Mika 3:11 - ICIGHAN BIBILO

¹¹ Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Mika 3:11 Iomraidhean Croise

Anzaakaa 17:23

Iferor yô, ka nan ngohol inyaregh ki yamen ishô ken myer, sha u nana za vihi igbenda i ijirigh yô.

Yesaia 1:23

Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yesaia 48:2

Gadia mba yer ayol a ve er, ior i icighangar, ve suur sha Aôndo u Iserael, TER u akum a Sha, ka iti Na je la.

Yesaia 5:23

mba ve ne mbalun a ibo ishô sha ci u inyar, kpa orperapera yô, ve ngohol mimi u nan kera!

Yesaia 56:11

Een, iwa i eren hua, mayange ngi fe iden ga; ve ka mbakuranilev mba ve fe u veren ishima sha kwagh ga yô; ve cii ve hurugh, hanmô ve ngu yemen gbenda u nan je, hanmô ve, hen mtsera u nan, ve cii mba kwagh môm tsô.

Yeremia 23:17

Mba zeren kaan a mbalahan Mo mbala er: TER kaa er: nea lu a bem; man hanma or u nan zenden sha mcighir u ishima i nan, ve kaa a nan er: Ma kwaghbo una tser u ga.

Yeremia 26:7

Tsô upristi man uprofeti kua ior cii ungwa akaa a Yeremia lu ôron ken iyou i TER la.

Yeremia 5:12

Ve nyiman TER, ve kaa er: Ka un ga; kwaghbo kpaa una tser se ga; sea nenge a sanker shin ijen kpaa ga.

Yeremia 6:13

Gadia hii sha u kiriki zan zan ar sha u vesen, hanmô ve cii maa nan iyol sha mtsera u dang; man hii sha profeti zan zan ar sha pristi, hanmô ve cii, nan ngu eren kwagh sha icugh.

Yeremia 7:4

De suur nen sha kwaghôron u aiegh ner: Tempel u TER, tempel u TER, ka tempel u TER je ne! ga.

Yeremia 8:10

Nahan Me gema kasev vev Me na ior mbagenev, ishule ve kpaa Me na mba ve hembe ve ityav yô; gadia hanmô ve cii, hii sha u kiriki zan zan ar sha u vesen, maa ve iyol sha mtsera u dang; man hii sha profeti zan zan ar sha pristi kpaa, hanmô ve cii, nan ngu eren kwagh sha icugh.

Esekiel 22:12

Ken a we, i ngohol inyaregh ki yamen ishô sha ci u haan awambe; u ngohol mngerem man mtsera u ganden ikaa inya, man u ngohol mtsera hen orwanndor a we sha mkighir je, man Mo M hungul we, kape Ter AÔNDO A kaa ne.

Esekiel 22:27

Mbatarev nav ken a na mba er ugbaseela mba anden inyam i ve ker yô, sha u haan awambe, man u timin uuma mba iorov, sha u vea zua a mtsera u sha mimi ga yô.

Esekiel 34:2

Wan u or, ôr kwaghôron u profeti sha mbakuran mba Iserael, ôr kwaghôron u profeti, kaa a ve, ka mbakuran je la, wer: Ter AÔNDO ngu kaan nahan er: Kwagh á tser mbakuran mba Iserael mba ve koson ayol a ve la! Kera ka iyôngo man mbakuran ve koson i gaa?

Hosea 4:18

Zum u ka vea ma msôrom kera yô, ve gba eren idya; mbatarev vev kpaa kunya doo ve ishima tsung.

Hosea 4:8

Ka sha asorabo a ior Av ve koson ayol a ve ye, man afer a ve la, ka kwagh u doon ve mimi.

Amoshi 5:14

Ker nen kwagh u dedoo, i̱ de lu u bo ga, sha u ne lu uma yô; ka nahan man TER, Aôndo u akum a Sha, Una lu a ven, er ne kaan la ye.

Amoshi 9:10

Á wua mbaasorabo mba ken ior Av cii sha sanker, ve mba ve kaan er: Kwagh u bo una tser se ga, una kohol se kpaa ga.

Mika 3:5

Kape TER A ôr sha kwagh u uprofeti mba ve ne ior Av icumen la, mba zum u ka vea nyuma kwagh sha anyi a ve, ve genger imo er: Bem; kpa u nan we ve kwaghyan ken zwa ga la, ve gema ve suwe ityav a nan.

Mika 7:3

Ave ve wa iyol u eren kwagh u ifer a ishima i môm; ortaregh ka a sôn, man orjirigh kpaa ka a wa iyol sha u zuan a inyaregh ki ken myer; zegeor ka a due a isharen i dang i ken ishima na la; kape ve cingi kwagh ayol a ve la.

Sefania 3:3

Mbatarev mba ker atô na ka ubegha mba tan kume; mbaajiriv nav ka ugbaseela mba aikighe mba ve shin ma kwagh her sha ci u pepe ga yô.

Sefania 3:4

Uprofeti nav kôrough ga, ka mba lun a mimi ga; upristi nav mba hôngor a icighankwagh, ve per atindi sha apera.

Malaki 1:10

Or ma nan lu ase ken a ven u nana wuhe ihinda sha u né de kera keer usu sha atse Am a nan nagh sha mi la gbilin ga yô! Doom a ven ga, kape TER u akum a Sha A kaa ne, Me ngohol nagh ku sha ave a en la ga.

Malaki 2:9

Nahan, Mo kpaa M gema ne ne hingir kwagh u lahan man kwagh u gban ijime sha ishigh ki iorough cii, sha ci u ne we igbenda Yam iko ga, kpa ne gem ne sangen ior sha dooshima sha ityesen i atindi la yô.

Numeri 16:15

Nahan ishima vihi Mose tsung, a kaa a TER er: De rumun nagh vegh ku ve ve a mi la ga; shin jaki môm tsô kpaa, m ngohol ve sha apera ga, shi m er mô ve môm kwaghvihin kpaa ga.

Numeri 22:7

Tsô mbavesen mba Moabi man mbavesen mba Midian, ve za a injar i ahir a ve, ve va hen Balaam ve va ôr un kwagh u Balaki la.

Mateu 3:9

man shi de kera henen nen ayol a en ner, se mba a ter wase Aberaham ga; gadia m ngu kaan ne mer, awen ne je kpaa Aôndo Una fatyô u geman a̱ hingir ônov mba Aberaham.

1 Timoteu 3:3

Nana̱ de lu or u cihin msôrom ga, nana̱ de lu or u cihin num kpaa ga, kpa nana̱ lu or u lun inja legh legh, nana̱ de lu or u hiin iyongo ga, shin u eren hua sha inyar kpaa ga.

Titu 1:11

I̱ kusu ve ijô keng gadia ka ve nzughul uya mbagenev jimin cii sha ityesen i ma ve tese ga la sha u zuan a mtsera u dang.

1 Peteru 5:2

Kura nen ikumuile i Aôndo i i lu hen ven la, er ka sha ci u Aôndo nahan, i̱ de lu er i kighir ne a kighir ga, kpa i̱ lu sha asema a en; i̱ de lu sha ci u mtsera u dang ga, kpa i̱ lu sha gbashima je;

Yuda 1:11

Kwagh á tser ve, gadia mba zenden sha gbenda u Kain, imeen i injar i Balaam la i hemba ve, ve tim sha mhendan u Koraki la.

1 Samuel 8:3

Ônov nav yô, zaan sha gbenda na vough ga, kpa ve tsume sha inyaregh ki keren, ve ngohol inyaregh ki yamen ishô, ve vihin ijir.