Mika 4:11 - ICIGHAN BIBILO

¹¹ Hegen yô, akuraior kpishi kohol num sha a we, mba kaan er: I̱ hôngor a na, ashe ase a̱ kenger Shion.

Mika 4:11 Iomraidhean Croise

Upasalmi 129:5

Kunya u̱ kôr ve, ve̱ gema ijime, ve mba ve ker Shion ihom la cii!

Upasalmi 83:5

Gadia ve hen imôngo a ishima i môm, ve zua zwa sha u hendan a We:

Yesaia 10:7

Kpa un yô, a wa ishima nahan ga, a hen ken ishima na nahan kpaa ga, kpa ishima na ka u timin man u gberen akuraior kera kpeghee ga.

Yesaia 17:12

Uwu! Ayôôso a ior kpishi, ve yôôso er ayôôso a zegemnger nahan; man ihuran i akuraior nga huran er ka ihuran i mngerem ma kpishim yô!

Yesaia 29:7

Akuraior ikpila a a nenge ityav a Ariel la cii, mba ve kôndo sha a na kua sha gilgar na, mba ve tsule un, mba ve eren un ican la, vea hingir er ka mnyam ma cien yô, kwagh u i nenge a mi tugh nahan.

Yeremia 52:4

Tsô, sha inyom i sha utaankarunyiin i a ya tor la, uwer u sha pue, ayange a u di kpaa pue la, Nebukadinesar tor u Babilon za va, a mbautyav nav cii, er una nôngo ityav a Yerusalem; ve haa afo, shi ve maa ayou a taver, ve kase un.

Esekiel 26:3

nahan yô, Ter AÔNDO ngu kaan nahan er: Nenge, M ngu iyongo a we, we Tiru, Me na akuraior kpishi aa mough ityav a we, er zegemnger ngu a na agôndo na a moughon nahan.

Esekiel 38:17

Ter AÔNDO ngu kaan nahan er: Ka we M ter u tsuaa sha zwa u mbayev Av uprofeti mba Iserael, mba ve lu ôron kwaghôron u profeti anyom kpishi, sha kwagh u ayange shon la, er Mea va a we sha u va nôngon ityav a ve gaa?

Obadia 1:12

De kenger anngôu a iember sha iyange i ican na ga; man de ember nen sha iyange i mtim u ônov mba Yuda ga; man shi de er kwagh sha imanger sha iyange i kwagh a tser ve la ga.

Mika 7:10

Tsô orihom wam una nenge, kunya ua kôr un; un u a kaa a mo er: TER, Aôndo wou, ngu hana? la. Ashe am aa kenger un; hegen á ndyar un er angbiôr a sha igbenda yô.

Sekaria 12:3

Tsô sha iyange la, Me er Yerusalem una hingir ior cii iwen i yuhwan; mba vea kende i sha cii, vea vihi ayol a ve tsung; akuraior a sha tar cii aa kohol imôngo á ta num sha i.