Mika 2:1 - ICIGHAN BIBILO

¹ Kwagh á tser mba ve henen iferkwagh man ve we ago iyol u eren kwagh u bo sha ugambe vev la! Er sev a av yô, ve kure kwagh la kpaa, sha ci u a lu ken tahav mbu ave ve yô.

Mika 2:1 Iomraidhean Croise

Genese 31:29

M ngu a agee a eren ne kwagh u vihin; kpa Aôndo u ter wen, nyen ôr kwagh a mo tugh, kaa er: Kura iyol you, de er ma kwagh a Yakob ga, a lu u doon shin a lu u bo kpaa ga.

1 Utor 21:7

Tsô kwase na Yesebel kaa a na er: U ngu tor u Iserael ga ha? Mough, ya kwagh ishima i̱ lu u gbar gbar; me na u sule u ikon i wain u Naboti Oryesereel la.

Eseter 3:8

Tsô Haman kaa a tor Ahasueru er: Ikurior igen ngi; ngi saratete, paleghaa, ken akuraior a a lu ken uipaven mba tar wou cii, atindi a ve nga kposo a hanma ikurior, mba we atindi a tor iko kpaa ga, nahan doo u tor á gba den ve nahan ga.

Eseter 5:14

Tsô kwase na Sereshi kua akar a na la cii gema kaa a na er: Kaa, i̱ tim kon, ityaven i u i lu aseva akunduahargber; yô, kper pepe ôr kwagh a tor i̱ sende Mordekai sha u; yô, yem vea tor saan saan hen iniongo. Kwagh ne doo Haman tsô, a kaa er, i̱ tim kon la je.

Eseter 9:25

kpa er kwagh la za va hen tor yô, a kaa ken uwashika er, mhen u bo, u a hen sha Mbayuda la, a̱ hide sha ityough nagh; un a ônov nav kpaa i sende ve sha kon.

Yobu 15:35

Ka ve jile iyol sha dang, ve mar ifer, iyav vev mbu mar icugh.

Yobu 24:14

Orwuanor ka nan mough sha use, nan za wua icanor kua oribanave; tugh yô, ka nan hingir er ormbaiv nahan.

Upasalmi 36:4

ka nan hen ifer sha gambe u nan, nan ver ishima i nan sha gbenda u u doo ga yô; kwaghbo ndôhôr nan ishima ga.

Upasalmi 36:5

TERE, erdoo Wou ngu je, ar sha Usha, mimi Wou ar sha abeen je.

Upasalmi 58:3

Mbaaferev due paleghaa ken uya je, er i mar ve je, tsô ve hii u tsumen sha aie u eren.

Anzaakaa 12:2

Ormimi yô, á doo TER a nan, kpa or u nan hen ubombaakaav yô, Una na nan ibo.

Anzaakaa 14:22

Mba ve henen ifer, ka gbenda ve tsum gaa? Kpa erdoo kua mimi vea hingir kwar u mba ve henen kwagh u dedoo.

Anzaakaa 3:27

De nyum u eren kwagh u dedoo a mba ve kom un la ga, zum u u lu a tahav mbu eren un yô.

Anzaakaa 4:16

Gadia mba gbe yaven ga, saa ka ve vande eren kwaghbo; mnyam vem kpaa mba gbe yaven ga, saa ka ve vande nan or gbev kpee.

Yesaia 29:20

Gadia ipilaor nana hingir gbilinor, ornahantar nana kera lu sha won ga, man mba ve veren ishima sha iferkwagh i eren cii á tim ve kera;

Yesaia 3:14

TER Una nyôr ijir a mbatamen mba ior Nav kua atiator a ve: Ka ne je, ne ye sule u wain; kwagh u i ngohol atsanaior sha apera la, ngu ken uya enev.

Yesaia 32:7

Ayom a oratsereghegh kpaa ka a vihin tsô, ka nan henen udangmbaakaav sha u timin atsanaior sha akaaôron a aiegh, sha shighe u oribanave a lu ôron sha mimi kpaa la.

Yesaia 5:8

Kwagh á tser mba ve seer ya sha ya ve, mba ve seer sule sha sule ve, je zan zan ma ijiir i kera shi ga, man ne mase teman hen atô u tar ne, ne tseegh.

Yesaia 59:3

Gadia ave a en hôngor sha awambe, man ahôaveegh a en kpaa sha iferkwagh; ityumbuzwaagh yen kpaa er aie, nombor wen kpaa ngu er kwagh sha icugh.

Yeremia 18:18

Tsô ve kaa er: Va, sé hen nen kwagh u sé er Yeremia yô; gadia atindiakaa aa bee hen pristi ga, mhen kpaa una bee hen orfankwagh ga, kwaghôron kpaa una bee hen profeti ga. Va, sé za vihi nen un sha nombor; sé kera ver nen ishima sha ma kwaghôron na môm môm ga.

Esekiel 11:2

Man A kaa a mo er: Wan u or, ka ior mba ve henen iferkwagh je ne, mba ve ne mhen u bo ken gar ne.

Esekiel 33:26

Ne mba suur sha sanker wen, ne mba eren akaa a ndôhôrshima; hanma or ker a ven nan vihi kwase u or u wan ndor a nan; nahan kpaa tar ne ua shi á lu dyako wene?

Esekiel 38:10

Ter AÔNDO ngu kaan nahan er: Tsô sha iyange la, mbamhen vea va ken ishima you, ú hen mhen u bo;

Esekiel 46:18

Man shi tor a̱ de ngohol kwagh ken dyako u ior nav ga, sha u a̱ de duen ve ken dyako ve kera ga yô; a̱ na ônov nav mba nomso dyako sha kwagh u a lu u na iyol na yô, sha u i̱ de zende ma or u ken ior Av sha dyako u nan kera ga yô.

Mika 6:12

Gadia mbanyarev mba ve lu keregh la ve mgbough a ipila, man mba ve tem ker kpaa ve er mbaaie, nombor u ken zwa ve iv a icugh.

Nahum 1:11

Orgen due ken a we, u nan hen kwaghbo sha TER yô, nan hen mbamhen mba dang.

Sekaria 7:10

de kera kighir nen kwasecôghol a ican ga, man wancôghol man shiror shin icanor kpaa ga; hanmô wen nana de kera henen iferkwagh ken ishima i nan sha anngô u nan ga.

Marku 15:1

Fese nahan er sev av yô, upristi mba tamen kua mbatamen man mbangeren kua mkohol u mbaajiriv cii, ve hen imôngo, ve kange Yesu ve yem a Na, ve za na sha ikev i Pilatu.

Luka 20:19

Tsô mbangeren man upristi mba tamen gba keren ian sha u vea kôr Un hen shighe la, kpa ve lu cian ikpelaior, gadia ve kav er A er injakwagh la sha a ve je yô.

YOHANE 19:11

Yesu gema kaa er: Aluer a ne u tahav mbu mbu sen sha la ga yô, ma u lu a ma tahav sha a Mo ga; nahan yô, or u nan lu nan Mo sha ikev you la, nan hemba ngun a isholibo.

Aerenakaa A Mbaapostoli 23:12

Sev mbu av yô, Mbayuda kohol zua zwa, bum er, vea ya kwagh ga, mme tsô kpaa, vea ma kwagh ga, saa vea wua Paulu ve.

Aerenakaa A Mbaapostoli 23:15

Nahan yô, ne kua mkohol u Mbayuda, za kaa nen torutya u tamen, a̱ va a na hen ven, i̱ bee er ne soo u shi seer timen sha kwagh na vighe vighe yô, man se di yô, sé kegh iyol, sé wua un er una lu a ar heen je ga yô.

Mbaromanu 1:30

man mbatuhwanior man mbakôron Aôndo ihom man mbacihinkwagh man mbagengeseyol man mbahagher sha kwaghôron man mbadughun aeren a bo man mbahemban mbamaren vev ato

Duteronomi 28:32

Á gema ônov ou mba nomso man mba kasev á na ikurior igen, ú lu nengen sha ashe ou, ashe ou kpaa aa yina u ikôr sha ci u veren a sha a ve, sev cii, uwegh ough kpaa kua lu agee a eren ma kwagh ga.