Mika 3:8 - ICIGHAN BIBILO

⁸ Kpa Mo yô, m iv a agee, sha Jijingi u TER kua mimi man tahav kpaa, sha u pasen Yakob atindi a peren a na man Iserael kpaa isholibo na ye.

Mika 3:8 Iomraidhean Croise

Yobu 32:18

Gadia m mgbough a akaaôron; jijingi u a lu ken a mo ngu tolough a mo.

Yesaia 58:1

Genger imo, de deen ga, kende imo you sha er ka ikpamkor nahan, pase ior Av kwaghbo ve, kua ya u Yakob asorabo a ve.

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Yesaia 61:2

Shi M̱ yôô inyom i erdoo u TER, man iyange i iyevoron i Aôndo wase; man mba ve zungu cii, M̱ sur ve asema.

Yeremia 1:18

Gadia, nenge, Mo je, M gema u nyian, u hingir garutya man ityôgh ki iyôgh man ugilgar mba togula, sha tar ne cii, man sha utor mba Yuda, man atiator a na, man upristi nav, kua ior mba ken inya la.

Yeremia 20:9

Ka mea kaa mer: Me kera ter Un ga, me kera ôr kwagh ken iti Na kpaa ga, nahan i hingir mo ken ishima er usu u hian, u i cir u ken akuhe am yô, m wa ishima je, m vôr, hembam kera.

Yeremia 6:11

Nahan yô, M mgbough a iyugh i TER; M wa ishima je M vôr. Haa i sha mbayev mba sha gbenda u ken gar, kua sha mkohol u mbayevikaior cii; gadia nom vea kwase u nan kpaa á kôr ve, orvesen a or u ayange a nan a iv la kpaa.

Ukwelegh 2:14

Uprofeti ou nenge a mbampase mba sha mnenge sha ci wou mba aiev man mba gbilinigh; ve pase u ifer you sha u hiden a we ken uikangen kera ga; kpa ve nenge a akaaôron a aiegh sha ci wou man a zan a we ken mtsum.

Esekiel 16:2

Wan u or, pase Yerusalem aeren a na ndôhôrshima la,

Esekiel 20:4

Ú ôr ve ijir, we wan u or, ú ôr ve ijiri? Yô, pase ve aeren a uter vev a ndôhôrshima la, ve̱ fa;

Esekiel 22:2

We wan u or, ú ôr gar u haan awambe ne ijir, ú ôr un ijiri? Yô, pase un aeren a na a ndôhôrshima cii.

Esekiel 23:36

TER shi kaa a mo er: We wan u or, ú ôr Ohola man Oholiba ijiri? Yô, pase ve akaa a ve a ndôhôrshima la!

Esekiel 3:14

Tsô Jijingi kendem sha yem a mo; m yem a ishima i vihin, sha mtsee u jijingi wam, man uwegh ku TER lu sha a mo taveraa.

Esekiel 43:10

We wan u or, pase ya u Iserael kwagh u tempel, sha u ve̱ va ahenge sha aferakaa a ve; ve̱ kar ikaren i mlu na la.

Mateu 7:29

gadia A tese ve er ka or u lun a tahav nahan, lu er mbangeren vev ga.

Marku 3:17

man Yakobu wan u Sebedeu kua Yohane anngô u Yakobu, A seer ve iti er Boanerge, inja na yô er, ka uidyuranmbauôn.

1 Mbakorinte 2:4

Kwaghôron wam man kwaghaôndo wam u pasen kpaa, lu sha mhanger u kwaghôron tsô ga, kpa ikav i Jijingi man i agee kpaa lu sha mi,