Mika 2:10 - ICIGHAN BIBILO

¹⁰ Mough sha, yem nen, gadia ka ijiir i memen ne ga; sha ci u i hôngor yô, ia va a mtim, ka mtim u vihin tsung je.

Mika 2:10 Iomraidhean Croise

1 Utor 9:7

Me dugh Iserael ken tar u M ne ve ne kera, man iyou i M tsegh sha ci u iti Yam ne, Me kar a i sha ishigh Yagh kera; Iserael una hingir kwagh u wan ishenge a min ken akuraior cii;

2 Utor 15:29

Sha ayange a Peka tor u Iserael la, Tigelati-pileser tor u Ashiria va, va ngohol Iyon man Abel-bete-maaka man Yanoa man Kedeshi man Hasor man Gileadi kua Galilia, ka tar u Nafetali cii je la; a kura ve a yem a mi uikangen ken Ashiria.

2 Utor 17:6

Sha inyom i sha utaankarunyiin i Hoshea la, tor u Ashiria ngohol Samaria, a kura Iserael, a yem a ve uikangen ken Ashiria, a za ver ve ken Hala man hen kpe u Habor ifi u ken Gosan, man ken agar a Mbamede.

2 Kroniku 7:20

nahan Me wuhe ve shin amise je ken tar wam u M ne ve; man iyou i M tsegh i sha ci u iti Yam ne, Me kar a i sha ishigh Yagh kera, Me gema i, ia hingir kwagh u veren ishor man kwagh u wan ishenge a mi ken akuraior cii.

Upasalmi 106:38

ve haa awambe a mbaishôôv inya, ka awambe a ônov vev mba nomso man mba kasev, mba ve ne ieev mbi Kanaan nagh a mi je la; nahan tar cii hôngor sha awambe.

Upasalmi 95:11

Ka nahan man M yuwe, M bum Mer: Vea kera nyôr ken mmem Wam ga ye.

Yeremia 10:18

Gadia TER ngu kaan nahan er; Nenge, Me ta mba ve tem ken tar ne kera, sha shighe ne, Me na, ishima ia nyian ve je, vea fa i dedoo.

Yeremia 3:2

Kende ashe ou sha, nenge agungu a penem penem! Ka hanma ijiir man i de yaven a wee? Sha igbenda kpaa, u tema sha u keghen ve, er Orarabia ken taaikôngo nahan; u hôngor tar sha udya ou man dang wou.

Yeremia 9:19

Gadia i ungwa imo i mlia je ken Shion: U wuu, i tim se kera! Se va ahenge kpishi, sha ci u se undu tar ne, sha ci u ve hembe uya asev kera yô.

Esekiel 36:17

Wan u or, zum u ya u Iserael tema ken tar ve u ayol a ve la, ve hôngor a u sha gbenda ve man aeren a ve; gbenda ve lu sha ishigh Yagh er kwase u nan lu wang ga, sha shighe u nan dugh won yô.

Esekiel 36:19

nahan M sambe ve ken akuraior, man i tsenda ve ken ityar ityar; ka gbenda ve man aeren a ve la, M ôr ve ijir sha mi ye.

Duteronomi 12:9

gadia ne mba a ar hen ijiir i memen ga, man shi hen dyako, u TER, Aôndo wou, Una na u la kpaa ga.

Duteronomi 30:18

m pase ne nyian, mimi je né tim kpee; ayange a en aa ngee ken tar u ú per Yordan wer ú nyôr ú za ngohol u la, ga.

Duteronomi 4:26

m yila Sha man tar ve̱ lu shiada sha a ven nyian, né per Yordan sha u za ngohol u la je ga; né tsa ayange kpishi ken u ga, tsô né tim purututu.