Mika 2:13 - ICIGHAN BIBILO

¹³ Orbughun gbenda hemen ve; ve hembe, ve za hen hunda, ve nyôr tsula; tor ve kar hemen ve, man TER gema ngu ve sha hemen.

Mika 2:13 Iomraidhean Croise

Ekesodu 14:19

Tsô ortyom u Aôndo u a hemen ikumior i Iserael la, mough kar hile ve ken ijime; ibeenegh ki lun er ityôgh la kpaa, mough sha hemen kar va tile ve ken ijime.

Yesaia 42:7

sha u bughun mbaapirashe ashe, u dughun mbakwarev agbe, man u dughun mba ken gaadi ken ime kera.

Yesaia 51:12

Ka Mo, M surun ne ishima ye! Ka nyi man we u cie or u nana va kpe man wan u or u á gema nan á hingir er toho kpaa yôô?

Yesaia 52:12

Gadia nea due fele fe fele ga, nea yevese a yevese kpaa ga; gadia TER Una kar Una hemen ne, Aôndo u Iserael kpaa Una lu orkuran wen ken ijime.

Yesaia 55:4

Nenge, M ver un Mer, a̱ lu shiada hen ior a̱ lu orhemen man orwan akuraior kwagh.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Hosea 1:11

Tsô ônov mba Yuda man ônov mba Iserael vea kohol imôngo, man vea ver or môm nana lu ityough sha a ve, vea due ken tar la; gadia iyange i Yesereel ia lu iyange i vesen je.

Hosea 13:14

Me paa ve sha tahav mbu Sheol; Me paa ve sha ku; we ku, ka han ubombauangev ou ve lu? We, Sheol, ka han mtim wou a lu? Afanyô a vaan a yer sha ishigh Yagh.

Hosea 2:2

Hendan nen a ngô wen, hendan nen; gadia ka kwase Wam ga, Mo kpaa M ngu nom na ga; a̱ kar a idya na sha ishigh nagh kera, man a ijimba na kpaa her atô u atumba na kera;

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Mika 2:12

Me kohol ne cii kpee je, we ya u Yakob, Me kohol asande a Iserael a a shi her la je, Me zua ve imôngo er iyôngo ken ityôr nahan man er ikumuile ken atô u ijiir ve i yan toho yô; á hura iuu sha mngee u ior.

Mika 3:1

Shi m kaa mer: Shi ungwa nen, ne mbahemenev mba Yakob, man mbatarev mba hen ya u Iserael kpaa! Kera ka u ne̱ fa ijirôron i mimi gaa?—

Mika 4:7

Mbakeer la, Me de ve vea lu asande a ior her, man mba i yem a ve kera ca la kpaa, vea hingir ikurior i ageegh; man TER Una tema tor sha a ve sha uwo u Shion, hii hegen je zan zan gbem sha won.

Sekaria 10:12

Me taver ve ken TER; vea zenden ken iti Na, kape TER A kaa la.

Mbaheberu 6:20

Ka hen ape Orhemen wase Yesu kpaa A nyôr sha ci wase la, Un u A hingir Zegepristi sha inja i Melkisedeki gbem sha won.

Yosua 3:6

Shi Yosua ôr kwagh a upristi, kaa er: Tôô nen areki u ikuryan, hemen nen ior, per nen. Tsô ve tôô areki u ikuryan ve hemen ior.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.

Mpase U Yohane 7:17

gadia Waniyôngo u A lu ker atô u ikônough ki torough la Una hemen ve, Una za a ve hen ambor a mngerem ma umam, Aôndo Una ese ve mliam sha ashe kera cii.