Mika 2:2 - ICIGHAN BIBILO

² Ve tôm ishule man ve ngohol i sha apera, kua ayou kpaa, ve ngohol a kpaa; ka ve nzughul a or kua ya u nan, man a or kua dyako u nan kpaa.

Mika 2:2 Iomraidhean Croise

1 Utor 21:1

Tsô akaa ne nga kar kera yô, kwagh ne shi er: Naboti Oryesereel lu a sule u ikon i wain ken Yesereel, ikua ikua a ya u Ahaba tor u Samaria.

2 Utor 9:26

Mimi je, nyen M nenge a awambe a Naboti kua awambe a ônov nav, kape TER kaa la, Me or iyev sha a we hen sule ne, kape TER kaa la. Yô, tôô un ase, gbihi ken sule ne, sha imo i TER kaa la.

Yobu 31:38

Aluer sule wam ua yilam ijir, man ihigha i u cii ia vaa yô,

Ekesodu 20:17

De tem ya u or u wan ndor a we ga, shi de tem kwase u or u wan ndor a we ga, shin or u shiren nan tom, shin kwase u eren nan tom, shin bua u nan, shin jaki i nan kpaa, kwagh môm môm u a lu u or u wan ndor a we yô, de tem ga.

Yesaia 3:14

TER Una nyôr ijir a mbatamen mba ior Nav kua atiator a ve: Ka ne je, ne ye sule u wain; kwagh u i ngohol atsanaior sha apera la, ngu ken uya enev.

Yesaia 5:8

Kwagh á tser mba ve seer ya sha ya ve, mba ve seer sule sha sule ve, je zan zan ma ijiir i kera shi ga, man ne mase teman hen atô u tar ne, ne tseegh.

Yeremia 22:17

Kpa ishe you kua ishima you mba sha ma kwagh ugen ga saa mtsera u dang man u haan awambe a orishôôgh, man u eren kwagh sha mkighir man u ngohol kwagh sha apera.

Esekiel 18:12

una kighir mbaatsanev man mbaibanave sha apera, una ngohol kwagh sha agee man una hide a ityungu ga, man una kende ashe na sha akombo, una er akaa a ndôhôrshima,

Esekiel 22:12

Ken a we, i ngohol inyaregh ki yamen ishô sha ci u haan awambe; u ngohol mngerem man mtsera u ganden ikaa inya, man u ngohol mtsera hen orwanndor a we sha mkighir je, man Mo M hungul we, kape Ter AÔNDO A kaa ne.

Esekiel 22:13

Nahan yô, nenge, M kure ave, sha mtsera u bo u u ye la, man sha awambe a haan a ken atô wou la.

Esekiel 33:26

Ne mba suur sha sanker wen, ne mba eren akaa a ndôhôrshima; hanma or ker a ven nan vihi kwase u or u wan ndor a nan; nahan kpaa tar ne ua shi á lu dyako wene?

Esekiel 45:9

Ter AÔNDO ngu kaan nahan er: I̱ kuma ne, ne utor mba Iserael; de nen ipila man mkighir, eren nen kwagh sha mimi man sha perapera; de nen u zendan ior Av, kape Ter AÔNDO A kaa ne.

Esekiel 46:18

Man shi tor a̱ de ngohol kwagh ken dyako u ior nav ga, sha u a̱ de duen ve ken dyako ve kera ga yô; a̱ na ônov nav mba nomso dyako sha kwagh u a lu u na iyol na yô, sha u i̱ de zende ma or u ken ior Av sha dyako u nan kera ga yô.

Esekiel 8:17

Tsô A kaa a mo er: U nenge kwagh ne kpa, we wan u or? Ka ya u Yuda kwagh u kiriki er ve er akaa a ndôhôrshima a ve lu eren heen nee? Gadia ve iv tar ne sha ipila, man shi ve gema kpaa sha u vea bamem yô; man nenge, ve ver gbaakon sha ihinga ve.

Amoshi 2:7

ve mba i gbe ve ishima u nengen a ihundu i inyaagh sha ityough ki mbaibanave man mba goom a gbenda u mbaasemaleghlegh; wan man ter u nan ka ve zua hen wankwase môm, sha u hôngor a icighanti Wam;

Amoshi 4:1

Ungwa nen kwaghôron ne, ne ungômbaibuav mba Bashan mba ne lu sha uwo u Samaria ne, ne mba ne kighir atsanaior, ne heren mbaibanave, ne mba ne kaan a noov enev ner: Va nen a mi, se̱ ma la.

Amoshi 8:4

Ungwa nen kwagh ne, ne mba ne ndyaren mbaibanave shin angahar, man ne tim mbaatsanev ken tar kera,

Mika 3:9

Shi ungwa nen kwagh ne, ne mbahemenev mba hen ya u Yakob man mbatarev mba hen ya u Iserael, ne mba ijirôron i mimi i ndôhôr ne ishima, man ne gem ne vihin hanma kwagh u a lu jighilii,

Mika 6:12

Gadia mbanyarev mba ve lu keregh la ve mgbough a ipila, man mba ve tem ker kpaa ve er mbaaie, nombor u ken zwa ve iv a icugh.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.

1 Timoteu 6:10

Gadia mise u hanma inja i kwaghbo cii yô, ka inyaregh ki saren. Mbagenev yô, ki hange ve nahan ve tsume ve undu jighjigh u nan, ve kuma ayol a ve sha atsan atô kposo kposo.