Mika 2:3 - ICIGHAN BIBILO

³ Nahan yô, TER ngu kaan nahan er: Nenge, Me hen kwagh u bo sha tsombor ne, u nea fatyô u dughun imon yen ker kera ga yô, man nea kera zende sha imanger kpaa ga, gadia shighe la á lu u bo je.

Mika 2:3 Iomraidhean Croise

Yesaia 29:20

Gadia ipilaor nana hingir gbilinor, ornahantar nana kera lu sha won ga, man mba ve veren ishima sha iferkwagh i eren cii á tim ve kera;

Yesaia 3:16

Shi TER kaa er: Er ônkasev mba Shion ve te ihagh, ve zenden ve dughun imon ve, ve nyiar ashe, mba zenden zende ve, eren iyar, uvan ahye shin angahar a ve,

Yesaia 5:19

mba ve kaan er: A̱ er ase fefa, A̱ torough a tom, Na, sé nenge; awashima u Icighan u Iserael la, a̱ nangem, a̱ va, sha u se̱ fa un yô!

Yeremia 18:11

Nahan hegen yô, shi ôr kwagh a ior i Yuda man mba ve tem ken Yerusalem, kaa wer: TER ngu kaan nahan er: Nenge, M ngu sôron kwaghbo veren a ver, Mer, a̱ va tser ne, man M ngu henen kwagh u Me er ne yô; shi hide nen, hanma or nana̱ gbihi gbenda u nan u ifer la, sôr igbenda yen kua aeren a en.

Yeremia 27:12

Sedekia tor u Yuda kpaa, m ôr a na nahan vough, m kaa mer: Huwa nen imon yen ken igbur i tor u Babilon, er nen un tom kua ior nav, tsô né lu uma.

Yeremia 34:17

Nahan yô, TER ngu kaan nahan er: Mayange ne ver ato her a Mo ne yôô ner, i̱ pase ikpan i̱ tuhwa ga, hanma or a anngô u nan, man hanma or a or wan ndor a nan; nenge, M ngu yôôn Mer, i̱ pase ne i̱ tuhwa, hingir nen sha ikev i sanker man i bouange kua i ijen, kape TER A kaa ne; Me gema ne né hingir ityartor i sha won cii kwagh u tumbul a min ave.

Yeremia 36:23

Tsô Yehudi una ôr ityange i ruamabera itiar shin inyiin yô, tor a tôndo i sha ihô a gema a gbihi sha usu u shin icenge la, zan zan ihurenruamabera la hia cii sha usu u shin icenge la.

Yeremia 43:2

nahan Asaria wan u Hoshaia man Yohanan wan u Karea man ior mba kehen ityough cii, ve ôr kwagh, ve kaa a Yeremia er: Ka aie u eren ye; TER, Aôndo wase, tindi u sha u kaan er: De ze nen ken Igipiti sha u za teman shir ker ga, ze;

Yeremia 8:3

Asande a tsombor u bo cii, a a shi her la, uma a ku yô, ku ua lu ve guda, ka mba ve wer ken ajiir a M zende ve cii je la, kape TER u akum a Sha A kaa ne.

Ukwelegh 1:14

A harem igbur i aferakaa am; uwegh Nagh tume a, ngam sha mon; a na agee am yina; TER nam sha ikev i mba m fatyô u hendan kwagh a ve ga yô.

Ukwelegh 2:17

TER er kwagh u lu wa ishima la; A kure kwaghôron Na u A kaa ayange a tsuaa la yô, A yôhôl, A zungwe mhôônom ga; A na orihom a ember sha a we, A kende korough ku mbaahendanev ou sha.

Ukwelegh 5:5

Mbatorough a vese, mba se sha imon; se vôr, mba rumun er se̱ mem ga.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Amoshi 2:14

Or u wan kpaver kpaa, ayem á nunde nan, orageegh nana kera fatyô u eren kwagh sha agee a nan ga, orutaha kpaa nana kera fatyô u waren uma u nan ga;

Amoshi 3:1

Ungwa nen kwaghôron u TER A er sha a ven ne, ne Mbaiserael, sha tsombor u M dugh a u ken tar u Igipiti la cii, er:

Amoshi 3:2

Ka ne tseegh M fe ne ken akuraior a sha won cii ye, ka nahan man Me va tsaha ne sha aferakaa a en cii ye.

Amoshi 5:13

Nahan orfankwagh nan huan ving sha shighe la, gadia ka shighe u bo je.

Mika 2:1

Kwagh á tser mba ve henen iferkwagh man ve we ago iyol u eren kwagh u bo sha ugambe vev la! Er sev a av yô, ve kure kwagh la kpaa, sha ci u a lu ken tahav mbu ave ve yô.

Mbaromanu 16:4

Mban yô, ve ver mon ve sha ci u uma wam, ka mo tseegh m lu sughun ve ga, ka iniongo i Kristu i ken atôatyev cii kpaa.

Mbaefese 5:16

Man waan nen ian yen iko, gadia ayange ne ka a bo je.

Duteronomi 28:48

nahan ú er mbaihomov ou mba TER Una tindi ve hen we tom u kpan a ijen man imura man idyelegh man mban u akaa cii; Una penda u igbur i iyô sha mon, zan zan Una tim u.

Yakobu 2:13

Gadia or u nan zungu mhôônom ga yô, ijir kpaa ia zungwe nan mhôônom ga, gadia mhôônom ma zungwen ma hemba ijir agee.