Mika 2:12 - ICIGHAN BIBILO

¹² Me kohol ne cii kpee je, we ya u Yakob, Me kohol asande a Iserael a a shi her la je, Me zua ve imôngo er iyôngo ken ityôr nahan man er ikumuile ken atô u ijiir ve i yan toho yô; á hura iuu sha mngee u ior.

Mika 2:12 Iomraidhean Croise

Genese 36:33

Bela kpe kera yô, Yobabi wan u Sera u ken Bosera ya tor sha ityough nagh.

1 Kroniku 1:44

Tsô Bela kpe, nahan Yobabi wan u Sera u Bosera tema tor sha ityough nagh.

Yesaia 11:11

Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

Yesaia 27:12

Sha iyange la TER Una gbidye alakema, hii hen ifi u Uferati zan zan ar hen uwagh u Igipiti, man á sange ne môm môm á kohol ne, ne ônov mba Iserael.

Yesaia 34:6

Sanker u TER iv a awambe, engem iyol sha ahôm, sha awambe a agumaiyôngo man a ivo, sha ahôm a ahi a anomaiyôngo; gadia TER ngu a nagh ku sôngon ken Bosera, á sôngo kwagh ken tar u Edom je falegh á gba.

Yesaia 5:17

Tsô aniyôngov vea gba yan toho ker er ka hen ijiir ve i yan toho yô, man mba azende azende vea ya atse a mbanyarev.

Yeremia 23:3

Mo Me kohol asande a ikumuile Yam a a shi her la, ken ityar i M zende i i yem ker la cii, Me shi Me hire a i hen ajiir a i; ia ngee kpishi, ia seer a seer.

Yeremia 3:18

Sha ayange la, ya u Yuda una zua a ya u Iserael, vea due imôngo ken Imbusutarimese la, vea va nyôr ken tar u M na uter enev dyako yô.

Esekiel 34:11

Gadia Ter AÔNDO ngu kaan nahan er: Nenge, Mo iyol Yam, Me ker iyôngo Yam man Me tôv i hwange.

Esekiel 34:13

Me due a ve ken akuraior, me kohol ve ken ityar i sha won, Me va a ve ken tar ve jim; Me koso ve sha iwo i Iserael, hen iwagh man ken ajiir a ior ve tem ken tar la cii.

Esekiel 34:22

sha ci u nahan yô, Me yima ikumuile Yam man ia kera lu ishar ga; man Me ôr ijir her atô u iyôngo a iyôngo.

Esekiel 34:31

Ne iyôngo Yam, iyôngo i M koson i, ne mba ior, man Mo yô, M ngu Aôndo wen, kape Ter AÔNDO A kaa ne.

Esekiel 36:37

Ter AÔNDO ngu kaan nahan er: Kwagh ne yô, kam pe ya u Iserael ma a va senem er Me er ve un yô; Me seer ve ior er ikumuile nahan.

Esekiel 37:21

Kaa a ve wer: Ter AÔNDO ngu kaan nahan er: Nenge, Me kura Mbaiserael ken atô u akuraior, a ve yem ker la, Me kohol ve hanma vegher cii, man Me va a ve ken tar ve jim;

Hosea 1:11

Tsô ônov mba Yuda man ônov mba Iserael vea kohol imôngo, man vea ver or môm nana lu ityough sha a ve, vea due ken tar la; gadia iyange i Yesereel ia lu iyange i vesen je.

Amoshi 1:12

nahan Me haa usu sha Teman, ua hia ayouator a Bosera.

Mika 2:13

Orbughun gbenda hemen ve; ve hembe, ve za hen hunda, ve nyôr tsula; tor ve kar hemen ve, man TER gema ngu ve sha hemen.

Mika 4:8

Uwe, gôgôyou u taven u ikumuile, igungu u wankwase u Shion, ka her a we ua va ye, een, tartor u tsuaa la ua va, ka tartor u wankwase u Yerusalem je la.

Mika 5:7

Asande a Yakob a a shi her la, aa lu ken atô u akuraior kpishi er avure a a dugh hen TER nahan, man er aber a ura sha toho nahan, a a keghen or ga, shin á ngôôr her sha ci u ônov mba iorov kpaa ga yô.

Mika 5:8

Asande a Yakob a a shi her la, aa lu ken akuraior, ken atô u ior kpishi, er begha a lu ken atô u inyamtoho nahan man er gumbegha ken atô u akum a iyôngo nahan, u zum u ka una nyôr ker yô, a ndyar, a tuse caver caver, man ma oryiman kpaa nan kera lu ga.

Mika 7:14

Kura ior Ou sha gbough Ough, ikumuile i dyako Wou, mba ve tem tseke ve, ken ikô ker atô u Karmel; de, ve̱ yaan toho ken Bashan man Gileadi er sha ayange a tsuaa la nahan.

Mika 7:18

Ka an nan lu Aôndo er We nahan, u U deen iferkwagh man U deen atindi a peren a asande a dyako Wou a a shi her laa? Ishima i nyoon We gbem ga, sha ci u erdoo doo U.

Sefania 3:20

Hen shighe la Me hide a ven, hen shighe u Me kohol ne la, gadia Me na ne̱ due a iti, man ne̱ lu a iwuese kpaa ken akuraior a sha won cii, zum u Me gema mlu wen sha ashe a en la, kape TER A kaa ne.