbenda u nana̱ tsuwa yô.

Yesaia 2:3

Ior kpishi vea za, vea kaa er: Va sé kôndo nen sha uwo u TER, sha iyou i Aôndo u Yakob, A̱ tese se igbenda Na, se kpaa sé zende sha igbenda Na; gadia ka ken Shion man tindi una due ye, kua kwaghôron u TER kpaa ken Yerusalem.

Yesaia 54:13

Ônov ou ci ca kpaa vea lu mba TER A tese ve yô; mkpeyol u ônov ou kpaa una vese je.

Yesaia 56:7

Me va a ve hen icighanwo wam je, Me na, á saan ve iyol ken iyou Yam i msen, iniav vev mbi nanden man iniav vev mbi sôngon kpaa á rumun mbi sha atse Am a nanden nagh sha mi; gadia á yila iyou Yam er iyou i msen sha ci u akuraior cii.

Yeremia 31:6

Gadia iyange ia va, i mbakuran mba sha iwo i Eferaim vea genger imo vea kaa er: Mough nen, sé kôndo nen sha Shion hen TER, Aôndo wase.

Yeremia 42:3

sha er TER, Aôndo wou, A̱ tese se gbenda u se̱ za sha mi, man kwagh u se̱ er yô.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Sekaria 14:16

Tsô hanma or u nan shi ken akuraior a a ve ityav sha Yerusalem la, nana kôndon anyom anyom sha u za civir Tor, TER u akum a Sha, man sha u eren iniongo i atumbe kpaa.

Sekaria 2:11

Akuraior kpishi aa va zua a TER sha iyange la, aa hingir ior Av, Mo kpaa Me tema ken atô wou; tsô ú fa er i lu TER u akum a Sha A tindim her a we yô.

Sekaria 9:10

Me tim akekeautya hen Eferaim kera, man anyinya a utya kpaa ken Yerusalem, man á kar a adautya kera kpaa; Una yôô bem hen akuraior cii, Una tema tor á hii hen zegemnger á za ar hen zegemnger man á hii hen Ifi la zan zan á za ar sha akighir a tar.

Marku 16:20

Ve kpaa ve yem, ve gba za ôron kwaghaôndo sha won cii; Ter kpaa lu eren tom a ve imôngo, lu taver kwaghôron ve sha uivande mba ve ze a ve ityô la.

Luka 24:47

man shi ka ken iti Na man á ôr kwagh u mgemshima man mde u asorabo ken akuraior cii á hii ken Yerusalem je.

YOHANE 6:45

Ken uprofeti i nger er: Ve cii Aôndo Una tese ve. Hanma or u nan ongo kwagh shi nan hen kwagh hen Ter kpaa yô, nana va her a Mo.

YOHANE 7:17

Aluer i sar hanma or pe eren ishima Na yô, nana fa kwagh u ityesen ne, shin ka her Aôndo i dugh, shin ka kwagh Wam tsô M erou?

Aerenakaa A Mbaapostoli 1:8

Kpa né va ngohol agee shighe u Icighan Jijingi Una va sha a ven yô, man né lu mbapasen kwagh Wam ken Yerusalem man ken Yudia cii kua Samaria kpaa, zan zan á ar ken ikighir i tar je.

Aerenakaa A Mbaapostoli 13:42

Mba ngur duen yô, ve zamber a ve er: i̱ shi i̱ ôr ve akaa ne sha iyange i memen i i lu van la kpaa.

Mbaromanu 15:19

man sha agee a uivande man akaa a kpilighyol man sha agee a Icighan Jijingi kpaa. Nahan hii ken Yerusalem ningir zan zan ar ken Ilirikum m ôr Loho u Dedoo u Kristu m tser.

Duteronomi 6:1

Ka tindi man akaawan kua akaaôron a jirigh a TER, Aôndo wen, A kaa, er i̱ tese ne a, sha er né za eren sha a ken tar u né per, né za ngohol u la yô;