Mika 1:7 - ICIGHAN BIBILO

⁷ Ieev nav mbi gban a gba cii, á hembe mbi avur avur, man injar na i sha idya la cii á nande i sha usu, Me gema ieev nav cii, mbia hingir ice; gadia ka sha injar i agbaga a kohol mbi ye, man shi mbia hide hen injar i agbaga kpaa.

Mika 1:7 Iomraidhean Croise

2 Kroniku 31:1

Tsô zum u i kure akaa ne cii yô, Mbaiserael mba ve lu her cii, ve due ve za ken agar a Yuda, ve za hembe mtôm ma awenem, ve gber Asherim kera, ve hembe ajiir a taven sha man atse a nanden nagh sha mi a ken Yuda cii man a ken Benyamin man ken Eferaim kua Manase kpaa, ve vihi a ci ca cii. Tsô ônov mba Iserael cii hide, hanma or nan yem hen gar u nan hen ya u nan.

Yesaia 2:18

Akombo kpaa á kar a mi kera purututu.

Yesaia 23:17

Ken masejime u anyom akunduatargber á kar kera la yô, TER Una va sôr Tiru, nahan una hide sha tom na u sha tôndo, una er idya a ityartor i sha won cii i i lu sha tar yô;

Yesaia 27:9

Ka sha kwagh ne je man á kough ifer i Yakob kera ye, mkarkera u kwaghbo na la, ka atam a na ne: Una gema awen a atse a nanden nagh sha mi cii, aa hingir er awen a akpena a i hembe a avur avur yô, Asherim kua atse a nanden kwaghhumandoon sha mi vea kera tile sha je ga.

Esekiel 6:6

Ken ajiir a en a teman cii, á tim agar a vesen kera, man ajiir a taven sha la, aa hingir ice; sha u i̱ tim atse en a nan nagh sha mi la, a̱ hingir ice, man i̱ hembe akombo a en a̱ bee, man i̱ gber atse a en a nanden kwaghhumandoon sha mi la kera, man i̱ kar a ityom yen kera purututu.

Hosea 2:12

Me vihi ikon i wain na man ikon i tur na, i a kaa er: Ka injar yam i mba m doo ve ishima ve nem la; Me gema i ia hingir ikô, inyamtoho ia ya i.

Hosea 2:14

Nahan yô, nenge, Me mee un, Me va a na ken desereti, Me ôr kwagh u pever un ishima.

Hosea 2:5

Gadia ngô ve er ijimba; wen u a we iyav vev la kpaa, a er kwagh u kunya; gadia a kaa er: Me za hen mba m doo ve ishima, mba ve nem kwaghyan wam man mngerem man ul man mou man mkurem man kwaghman kpaa.

Hosea 8:5

Wanbua wou ndôhôr ishima, Samaria; iyugh Yam yegh sha a ve; ka hanma shighe je vea hingir wan ga?

Hosea 8:6

Gadia kwagh ne due ka ken Iserael; or u eren eev er un, ka aôndo ga; wanbua u Samaria la, á hembe un avur avur.

Yoel 3:3

Ve er ishor sha ior Av, ve gema wannomso ve musan idyakwase a mi, man ve tee wanyekwase kpaa ve yam wain, ve ma.

Levitiku 26:30

Shi Me vihi ajiir a en a taven sha la, Me vihi atse a en a nanden kwaghhumandoon sha mi la kera, Me haa akom a en sha akom a mbaaôndo enev mba gbiliniv; ishima ia ndôhôr Mo a ven.

Duteronomi 23:18

De ve a injar i idyakwase, shin injar i iwa, hen ya u TER, Aôndo wou, sha ci u hanma iceghzwa ga, gadia ve uhar cii ka TER, Aôndo wou, kwagh u ihôngorough je.

Duteronomi 9:21

Kwaghbo wen, wanbua u ne er la, m tôô un m nande sha usu, m cagh un, m wua un dedoo, via je hingir er ihundu nahan, m gema ihundu na la m haa shin uwagh u u sen sha uwo la.

Mpase U Yohane 18:3

Gadia akuraior cii ma wain u isharen na i ijimbagh la. Utor mba shin tar kpaa er idya a na. Mbakasuav mba shin tar hingir mbanyarev sha agee a ishar na i i haa ve iyol la.

Mpase U Yohane 18:9

Utor mba ve er idya a na shi ishar i hee ve iyol a na imôngo la, vea vaa, vea zungwe un zum u vea nenge mnyim ma mhie na la.

1 Samuel 5:4

Kper gen shi mba ze her pepe yô, ve kav Dagon gba cir ishigh inya sha ishigh ki areki u TER; ityough ki Dagon kua akevaveegh na cii tôndo haa inya hen kpandehunda u shin; Dagon mase shin gundu tseegh.