Mika 4:13 - ICIGHAN BIBILO

¹³ Mough sha, shoghol iyiav, we wankwase u Shion; gadia Me gema korough ough kua hingir iyôgh man apande a ou kpaa aa hingir togula; wea hembe ior kpishi avur avur, wea tsegha mtsera ve sha ci u TER man inyaregh vegh kpaa kia lu sha ci u TER u sha won cii.

Mika 4:13 Iomraidhean Croise

Upasalmi 24:1

Tar ka u TER je, man m-iv u u, tar u sha won cii a mba ve lu ken u kpaa.

Upasalmi 68:29

Utor vea va na U iwua, sha ci u tempel Wou u a lu ken Yerusalem la.

Upasalmi 72:10

Utor mba Tarshishi man mba ken ityar i shin kpe zegemnger ve̱ va un a iwua; utor mba Sekeba man Seba kpaa ve̱ va a uiwua.

Yesaia 18:7

Hen shighe la je, á za va TER u akum a Sha a iwua ken ikurior i taven i kôngor iyol, ken ior i i cier ior iyol, mba ikua ikua man mba ken ica kpaa, ikurior i taver agee man i ndyaren ior, i uifi pav tar ve la, á va a mi hen ijiir i iti i TER u akum a Sha, ka hen uwo u Shion je la.

Yesaia 21:10

Ior av ne mba i ndyar ne shin angahar, i gbidye ne er uwua nahan, kwagh u m ongo hen TER u akum a Sha, Aôndo u Iserael la, ka un m pase ne ye.

Yesaia 23:18

mtsera u sha kasua na kua injar na la, á lu TER icighankwagh; á ombo ki ga, á koso ki kpaa ga; gadia mtsera u kasua na una lu sha ci u mba ve tem sha ishigh ki TER yô, sha u ve̱ ya, i̱ kuma ve, man sha ci u akondo a doon ashe.

Yesaia 5:28

avaan a ve ka a horon, mbaada vev cii kpaa i henda ve; apande a anyinya ve kpaa aa lu er iwen i gberusu nahan, akaver a ve kpaa nga er ahumbe a hiar yô;

Yeremia 51:20

We, u ngum msabe man ikav Yav mbi utyav; ka sha a we man M hemben akuraior avur avur ye; ka sha a we man M timin ityartor kera ye;

Yeremia 51:33

Gadia TER u akum a Sha, Aôndo u Iserael ngu kaan nahan er: Wankwase u Babilon ngu er ka ijiir i gbiren iyiav sha shighe u i kindigh i la nahan; ica ia gba ga tsô shighe u á sunda un una kuma.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Hosea 10:11

Eferaim ka tulebua u i tese un, doo un u shoghol iyiav; M tange mon na u doon ashe la. Me zer Eferaim ikyekye; Yuda una kpela ikyekye i kahan sule, Yakob una kpela ikyekye i hemben alôgh.

Mika 5:7

Asande a Yakob a a shi her la, aa lu ken atô u akuraior kpishi er avure a a dugh hen TER nahan, man er aber a ura sha toho nahan, a a keghen or ga, shin á ngôôr her sha ci u ônov mba iorov kpaa ga yô.

Habaku 3:12

U zende U kar hen tar sha kume, sha ishima i vihin You, U shoghol akuraior angahar sha ishima i nyoon.

Sekaria 12:3

Tsô sha iyange la, Me er Yerusalem una hingir ior cii iwen i yuhwan; mba vea kende i sha cii, vea vihi ayol a ve tsung; akuraior a sha tar cii aa kohol imôngo á ta num sha i.

Sekaria 12:6

Sha iyange la Me er mbahemenev mba Yuda vea hingir er gbande u lun a usu ken atô u ikon, man er ikaghusu ken atô u aile a uyia nahan; vea nande akuraior a a kase ve la cii ken iyan kua ken imese kpaa; Yerusalem una lu her hen ijiir na, ka hen Yerusalem je la.

Sekaria 4:14

Nahan a kaa er: Mban ka mba uhar mba i shigh ve mkurem, mba ve til sha ishigh ki Ter u taregh cii yô.

Sekaria 6:5

Nahan ortyom la gema kaa a mo er: Angan ka ahumbe a anyiin a Sha a a dugh er a vande tilen sha ishigh ki Ter u taregh cii yô.

1 Mbakorinte 16:2

Hanma lahadi, sha iyange i lahadi la je, hanmô wen nana̱ ver kwagh sha agee a nan, nana̱ koson un her sha er zum u me va la, i̱ de gbe kohol kwagh ken shighe la ga yô.

Duteronomi 33:25

Uishindan ou ve̱ lu iyôv man togula je; er ayange a ou a lu nahan, kape agee ou kpaa a̱ lu la.

Yosua 6:19

Kpa azurfa man zenaria kua ikav mbi togula man mbi iyôôv cii, ka uicighanmbaakaav mba TER, á wa mbi sha inyaregh ki TER.