Mika 3:5 - ICIGHAN BIBILO

⁵ Kape TER A ôr sha kwagh u uprofeti mba ve ne ior Av icumen la, mba zum u ka vea nyuma kwagh sha anyi a ve, ve genger imo er: Bem; kpa u nan we ve kwaghyan ken zwa ga la, ve gema ve suwe ityav a nan.

Mika 3:5 Iomraidhean Croise

Anzaakaa 28:21

U tan ken or sha dooshima yô, doo ga; gadia sha u zuan a ankwaghyan je kpaa, or ka nan per tindi.

Yesaia 3:12

Ior Av mban, mba ve kighir ve a ican yô, ka mbayev, kasev kpaa mba yan tor sha a ve. Ior Av, mba ve hemen ne la, ka ve je ve tsume a ven ye, man gbenda u ma u ze sha mi la, ve vihi u kera.

Yeremia 23:27

mba ve ver ishima u nan ior Av, iti Yam i̱ hungul ve sha mnyam vem ma ve er ayol a ve la, er uter vev kpaa, iti Yam lu hungul ve, sha ci u Baal nahana?

Yeremia 23:32

Nenge, M ngu num a mba ve er mnyam ma cien la, kape TER A kaa ne, man ve pasen ma, ve ne ior Av ve tsum sha aie ve, kua kwaghôron ve u sha ihagher la; nahan kpaa, Mo M tindi ve ga, M na ve zwa kpaa ga; man shi vea lu ior mban a ma inja je ga, kape TER A kaa ne.

Yeremia 6:14

Mba nenge pe been ior Av angev sha sha tseegh, mba kaan er: Bem, bem; kpa bem ngu ga.

Yeremia 6:4

Kohol nen iyol i nôngon ityav a na; mough sha, sé kôndo nen er iyange i lu sha tembe ne je. Kpa! kwagh tser se ve! gadia iyange ngi been, mure u aikighe ngu lihen!

Ukwelegh 2:14

Uprofeti ou nenge a mbampase mba sha mnenge sha ci wou mba aiev man mba gbilinigh; ve pase u ifer you sha u hiden a we ken uikangen kera ga; kpa ve nenge a akaaôron a aiegh sha ci wou man a zan a we ken mtsum.

Esekiel 13:9

Uwegh Agh kua lu ihom a uprofeti mba ve nengen mbampase mba icughugh man ve tsengepasen sha aie la: vea lu ken mkohol u ior Av ga, man á nger ati a ve ken ruamabera u ya u Iserael ga, shi vea nyôr ken tar u Iserael kpaa ga; nahan vea fa er Mo M lu Ter AÔNDO ye.

Hosea 4:5

Wea nôngo gbev atetan, man profeti kpaa una nôngo gbev a we imôngo tugh; Me tim ngôu kpaa.

Yoel 3:9

Yôô nen kwagh ne hen akuraior: Kohol nen iyol i utya; nder nen anomaior, ve̱ mough sha; mbautyav cii ve̱ kporom, ve̱ va.

Mika 2:11

Aluer or nan ngu zendan ahumbe ityô man nana er aie nana kaa er: Me ôr u kwaghôron u uprofeti sha kwagh u wain man msôrom ma taver yô, or la ma nan lu profeti u ior mban.

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Malaki 2:8

Kpa ne kaha ne undu gbenda; ne na ior kpishi gbev mbu nôngon sha ityesen; ne pav ikuryan i Levi, kape TER u akum a Sha A kaa la.

Mateu 15:14

De nen ve kera; ka mbaapirashe shi mba hemen mbaapirashe gbenda. Aluer orapirashe nana kôr orapirashe ugen aga yô, ve uhar cii vea gba shin akpa.

Mateu 7:15

Kura nen ayol a en sha uprofeti mba aiev mba ve ve her a ven a akôv a iyôngo iyol, kpa ken atô ve yô, gema ka ugbaseela mba huav je.

Mbaromanu 16:18

Gadia ambaaior la yô, ka Ter wase Kristu ve eren Un tom ga kpa ka iyav vev ve eren mbu tom ye. Ka sha zwanyohon man zwaovon ve lu tsumen a asema a mbakavenkwagh ga la ye.