Mika 2:4 - ICIGHAN BIBILO

⁴ Sha iyange la vea dugh ishor sha a ven, vea gber kwelegh, vea kaa er: Se saa ishe puru; A gema dyako u ior av A na ior mbagenev; nenge, er A pav un a mo yô! A kar mbaahendanev ishule yase.

Mika 2:4 Iomraidhean Croise

2 Samuel 1:17

Nahan Davidi gber kwelegh ne, ter Saulu man wan na Yonatan.

2 Kroniku 35:25

Yeremia kpaa dugh kwelegh sha ci u Yoshia; mbawanatsam mba nomso cii kua mba kasev kpaa ve ter Yoshia ken ukwelegh vev zan zan nyian; gema hingir ieren ve u eren nahan ken Iserael je; nenge, i nger ve ken Ukwelegh.

Yobu 27:1

Tsô Yobu shi tôô injakwagh na, gba ôron er:

Yesaia 14:4

ú gema ipilaikaa sha tarnahan, ú gba teren tor u Babilon wer: Kape orkighir ior a ican a kur ne! Mkighir bee!

Yesaia 24:3

Tar ua hingir gbilin purututu man á sar u purututu kpaa; gadia TER ôr kwagh ne nahan.

Yesaia 6:11

Tsô m kaa mer: Zan zan hanma iyange je, Tere? A gema A kaa er: Zan zan agar aa kar hingir atse ve, or á kera lu ker ga, ayou kpaa or á lu ker ga man tar ua hingir toho dang ve;

Yeremia 14:18

Ka mea za ken toho, nenge, mba i woo sha sanker mban! Mea hide ken gar kpaa, nenge, mba ve gbe ijen mban! Profeti kua pristi je kpaa mba zenden sha tar tsô, ve hingir tumbuluu.

Yeremia 4:13

Nenge, ngu van er ka abeen yô, akekeautya na kpaa nga er hiar nahan; anyinya na wa kpaver hemba ugafa. Kpe ahii, se ne! mba timin se kera!

Yeremia 6:12

Uya vev vea hingir uya mba ior mbagenev, man ishule ve kua kasev cii kpa; gadia Me naregh uwegh Agh sha num, sha mba ve tem hen tar ne, kape TER A kaa ne.

Yeremia 8:10

Nahan Me gema kasev vev Me na ior mbagenev, ishule ve kpaa Me na mba ve hembe ve ityav yô; gadia hanmô ve cii, hii sha u kiriki zan zan ar sha u vesen, maa ve iyol sha mtsera u dang; man hii sha profeti zan zan ar sha pristi kpaa, hanmô ve cii, nan ngu eren kwagh sha icugh.

Yeremia 9:10

Me gber kwelegh sha ci u iwo, man sha ci u ajiir a ilev yan toho ken taaikôngo la, Me zungwe; gadia i nande a, a hia je ma or fatyô u karen her ga; man i kera ungwa mliam ma uile ga, inyon i purugh sha kua ishôso i ken toho cii nyôngoso, yem kera.

Yeremia 9:16

Me tsenda ve ken akuraior, a uter vev kua ve kpaa ve fe a ga yô; shi Me tindi sanker una dondo ve ijime, zan zan Me tim ve.

Esekiel 16:44

Nenge, hanma or u nan er kwagh sha anzaakaa, nana ôr injakwagh ne sha a we, er: Er ngô a lu nahan, kape wan na u kwase kpaa a lu je ne:

Esekiel 2:10

tsô A samber un sha ishigh Yagh; i nger un kimi kua ken ijime kpaa; man kwagh u i nger kimi yô, lu ukwelegh man mzungu man iwer i gbiren.

Yoel 1:13

Ta nen ikondo uya, zungwe nen, ne upristi, ngor nen mliam ne mbatomov mba atse a nanden nagh sha mi; nyôr tsa nen a ikondo uya, ne mbatomov mba Aôndo wam; gadia i kar a nagh ku sha samuyia man ku man ken iyou i Aôndo wam kera.

Yoel 1:8

Zungwe nen er iniunkwase i i te ikondo uya, sha ci u nom na u sha iniun na la.

Amoshi 5:1

Ungwa nen kwaghôron ne u M ter ne kwelegh sha min ne, we ya u Iserael.

Amoshi 5:17

Ken ishule i ikon i wain cii kpaa, á vaa mliam; gadia Me kar ne her atô, ka ape TER A kaa ne.

Mika 1:15

Van Yam we a or u nana ngohol we, we u u tem ken Maresha; icivir i Iserael ia va hen Adulam je.

Mika 1:8

Sha ci u kwagh ne yô, me gber kwelegh me vaa, me zende angahar gbilin man idyelegh; me vaa, me er ikenge er ugbaseela nahan, me er imo er ukonkofi nahan.

Mika 2:10

Mough sha, yem nen, gadia ka ijiir i memen ne ga; sha ci u i hôngor yô, ia va a mtim, ka mtim u vihin tsung je.

Habaku 2:6

Mban cii vea ver ishor sha a na gaa, man vea wa un asôngo gaa, man injakwaghôron er: Kwagh á tser un u a kohol akaa a a lu a na ga ne— ka zan zan hanma shighe je?—man a kange ikav iyol sha akaa a ityungugh.

Sefania 1:2

Me kar a akaa ci ca cii sha tar kera, kape TER A kaa la.

Numeri 23:18

Nahan a tôô injakwagh na a kaa er: Mough! Tile sha, Balaki, ungwa; kegh ato her a mo, we wan u Shipor;

Numeri 23:7

Tsô a tôô injakwagh na, a kaa er: Ka hen Aram je Balaki a za koo a mo ye, ka tor u Moabi je, ka sha iwo i sha ityoughkitaregh la: Va, va wam Yakob ifan, va, yuwe a Iserael,

Numeri 24:15

Tsô a tôô injakwagh na, a kaa er: Mpase u Balaam wan u Beor, mpase u or u bughun ashe,

Numeri 24:3

A tôô injakwagh na, a kaa er: Mpase u Balaam wan u Beor, mpase u or u bughun ashe,

Marku 12:12

Tsô ve gba keren ian i vea kôr Un, kpa ve lu cian ikpelaior, gadia ve kav er A ôr injakwagh la sha a ve yô. Maa ve undu Un ve yem.

Duteronomi 28:29

ú peven a pev zende iyange sha tembe er mbaapirashe ve peven ken ime nahan, ú lu a iveren sha igbenda you ga; á gbaa kighir we, á nzughul a we gbem je tsô, ma or kpaa nana yima u ga.